Հա
09/12/2022 - 12:30

Արցախի Հանրապետութեան նախագահի գլխաւորած պատւիրակութիւնը հանդիպել է Փարիզի քաղաքապետի հետ

Ֆրանսիայի Հանրապետութիւնում գտնւող Արցախի Հանրապետութեան նախագահ Արայիկ Յարութիւնեանի գլխաւորած պատւիրակութիւնը հանդիպել է Փարիզի քաղաքապետ Անն Իդալգոյի հետ:

Ֆրանսիայի Հանրապետութիւնում գտնւող Արցախի Հանրապետութեան նախագահ Արայիկ Յարութիւնեանի գլխաւորած պատւիրակութիւնը հանդիպել է Փարիզի քաղաքապետ Անն Իդալգոյի հետ:

Հանդիպմանը քննարկւել են Արցախ-Ֆրանսիա կապերի զարգացմանը, ադրբեջանա-ղարաբաղեան հակամարտութեան կարգաւորմանը վերաբերող տարբեր հարցեր:

Արայիկ Յարութիւնեանը բարձր է գնահատել Անն Իդալգոի ջանքերը՝ ուղղւած Արցախի ժողովրդի իրաւունքների պաշտպանութեանը, անկախութեան միջազգային ճանաչման համար պայքարին սատարմանը, ինչպէս նաեւ Ադրբեջանի կողմից բռնազաւթւած տարածքներում Արցախի հոգեւոր-մշակութային ժառանգութեան պաշտպանութեանը: Նախագահը նաեւ շնորհակալութիւն է յայտնել Փարիզի քաղաքային խորհրդի անդամներին՝ Արցախի Հանրապետութեան անկախութեան ճանաչման բանաձեւի օգտին քւէարկելու համար:

Նախագահ Յարութիւնեանն ընդգծել է, որ միջազգային յարաբերութիւնների զարգացումը Արցախի համար շարունակում է մնալ առաջնահերթ խնդիրներից մէկը: Այդ համատեքստում երկրի ղեկավարը կարեւորել է Ֆրանսիայի վարչական շրջանների եւ քաղաքների հետ ունեցած ապակենտրոնացւած համագործակցութեան ընդլայնումն ու խորացումը՝ յոյս յայտնելով, որ երկկողմ յարաբերութիւնները զարգանալու են դինամիկ կերպով:

Փարիզի քաղաքապետը վստահեցրել է, որ Փարիզը միշտ կը լինի Արցախի եւ նրա ժողովրդի կողքին՝ պաշտպանելով նրա ինքնորոշման եւ խաղաղ ապրելու իրաւունքները:

Հանդիպմանը ներկայ են եղել նաեւ ՀՅԴ Բիւրոյի անդամ, Ֆրանսիայի հայկական կազմակերպութիւնների համակարգող խորհրդի (CCAF) համանախագահ Մուրադ Փափազեանը եւ ՀՅԴ Բիւրոյի անդամ, Արցախի Հանրապետութեան Ազգային ժողովի պատգամաւոր Դաւիթ Իշխանեանը:

 

Arfd.am

 

Յարակից լուրեր

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։