Հա
You are here:Գլխաւոր էջ»Լուրեր»Սփիւռք»ՀՅԴ Լիբանանի Կեդրոնական Կոմիտէին նախաձեռնութեամբ Հալէպ հասաւ լիբանանահայութեան մարդասիրական օժանդակութիւնը
بانک صادرات ایران
13/03/2023 - 12:30

ՀՅԴ Լիբանանի Կեդրոնական Կոմիտէին նախաձեռնութեամբ Հալէպ հասաւ լիբանանահայութեան մարդասիրական օժանդակութիւնը

ՀՅԴ Լիբանանի Կեդրոնական Կոմիտէին նախաձեռնութեամբ Հալէպ հասաւ լիբանանահայութեան մարդասիրական օժանդակութիւնը

Կիրակի, 12 մարտի յետմիջօրէին, Հալէպի Ս. Աստուածածին եկեղեցի հասաւ լիբանանահայութեան կողմէ առաքուած մարդասիրական օժանդակութիւնը:

Կիրակի, 12 մարտի յետմիջօրէին, Հալէպի Ս. Աստուածածին եկեղեցի հասաւ լիբանանահայութեան կողմէ առաքուած մարդասիրական օժանդակութիւնը:

Ս. Աստուածածին եկեղեցւոյ մուտքին պատուիրակութիւնը դիմաւորեցին Բերիոյ հայոց թեմի առաջնորդ Մակար եպս. Աշգարեանը, թեմի Նպաստից մարմինի ներկայացուցիչներն ու պատասխանատու ազգայիններ:

Նոյն բեռնակառքով առաքուած էր նաեւ «Ճինիշեան» հիմնարկի ապահոված նպաստը:

Պատուիրակութիւնը կը գլխաւորէր ՀՅԴ Լիբանանի Կեդրոնական կոմիտէի եւ Հայկական երեսփոխանական պլոքի ներկայացուցիչ, երեսփոխան Յակոբ Բագրատունի: Պատուիրակութեան մաս կը կազմէր նաեւ Կեդրոնական կոմիտէի անդամ Ալպեր Պալապանեան: Երեսփոխան Բագրատունի այս առիթով ըսաւ. «Երկրաշարժի առաջին օրէն լիբանանահայութիւնը եւս տագնապեցաւ: Մենք կապի մէջ էինք տեղւոյն պատասխանատուներուն հետ` իմանալու աղէտի տարողութիւնն ու ժողովուրդին կարիքները: Ճիշդ է, որ տարբեր երկիրներու մէջ կ՛ապրինք, բայց վերջին հաշուով մէկ ժողովուրդ ենք: Այնպէս ինչպէս սուրիահայութիւնը մեր տագնապներուն ընթացքին մեզի կը հասնէր, մենք ալ մեր կարգին օժանդակութեան մեր բաժինը բերինք: Անմիջապէս գործի հրաւիրեցինք մեր Արտակարգ իրավիճակներու մարմինը, որուն մաս կը կազմեն կուսակցութիւնը, Լիբանանահայ օգնութեան խաչը եւ ուղեկից միւս միութիւններն ու համապատասխան աշխատանք տարինք կարելի բոլոր միջոցներով մարդասիրական օժանդակութիւն ապահովելու: Կը յուսանք, որ սուրիահայութիւնը այս դժուարութիւնները կը յաղթահարէ եւ ժպիտը կրկին կ՛ուրուագծուի բոլորի դէմքին»:

Ազգային մարմիններու ներկայացուցիչ Վրէժ Եագուպեան բարձր գնահատեց լիբանանահայ գաղութին այս ներդրումը: Ապա աւելցուց. «Աղէտի առաջին օրէն, ինչպէս բոլոր հայ գաղութները, այնպէս ալ ՀՅԴ Լիբանանի Կեդրոնական կոմիտէի ներկայացուցիչը կապի մէջ մտաւ եւ պատրաստակամութիւն յայտնեց օժանդակելու մեր ժողովուրդին: Սուրիահայութիւնը պատերազմի օրերէն մինչեւ այսօր դժուար օրեր կը դիմագրաւէ: Յուսանք այս աղէտը վերջինը կ՛ըլլայ, եւ Սուրիոյ ու Լիբանանի ժողովուրդները բարւոք օրեր կը դիմաւորեն: Շնորհակալութի՛ւն լիբանանահայութեան»:

Այնուհետեւ Բերիոյ հայոց թեմի առաջնորդ Մակար եպս. Աշգարեան ժողովականութեան եւ ամբողջ ժողովուրդին անունով շնորհակալութիւն յայտնեց ՀՅԴ Լիբանանի Կեդրոնական կոմիտէին եւ լիբանանահայութեան այս կեցուածքին համար` դիտել տալով, որ «սուրիահայութիւնը անցնող մէկ ամսուան ընթացքին ապրեցաւ սարսափելի օրեր: Թեմի Արտակարգ իրավիճակի մարմինը եւս գործի լծուեցաւ ամոքելու ժողովուրդին ցաւը եւ կազմակերպելու օժանդակութեան աշխատանքները: Թող Աստուած իր հովանիին տակ պահէ Սուրիոյ եւ Լիբանանի ժողովուրդները»:

Ապա Սուրիոյ երիտասարդաց միութեան անդամները փոխադրակառքը բեռնաթափեցին եւ օժանդակութիւնը տեղափոխեցին Ս. Աստուածածին եկեղեցւոյ ներքնասրահ, որպէսզի յառաջիկայ օրերուն տրամադրուի մեր ժողովուրդի զաւակներուն:

Օժանդակութիւնը կ՛ընդգրկէր հանդերձ, սննդեղէն եւ մանկական շորեր:

«Ազդակ»

 

Image Gallery

View the embedded image gallery online at:
https://alikonline.ir/news/diaspora/item/81878-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD#sigProId427e4b5b85

Յարակից լուրեր

back to top

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։
Ալիք Օրաթերթ