Հա

Գաղափարական

18/05/2019 - 14:30

Մենք տակաւին այդ շունն ենք

Սփիւռքը սունկի նման չբուսաւ։ Ան պարտադրուեցաւ, որպէսզի վերանայ հայրենիքը եւ ընդհուպ չքանայ ազգը։ Սփիւռքահայը մացառի նման չչորացաւ, հողմերուն զարնուեցաւ բայց դիմացաւ, որպէսզի ապրի եւ իրմով ապրեցնէ կորսուած հայրենիքը։

ՍԵԴՕ ՊՈՅԱՃԵԱՆ

 

Սփիւռքը սունկի նման չբուսաւ։ Ան պարտադրուեցաւ, որպէսզի վերանայ հայրենիքը եւ ընդհուպ չքանայ ազգը։ Սփիւռքահայը մացառի նման չչորացաւ, հողմերուն զարնուեցաւ բայց դիմացաւ, որպէսզի ապրի եւ իրմով ապրեցնէ կորսուած հայրենիքը։

Հակառակ բոլոր դժուարութիւններուն եւ շրջապատի խոչընդոտներուն, մենք մեր լեռներէն վար չիջանք։ Մնացինք մեր լեռնաշխարհի բարձունքներուն վրայ՝ հոգեպէս, մտքով, եւ էութեամբ։ Հայրենացուցինք Սփիւռքեան գաղթօճախները, որպէսզի հայրենանանք ներքնապէս։ Կազմակերպեցինք ու կազմակերպուեցանք։ Քաղաքականացուցինք ու քաղաքականացուեցանք։ Յեղափոխականացուցինք եւ յեղափոխականացուեցանք։ Այս բոլորը եւ աւելի՚ն կատարեցինք՝ յանուն արդարութեան, յանուն մեր հաւաքական յաւերժութեան, յանուն մեր հայրենիքի վերականգման։

Անոնք մանկութիւն չունեցող մարդիկ էին սկիզբը, եւ իմաստ ու առաքելութիւն տուին Սփիւռքին։ Ետքէն եկան պահանջատէրերը, որոնք պահեցին հին երազները եւ որոնեցին նոր ճամբաներ։ Նոր ճամբաներ, որոնց աւանդները պահ կը մնային իրենց հայկական երակներուն մէջ։ Այդ հին բայց միշտ նոր աւանդները հրաբուխի նման ժայթքեցին, որպէսզի վերականգնի արդարութիւնը։ Անոնք դարձան արդարութեան մարտիկ եւ ազատամարտիկ՝ մեծ ու փոքր մայրաքաղաքներէն մինչեւ Արցախեան բարձր լեռները։

Անոնք այդ շուներն էին, որ պահպանեցին ու ամրացուցին մեր ինքնութիւնը։ Անոնք այդ նոյն շուներն էին, որ աւելի հայացուցին եւ հայրենացուցին մեզ։

Այսօր երբ մակերեսային ծեքծեքումներ ողողած են մեր ազգային կեանքը, երբ եսի համար երկչոտութիւնը վերածուած է խոհեմութեան, երբ սահմանափակումներով մարդիկ մեզ կը փորձեն կեղծ բարձունքներ տանիլ, շուներուն առաքելութիւնը վերածուած է ոչ միայն անհրաժեշտութեան, այլեւ պարտադիր հրամայականի։

Թերեւս դժուար է ըմբռնել այս բոլորը։ Բայց ըմբռնելու համար պէտք է կրկին վերադառնալ Պօղոս Սնապեանի «Ես այդ շունն եմ» գործին, թափանցելու համար այն ապրումներուն եւ խոստումներուն, որոնք տակաւին կը շարունակեն հայկականութիւն եւ մարտունակութիւն ներշնչել։

«Ներդաշնակուած ծեքծեքումները չեն լիացներ մեր հոգին, մենք վարժ չենք սալոններու կեանքին, մենք լեռն ենք տակաւին, մեր հոգիները լեռներէն վար չէ իջած, մեր հոգին լեռնաշխարհներու ծարաւի։

«Սահմանաւորուած չափերը չեն կրնար տանիլ մեզ կատարներուն, կատարներու գինովութեան։

«Ուսումնասիրուած կշռոյթներուն մէջ կը խեղդուի՜նք, մենք յախուռն կեանքն ենք, բխումը, յանկարծական ու տաք աղաղակը, ամեհի, վայրի հոգիին ի նուէր պղպջացող վաղնջական արիւն մը կը կրենք մեր երակներուն, մեր գետերուն պէս անսանձ, մենք պոռթկումն ենք, ապստամբ հունչը։

«Մենք հիմա չենք կրնար նոր երգ յօրինել։ Մենք հիմա չենք կրնար մեր երգերէն հեռու ապրիլ։ Հերոսը պէտք է մռնչէ տակաւին ու Սուլթանը դողդղայ։ Պէտք է տեսնենք լեղապատառ փախչող թշնամին ու անոնց ետեւէն արնահեղ Գէորգը, Անդրանիկ փաշան, մեր հայրենեաց փառք ու պատիւ Սերոբ փաշայի հմայքը ծաւալի հոգիներուն մէջ, ըսենք չծնանք ազատ, ըսենք գէթ մեռնինք ազատ, կուրծքէն չորս գնդակ ստացած ու կրկին հրացան պարպելու կամքը բերող տղան ներկա՛յ ըլլայ մեր մէջ, երգը հնչէ նորէն, եաման Աստուած մեր երգը, վէրքերով լի, ջա՛ն ֆետայի, սխրալի, անհատելի՜...» (Պօղոս Սնապեան, «Ես այդ շունն եմ»)

Այսօր, մենք տակաւին այդ շունն ենք։

«Yerkir.am»

Յարակից լուրեր

  • Սփիւռքը եւ իր դիրքորոշումը
    Սփիւռքը եւ իր դիրքորոշումը

    Ի՞նչ դիրքորոշում ունի Սփիւռքը Հայաստանի մէջ տեղի ունեցող դէպքերուն նկատմամբ:

  • Հայաստանի պետութեան ընդհուպ անհետացումը
    Հայաստանի պետութեան ընդհուպ անհետացումը

    Իշխանութեան եկան՝ գործադրելու ժողովրդավարութիւնը, հաստատելու թափանցիկութիւնը, եւ պաշտպանելու քաղաքացիին շահերը։

    Իշխանութեան տիրացան՝ կիրարկելու քաղաքացիական ազատութիւններ, ամրացնելու մարդկային իրաւունքներ, եւ հետապնդելու ընկերային հաւասարութիւն։

  • Սփիւռքի շուրջ 47 կառոյցներ կոչ են արել քւէարկել «Հայաստան» դաշինքի օգտին
    Սփիւռքի շուրջ 47 կառոյցներ կոչ են արել քւէարկել «Հայաստան» դաշինքի օգտին

    Հայկական Սփիւռքի՝ 20 երկրներում գործող շուրջ 47 համայնքային, քաղաքական, բարեգործական, մշակութային, մարզական, հետազօտական, երիտասարդական, ուսանողական կառոյցներ եւ բազմաթիւ անհատ գործիչներ հանդէս են եկել ուղերձներով եւ յայտարարութիւններով՝ յունիսի 20-ին Հայաստանում կայանալիք արտահերթ խորհրդարանական ընտրութիւններում սատարելով «Հայաստան» դաշինքին: 

  • Այս ընտրութիւնները նիկոլ փաշինեանի ձախողութեան մասին են
    Այս ընտրութիւնները նիկոլ փաշինեանի ձախողութեան մասին են

    Երեք տարի առաջ հայրենիքը վտանգի ճանապարհին տեղադրելու ուղեւորութեան մը արկածախնդրութիւնը տեղի ունեցաւ։ Եղան մարդիկ, ներառեալ այս տողերուն հեղինակը, որոնք զգուշացուցին, նոյնիսկ ահազանգեցին այս փորձութեան աղիտաբեր հետեւանքներուն մասին։ Բայց էֆորիայի մէջ ինկած ժողովուրդը չէր կրնար լսել ու տեսնել Հայաստանի, Արցախի, ազգային արժէքներու եւ Հայ Դատի դէմ արտաքնապէս սարքուած վտանգաւոր բեմադրութիւնը։

  • Նիկոլ Փաշինեան իրաւունք չունի տարածքային զիջումի որեւէ փաստաթուղթ ստորագրելու
    Նիկոլ Փաշինեան իրաւունք չունի տարածքային զիջումի որեւէ փաստաթուղթ ստորագրելու

    Ակնարկելով համացանցի վրայ բացայայտուած «փաստաթուղթ»-ին, Մայիս 20-ի կառավարութեան նիստի բացումին «վարչապետի պաշտօնակատար» Նիկոլ Փաշինեան յայտարարեց, «Այո՛, ես այդ թուղթը ստորագրելու եմ»։ Այս «թուղթի» ամբողջական բովանդակութիւնը ցարդ չէ հրապարակուած, կը մնայ գաղտնի։ Համացանցով հրապարակուած «փաստաթուղթը» որոշ պատկերացում մը կու տայ անոր էութեան մասին, ուր ի միջի այլ պայմաններու, Հայաստանի Հանրապետութիւնը կը պարտաւորուի Ատրպէյճանին յանձնել նոր հողաշերտեր եւ կատարել համապատասխան սահմանագծումներ։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։