Հա

Գաղափարական

01/03/2020 - 13:00

Նրանք ընկան, որպէսզի մենք ապրենք հպարտ ու արժանապատիւ. այսօր Սիմոն Եահնիեանի ծննդեան օրն է

1962 թւականի մարտի 1-ին է ծնւել լիզբոնի 5 անմահ տղաներից Սիմոն Եահինեանը:

ԱՐԱՄ ՇԱՀՆԱԶԱՐԵԱՆ

 

1962 թւականի մարտի 1-ին է ծնւել լիզբոնի 5 անմահ տղաներից Սիմոն Եահինեանը:

Աշխարհի ուշադրութիւնը Հայ Դատին սեւեռելու նպատակով 1983 թւականի յուլիսի 27-ին Հայ Յեղափոխական Բանակի հինգ անդամները՝ Վաչէ Տաղլեանը, Սեդրակ Աճեմեանը, Սիմոն Եահնիեանը, Արա Քրջլեանը եւ Սարգիս Աբրահամեանը Լիզբոնում գրաւեցին թուրքական դեսպանատունը:

Լիզբոնի սխրագործութիւնը 1975 թւականին յանուն Հայ Դատի եւ արդարութեան վերականգնման մեկնարկած հայ ժողովրդի զինեալ պայքարի գագաթնակէտն էր:

Ու թէեւ տարիների հեռաւորութիւնից մերօրեայ «լուսամիտ» եւ «առաջադէմ» ձեւացողները փորձում են հարցականի տակ տանել Լիզբոնի տղաների սխրագործութիւնը, սակայն, փաստը մնում է փաստ, որ ի դէմ ճշմարտութեան՝ «քաղաքակիրթ» մարդկութեան լռութեան պատը ճեղքելու, ի դէմ արդարութեան՝ այլոց անտարբերութիւնը խախտելու, ի լուր իրաւազրկման՝ մարդկութեան գիտակցութիւնն արթնացնելու այլ ելք չէր մնացել, քան մատաղ կեանքերի գիտակցւած զոհաբերումը: Եւ դա պատւով կատարեցին Լիզբոնի 5 անմահ տղաները՝ Սիմոնը, Սեդրակը, Արան, Վաչէն ու Սարգիսը:

Դեսպանատան շէնքը գրաւելուց յետոյ, թւում էր, թէ առաքելութիւնը կատարւած է: Նրանք կարող էին յանձնւել ու ողջ մնալ (Սիմոնից բացի, որը զոհւել էր դեսպանատուն մուտք գործելու պահին, անվտանգութեան աշխատակիցների հետ փոխհրաձգութեան ժամանակ):

Տղաները, սկայան, որոշեցին զոհւել, որպէսզի իրենց համարձակ քայլով ի դէմս աշխարհի փաստեն, որ իրենց նպատակն ամենեւին էլ ահաբեկչութիւնը չէ, այլ նւիրաբերում հայոց արդարացի դատին: Նրանք ողջ աշխարհին ստիպեցին յիշել, որ Հայոց Ցեղասպանութիւնը եւ հայ ժողովրդի հայրենազրկումն անհերքելի փաստ է, եւ Թուրքիայից բացի, դրա բեռը նաեւ ողջ մարդկութեան ուսերին է:

Իրենց սխրագործութեամբ նրանք պարտադրեցին բոլորին քանդել Հայոց Ցեղասպանութեան դէմ բարձրացւած լռութեան պատը, երեսով շրջւել դէպի արդարութիւնը, եւ խօսել հայութեան իրաւազրկման մասին:

Իսկ ամենակրեւորրը՝ նրանք նւիրականացրեցին մեր պահանջատիրութեան գործնական հետապնդման հարկադրանքը: Նրանք ուրւագծեցին եւ լուսաւորեցին այն ուղին, որով պէտք է քայլէին գալիք սերունդները՝ յանուն Հայ Դատի վերջնական լուծման, յանուն հայ ժողովրդի արժանապատւութեան եւ ամբողջական իրաւունքների վերականգնման:

Նրանք ընկան, որպէսզի շարունակւի, եւ շարունակւելով ընդարձակւի պահանջատիրական մեր պայքարը:

Հայոց Ցեղասպանութեան ճանաչման եւ դատապարտման , հայ ժողովրդի արդար իրաւունքների վերականգնման գործում անցեալ երեք տասնամեակների մեր բոլոր յաղթանակների եւ նւաճումների համար մենք մեծապէս պարտական ենք հէնց Լիզբոնի 5 հերոս տղաներին, որոնք ընկան, որպէսզի մենք ապրենք հպարտ ու արժանապատիւ:

Սիմոն Եահինեանի ծննդեան օրը հերթական առիթն էր յիշելու Լիզբոնի 5 մարտիկներին: Փա՛ռք նրանց անմար յիշատակին:

Յարակից լուրեր

  • Ռուբիկոնն յաղթահարւած է
    Ռուբիկոնն յաղթահարւած է

    Կայացնել որոշումներ առանց անմիջական պատասխանատւութիւն կրելու եւ առանց անհրաժեշտ գիտելիքներ եւ տեղեկութիւն ունենալու։ Սա պոպուլիզմի ամենաանմիջական բնութագիրն է:

    Քաղաքականութիւն, որը թիրախաւորում է լայն զանգւածներին, խոստանում է նրանց արագ եւ հեշտ լուծում սոցիալական սուր խնդիրների համար, ներկայացնելով ոչ թէ բարդ իրականութիւնը, այլ այն, ինչ մարդիկ ցանկանում են: Իսկ մարդիկ ընդհանրապէս ցանկանում են խուսափել բարդ իրականութիւնից եւ նախընտրում են պարզ եւ արագ իրականացւող մակերեսային լուծումներ։

  • Միացեալ Հայաստանը՝ որպէս նւիրական իդէալ եւ տեսլական
    Միացեալ Հայաստանը՝ որպէս նւիրական իդէալ եւ տեսլական

    Մայիսի 28-ն անկասկած մեր պատմութեան ամենապայծառ էջն է: Այն սեփական անկախ պետականութիւն ունենալու նպատակով հայ ժողովրդի անբեկանելի կամքի մարմնաւորման տօնն է:

    Մայիսի 28-ի մասին շատ է խoսւել ու գրւել: Եւ դեռ էլի է խօսւելու ու գրւելու: Եւ դա բնական է, որովհետեւ այն մի բացառիկ իրադարձութիւն էր, որին մենք սպասել էինք 6 դար շարունակ՝ կորսւած անկախութեան պայմաններում:

  • «Սիւնիքի հարցով Իրանն իրադարձութիւններին կը ներգրաււի այնքան, որքան դա կը պահանջի եւ կը ցանկանայ Հայաստանը». Արամ Շահնազարեան
    «Սիւնիքի հարցով Իրանն իրադարձութիւններին կը ներգրաււի այնքան, որքան դա կը պահանջի եւ կը ցանկանայ Հայաստանը». Արամ Շահնազարեան

    Ադրբեջանի կողմից ՀՀ պետական սահմանի հատումը, յատկապէս Սիւնիքի ուղղութեամբ, Alikonline-ի պատասխանատու-խմբագիր Արամ Շահնազարեանը հակւած է որոշակիօրէն դիտարկել նաեւ Հարաւային Կովկասում ակտիւօրէն ընթացող աշխարահաքաղաքական նոր խմորումների համատեքստում:

  • «Իրանական շրջանակներում նորից սկսել են խօսել, որ Սիւնիք-Զանգեզուրի հաւանական կորուստը աղէտ է լինելու Իրանի ազգային անվտանգութեան եւ տարածքային ամբողջականութեան համար». Արամ Շահնազարեան
    «Իրանական շրջանակներում նորից սկսել են խօսել, որ Սիւնիք-Զանգեզուրի հաւանական կորուստը աղէտ է լինելու Իրանի ազգային անվտանգութեան եւ տարածքային ամբողջականութեան համար». Արամ Շահնազարեան

    Թէ ինչպէս են Զանգեզուրի, Մեղրիի միջանցքի մասին ադրբեջանական յայտարարութիւններն ընդունւում Իրանում, 168.am-ի հետ զրոյցում Alikonline-ի պատասխանատու-խմբագիր Արամ Շահնազարեանը նշեց, որ Իրանում մտահոգութեամբ են հետեւում Մեղրիի կամ, այսպէս ասած, Զանգեզուրի միջանցքի հետ կապւած զարգացումներին:

  • Մեր ԱԼԻՔ-ը դարձաւ 90 տարեկան
    Մեր ԱԼԻՔ-ը դարձաւ 90 տարեկան

    22 մարտի 1931 թւական. լոյս աշխարհ եկաւ ԱԼԻՔ-ի առաջին համարը։

    Հայ մամուլի ընտանիքի բոլոր զաւակների պէս, ԱԼԻՔ-ը եւս անսահման սիրոյ եւ նւիրումի ծնունդ էր, որին յաջողւեց հասակ առնել, անցնել անասելի դժւար ճանապարհով, յաղթահարել բազում փորձութիւններ, պահպանել իր գոյութիւնը, եւ, ամենակարեւորը՝ իր բարոյական-գաղափարական ուղենիշը։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։