Հա

Գաղափարական

02/06/2020 - 11:40

Վարդան Բախշեանը յունիսի 1-ին կը դառնար 55 տարեկան

Յունիսի 1-ն ազատամարտիկ Վարդան Բախշեանի ծննդեան օրն էր: Նա կը դառնար 55 տարեկան:

Յունիսի 1-ն ազատամարտիկ Վարդան Բախշեանի ծննդեան օրն էր: Նա կը դառնար 55 տարեկան:

Միջնակարգ կրթութիւնը ստացել է ծննդավայր Արմաւիր քաղաքի թիւ 2 միջնակարգ (այժմ՝ Վարդան Բախշեանի անւան) դպրոցում։ 1983 թ. ընդունւել է ԵՊՀ-ի պատմութեան ֆակուլտետ։ 1983-1985 թթ. ծառայել է խորհրդային բանակում (զինւորական ծառայութիւնն անցկացրել է Հեռաւոր Արեւելքում)։ Զօրացրւելուց յետոյ ուսումը շարունակել է համալսարանում։ 1989 թ. ընդունւել է ԵՊՀ ասպիրանտուրա՝ միաժամանակ աշխատելով Հայաստանի պատմական աշխարհագրութեան եւ քարտէզագրութեան լաբորատորիայում։ Վարդանը ուսանողական տարիներին համալսարանի արեւելագիտութեան ֆակուլտետում թուրքերէն եւ ադրբեջաներէն էր ուսումնասիրում։ Թուրքերէնի հանդէպ Վարդանի հետաքրքրութիւնը պայմանաւորւած էր՝ հետագայում թուրքական արխիւներում հայոց պատմութեան համար անյայտ էջերի ուսումնասիրմամբ։ 1989 թ. Վ. Բախշեանը դառնում է Հայաստանում կրկին վերահաստատւած Հայ մարմնակրթական ընդհանուր միութեան (ՀՄԸՄ) հիմնադիրներից մէկը։ 1991 թ. Աթենքում ընտրւում է ՀՄԸՄ-ի կենտրոնական վարչութեան անդամ։

Մինչեւ Արցախի ազատամարտին մասնակցելը Վ. Բախշեանը պատրաստւում էր պաշտպանել թեկնածուական ատենախօսութիւն՝ «Արեւմտեան Հայաստանի վարչական բաժանումները» թեմայով։ Չափազանց կարճ ժամկէտում հաւաքել եւ խմբաւորել էր համապատասխան նիւթերը, կատարել աղբիւրագիտական տւեալների վերլուծութիւն, կազմել տեղեկատւական աղիւսակներ, ճշգրտել վարչական միաւորների ընդգրկած սահմանները, միաժամանակ կազմել Էրզրումի, Դիարբեքիրի, Սւասի, Կարսի տեղագրութիւնը՝ վարչատարածքային եւ պատմաշխարհագրական նկարագրով։

Արցախեան հերոսամարտի տարիներին նա մի խումբ ընկերների հետ հիմնադրել է ՀՈՒԴ-ը (Հայ ուսանողական դաշինք) եւ հրատարակել «Դաշինք» ուսանողական թերթը։ Վարդանը իր ուսանողուհի քրոջ՝ Աննայի հետ անդամագրւել է արցախեան շարժմանը։

Անդամագրւելով Հայ Յեղափոխական Դաշնակցութեանը՝ 1990 թ. ընկերների հետ մեկնել է Արցախ, մասնակցել տեղի գիւղերի պաշտպանութեան մարտերին։ Մասնակցել է Բերդաձորի ինքնապաշտպանութեանը։ Վ. Բախշեանը զոհւել է 1991 թ. դեկտեմբերի 16-ին Հասանաբադ գիւղի մօտ։

Արմաւիրի թիւ 2 միջն. դպրոցը անւանակոչւել է Վ. Բախշեանի անունով։ ԼՂՀ նախագահի 1995 թ. թիւ 42 հրամանագրով Վ. Բախշեանը յետմահու պարգեւատրւել է ԼՂՀ «Մարտական խաչ» 2-րդ աստիճանի շքանշանով։

1998 թ. փետրւարին յետմահու պարգեւատրւել է ԵՊՀ արծաթէ յուշամեդալով։

2008 թ. ԵՊՀ Աստւածաբանութեան ֆակուլտետի լսարաններից մէկը անւանակոչւել է Վ. Բախշեանի անւամբ։

 

Yerkir.am

Յարակից լուրեր

  • Ով ասում է՝ կայ կիրթ թուրք, պարզապէս չի տեսել թուրքին. Իգոր Սարգսեանը՝ Բերձորի ազատագրման մասին
    Ով ասում է՝ կայ կիրթ թուրք, պարզապէս չի տեսել թուրքին. Իգոր Սարգսեանը՝ Բերձորի ազատագրման մասին

    «Արցախեան գոյապայքարի համար Շուշիի ազատագրումը չափազանց կարեւոր էր։ Այն պոռթկումն ու ինքնավստահութիւնը, որ մենք՝ ազատամարտիկներս, ունեցանք, բերեց նրան, որ վստահօրէն պէտք էր ճանապարհ բացել Արցախի համար, եւ որեւիցէ մէկը չէր մտածում, որ Շուշին ազատագրելուց յետոյ այդքանով պէտք է սահմանափակւել»,- խօսելով արցախեան ազատամարտի կարեւորագոյն փուլերից մէկի՝ Բերձորի ազատագրման մասին, Yerkir.am-ի հետ զրոյցում նշեց Շուշիի ՀՅԴ առանձին հրաձգային գումարտակի ազատամարտիկ, Բերձորի ազատագրման մարտերի մասնակից Իգոր Սարգսեանը:

  • Հրանտ Մարգարեան. «Հայոց ազատամարտի դրօշը շատ վաղուց այդքան հպարտ չէր ծածանւել»
    Հրանտ Մարգարեան. «Հայոց ազատամարտի դրօշը շատ վաղուց այդքան հպարտ չէր ծածանւել»

    Հարցազրոյց Արցախեան ազատագրական պայքարում Հ.Յ. Դաշնակցութեան մարտական գործունէութեան կազմակերպիչ եւ պատասխանատու Հրանտ Մարգարեանի հետ:

  • Տղե՛րք, դիրքերը լաւ նայէք…
    Տղե՛րք, դիրքերը լաւ նայէք…

    Ալբերտ Ալավերդեանը ծնւել է 1963 թւականի սեպտեմբերի 16-ին Դաշտային Արցախի Զագլիկ գիւղում: 1965 թ. ընտանիքը տեղափոխւել է Հրազդան: 1980 թւականին աւարտել է Հրազդանի թիւ 9 դպրոցը:

  • Նա ծիծաղում էր մահւան երեսին
    Նա ծիծաղում էր մահւան երեսին

    Մարդիկ կան, որ ծիծաղում են կեանքի գորշ երեսին հակակշռելու, բարոյական ներդաշնակութիւն արարելու համար: Նմանները, որպէս կանոն, չեն մտածում փառքի, ճանաչման, նիւթական արժէքների մասին: Իր ապրած կեանքով հէնց այսպիսին էր Արամը` ազնիւ ու խստապահանջ Պոնչը, որ կարողանում էր յաղթահարել ցանկացած դժւարութիւն, եթէ զգար, որ նպաստում է ընդհանուր գործին:

  • Անմահ անուններ
    Անմահ անուններ

    19-րդ դարավերչջի եւ 20-րդ դարասկզբի հայ հայդուկային շարժման աւանդոյթներից մէկի իւրատեսակ շարունակութիւն կարելի է համարել Արցախեան ազատամարտի մի շարք մասնակիցներին մականուններով կնքելը։ Դրանց մի մասը կապւած է այն բնակավայրերի անւանումների հետ, որոնց ազատագրման կամ պաշտպանութեան համար մարտերում աչքի են ընկել հերոսները, կամ այդպէս ընդգծել են նրանց բնորոշող յատկանիշները։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։