Հա

Գաղափարական

21/03/2021 - 11:00

Մեր ԱԼԻՔ-ը դարձաւ 90 տարեկան

22 մարտի 1931 թւական. լոյս աշխարհ եկաւ ԱԼԻՔ-ի առաջին համարը։

Հայ մամուլի ընտանիքի բոլոր զաւակների պէս, ԱԼԻՔ-ը եւս անսահման սիրոյ եւ նւիրումի ծնունդ էր, որին յաջողւեց հասակ առնել, անցնել անասելի դժւար ճանապարհով, յաղթահարել բազում փորձութիւններ, պահպանել իր գոյութիւնը, եւ, ամենակարեւորը՝ իր բարոյական-գաղափարական ուղենիշը։

ԱՐԱՄ ՇԱՀՆԱԶԱՐԵԱՆ

 

22 մարտի 1931 թւական. լոյս աշխարհ եկաւ ԱԼԻՔ-ի առաջին համարը։

Հայ մամուլի ընտանիքի բոլոր զաւակների պէս, ԱԼԻՔ-ը եւս անսահման սիրոյ եւ նւիրումի ծնունդ էր, որին յաջողւեց հասակ առնել, անցնել անասելի դժւար ճանապարհով, յաղթահարել բազում փորձութիւններ, պահպանել իր գոյութիւնը, եւ, ամենակարեւորը՝ իր բարոյական-գաղափարական ուղենիշը։

ԱԼԻՔ-ը միայն լրատւամիջոց չէ։ ԱԼԻՔ-ը տուն է, ակումբ է, գաղափարական ամրոց, ԴԱՇՆԱԿՑԱԿԱՆ մտքի դարբնոց, ուր սերունդներ են կրթւել ու դաստիարակւել, եւ դեռ շատերը պէտք է գան՝ կրթւելու եւ դաստիարակւելու։ Այնպէս, ինչպէս ես, իմ սերնդակիցները, մեր նախորդներն ու ԱԼԻՔ-ի յարկի տակ, մեր աչքերի առջեւ հասակ նետող եւ հասունացող սերունդը։

Շնորհակալ ու երախտապարտ եմ ծնողներիս, որ աչք եմ բացել ու տանը, սեղանին տեսել եմ ԱԼԻՔ։

ԱԼԻՔ-ն է եղել այն պատուհանը, որով ճանաչել եմ աշխարհը։ ԱԼԻՔ-ն է եղել իմ աշխարհայեացքի, մտածողութեան, գաղափարական արժեհամակարգի ձեւաւորողն ու դարբնողը։

Շնորհակալ ու երախտապարտ եմ ճակատագրին, որ ինձ ԲԱԽՏ ու ՊԱՏԻՒ է վիճակել լինելու ԱԼՒՔ-ի մեծ ընտանիքի անդամներից մէկը։

ԱԼԻՔԱԿԱՆ. դափնի, թագ ու պսակ, որը հպարտութեամբ կը կրեմ մինչ մահ-գերեզման։

Քեզ բարի երթ մեր ԱԼԻՔ, մեր հաստաբուն կաղնի, մեր տուն եւ օթեւան։ Մենք կանցնեք, կը գնանք, իսկ դու մնայ կանգուն եւ ապրիր յաւիտեան:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։