Հա

Գաղափարական

27/07/2021 - 11:50

Խմբագրական. Լիզպոնն ու տարածքներու վերականգնման հրամայականը

Լիզպոնի խոյանքին ամբողջ խորհուրդը, իմաստն ու նպատակը պատմական իրաւունքներու վերականգնման սկզբունքին կը վերաբերէր: Գործողութիւնը իրականացուցած իւրաքանչիւր հերոս իր պատգամին մէջ առանցքային նշանակութեամբ կ՛անդրադառնար հայկական հողերու ազատագրման հրամայականին:

Լիզպոնի խոյանքին ամբողջ խորհուրդը, իմաստն ու նպատակը պատմական իրաւունքներու վերականգնման սկզբունքին կը վերաբերէր: Գործողութիւնը իրականացուցած իւրաքանչիւր հերոս իր պատգամին մէջ առանցքային նշանակութեամբ կ՛անդրադառնար հայկական հողերու ազատագրման հրամայականին:

Յեղափոխական աւանդներու վերադարձի վարքագիծով բնութագրուող այս ինքնազոհութիւնը կը քանդէր արդէն իսկ ճարճատուած լռութեան պատը եւ միջազգային հնչեղութիւն կ՛ապահովէր Հայոց ցեղասպանութեան ճանաչման անտեղիտալի պահանջատիրութեան:

Արագ ուսումնասիրութիւն մը կրնայ ընդգծել, որ յետլիզպոնեան ժամանակահատուածը ինչպէ՛ս յատկանշուեցաւ տեղեկատուական, քաղաքական, պետական եւ միջազգային մակարդակներու վրայ Ցեղասպանութեան ճանաչման արծարծումով:

Հայրենիքի վերանկախացումը ազդանշող հռչակագիրին կը ներառուէր լիզպոնեան աւանդը` համայն հայութեան ազգային իղձերու նկատառումն ու պատմական իրաւունքներու վերականգնումի գաղափարը:

Լիզպոնեան պատգամը կ՛ամրագրուէր Հայոց ցեղասպանութեան 100-ամեակի Համահայկական հռչակագիրին մէջ` Սեւրի եւ Իրաւարար վճիռի ուղենշային հանգամանքի շեշտադրումով:

Լիզպոնեան ուղերձներու պետական որդեգրումի նախադրեալներ էին այս բոլորը, որոնք կը համալրուէին իւրաքանչիւր ապրիլ 24-ի բարձրագոյն մակարդակներէ հնչած, հայրենազրկման միտքը բանաձեւող պաշտօնական յայտարարութիւններով:

Այս բոլորը կ՛ուրուագծէին այն բոլոր իրաւադրոյթները, որոնք ըստ էութեան իբրեւ կոչ ու գաղափար գոյութիւն ունէին Լիզպոնի հերոսներու պատգամներուն մէջ եւ որոնք կը լսուէին Լիզպոնի թրքական դեսպանատան մէջ որոտացած պայթումներու արձագանգներուն մէջ:

Լիզպոնի պայքարը տեղափոխուած էր այնուհետեւ արցախեան մարտադաշտ եւ հայ-ազրպէյճանական շփման գիծեր: Առընթեր` Հայաստանի Հանրապետութիւն-Ազրպէյճան պետական սահման: Այնուհետեւ Սիւնիք, տաւուշեան շրջաններ եւ Երասխ:

Կը շարունակուէին տարածքային խնդիրները: Եւ եթէ 44-օրեայ պատերազմի նախորդող տարիներուն իբրեւ ազգ կը պատրաստուէինք մեր հայեացքները ուղղելու դէպի Արեւմտահայաստան, դէպի պատմական իրաւունքներու վերականգնում, պատերազմէն ետք արդէն նոր կորուստները վերականգնելու կամ նոր կորուստներ չտալու պայքարն է, որ կը մղուի:

Հիմա լիզպոնեան արձագանգները կը շեշտեն Արցախի տարածքային ամբողջականութեան վերականգնման եւ Հայաստանի Հանրապետութեան սահմանները անառիկ պահելու հրամայականը:

Տարածքներու վերականգնման համար ամէն ինչ զոհելու անտեղիտալիութիւնը Լիզպոնէն Արցախ ջնջեց ամէն տեսակի տարբերութիւն, երբ հայկական դիրքերը թշնամիին չյանձնելու համար իրենք զիրենք պայթեցուցին նաեւ հայոց բանակի զինուորները:

Հայոց տարածքային իրաւունքներու պահպանման եւ վերականգնման համար այս պայքարը տակաւին ճամբայ ունի կտրելիք:

Լիզպոնեան դասը ամէն բանէ առաջ այդ իրաւունքներու վերականգնման հրամայականն է: Տարածքներու աշխարհագրութիւնը ընդարձակ է: Արցախէն Նախիջեւան, մինչեւ Արեւմտահայաստան: Բոլորն ալ ներառուած են Լիզպոնի տարածքային աշխարհագրութեան մէջ:

Իսկ գործողութեան բնոյթն ու անձնուիրութեան գերագոյն օրինակը կը համոզեն, որ պիտի նուաճուի այդ աշխարհագրութիւնը:

 

«Ազդակ»

 

Յարակից լուրեր

  • «Թուրքիայի դեսպանատուն մտնելիս նռնակը չի տրաքել»․ Սիմոն Գաֆալեանը մանրամասներ է պատմում Լիզբոնի հնգեակի գործողութիւնից
    «Թուրքիայի դեսպանատուն մտնելիս նռնակը չի տրաքել»․ Սիմոն Գաֆալեանը մանրամասներ է պատմում Լիզբոնի հնգեակի գործողութիւնից

    Քունգ ֆուի մարզանք էինք անում՝ ինքնապաշտպանութեան, Սաքոյի ոտքը ծնկից ջարդւեց՝ իմ աչքի առջեւ ծալւեց, ոսկորը մի քանի տեղից կոտրւել էր, գիպսի մէջ էր, հետաքրքրական է, որ տակաւին չէր առողջացել, դեռ ժամանակ էր պէտք մէկ-երկու ամիս, ինչպէ՞ս է գնացել գործողութեան, զարմանում եմ, գիպսը կտրե՞լ է, թէ՞ այդպէս է գնացել, տանը գաւազանով էր ման գալիս, դուրս չէր ելնում՝ Yerkir.am-ի հետ հարցազրոյցում Լիսբոնի 5 նահատակներից Սարգիս Աբրահամեանի մասին պատմեց ՀՅԴ անդամ Սիմոն Գաֆալեանը, որը Լիբանանի Բուրջ Համուտ թաղամասում ապրել է այդ տղաների հետ կողք-կողքի։

  • Նահատակ հերոսները հարց կու տան․- ի՞նչ պատասխան պիտի տաք...
    Նահատակ հերոսները հարց կու տան․- ի՞նչ պատասխան պիտի տաք...

    …Լիզպոնի նահատակները, անոնց ճամբան բացողներն ու նոյն ուղին շարունակողները, գիտե՛նք՝ թէ ի՞նչ պատասխան պիտի ստանան մեզմէ, հայութեան զանգուածներէս, երբ վճռենք մեր կեանքէն վանել պարտուողականութեան ու հայրենակորուստի յարմարելու վերջին նշոյլը: 

  • Լիզպոնեան կամքով
    Լիզպոնեան կամքով

    Լիզպոնի հերոսական գործողութեան 38-ամեակն է այս տարի։ 27 Յուլիս 1983-ին, Հայկական Յեղափոխական Բանակի հինգ անձնազոհներ գրաւեցին Փորթուգալի մայրաքաղաք Լիզպոնի թրքական դեսպանատունը եւ իրենց հետ պայթեցուցին զայն, երբ չկատարուեցան իրենց պահանջները։ Անոնք ընտրեցին անմահութիւնը՝ իմացեալ մահուան ճամբով։ Իրենց մահով անոնք կեանք տուին ազգին ու գաղափարին։

  • Խոնարհումով յիշենք այս հինգ երիտասարդների անունները
    Խոնարհումով յիշենք այս հինգ երիտասարդների անունները

    Յուլիս 27, 1983թ. Պորտուգալիայի մայրաքաղաք Լիզպոն։

    Ինչո՞ւ Լիզպոն, ինչո՞ւ յուլիսեան այդ օրը։

    Այդ օր Լիզպոնում գումարւելու էր Եւրոպայում թուրքական դեսպանների խորհրդակցութիւն։

  • Կաղնին երբեւէ խոնարհւե՞լ է․ Լիզբոնի հնգեակի յիշատակին
    Կաղնին երբեւէ խոնարհւե՞լ է․ Լիզբոնի հնգեակի յիշատակին

    Զինեալ պայքարն արդարացի պոռթկում էր, եւ Լիսաբոնը` դրա հրաբխային գագաթնակէտը։ Պահանջատիրական մի շարք գործողութիւններից յետոյ կոտրւեց լռութեան պատը, եւ մեծ թափով սկսւեց Հայոց Ցեղասպանութեան միջազգային ճանաչումը։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։