Այսօր Հայ ազգային հերոս Դրաստամատ Կանայեանի (Դրօ) ծննդեան օրն է: Ազատագրական շարժման գործիչ, ՀՅԴ անդամ եւ Հայաստանի Առաջին Հանրապետութեան պաշտպանութեան նախարար Դրաստամատ Կանայեանը (Դրօ) ծնւել է 1884-ի մայիսի 31-ին Իգդիրում, երիտասարդ տարիքից անդամակցել է Հայ Յեղափոխական Դաշնակցութեանը: 1905-ին կուսակցութեան յանձնարարութեամբ ահաբեկել է Բաքւի նահանգապետ, հայատեաց Նակաշիձէին: Յաջորդ տարիներին զբաղւել է Արեւմտեան Հայաստան զէնք փոխադրելով:
Այսօր Հայ ազգային հերոս Դրաստամատ Կանայեանի (Դրօ) ծննդեան օրն է: Ազատագրական շարժման գործիչ, ՀՅԴ անդամ եւ Հայաստանի Առաջին Հանրապետութեան պաշտպանութեան նախարար Դրաստամատ Կանայեանը (Դրօ) ծնւել է 1884-ի մայիսի 31-ին Իգդիրում, երիտասարդ տարիքից անդամակցել է Հայ Յեղափոխական Դաշնակցութեանը: 1905-ին կուսակցութեան յանձնարարութեամբ ահաբեկել է Բաքւի նահանգապետ, հայատեաց Նակաշիձէին: Յաջորդ տարիներին զբաղւել է Արեւմտեան Հայաստան զէնք փոխադրելով:
1914- նոյեմբերին եղել է Կամաւորական երկրորդ ջոկատի հրմանատար: Դրօն արդէն մեծ հեղինակութիւն ունէր որպէս հրամանատար օսմանեան բանակի դէմ տարած յաղթանակներով: 1918-ի մարտից մինչեւ 1918-ի ապրիլ Հայոց ազգային խորհրդի կողմից նշանակւել է Արեւմտեան Հայաստանի ռազմական կոմիսար:
1918-ի մայիսի 23-ին նշանակւել է Ապարանի հերոսամարտի հրամանատար: Հերոսամարտի օրերին՝ մայիսի 23-29-ին նրա գլխաւորութեամբ հայկական ուժերը պարտութեան են մատնել թուրքական շուրջ 13.000-անոց բանակին եւ կասեցրել են Ապարանի կողմից նրանց մուտքը Արարատյան դաշտ:
1918-1920-ին Դրաստամատ Կանայեանը դառնում է Հայաստանի Առաջին Հանրապետութեան պաշտպանութեան նախարար եւ գլխաւորում հայկական զինւած ուժերը մի շարք յաջող մարտերում:
Որպէս պաշտպանութեան նախարար, մինչեւ 1918-ի վերջը Դրօն իր վրայ է վերցնում 1918-ի հայ-ադրբեջանական եւ հայ-վրացական պատերազմների պատասխանատւութիւնը, իսկ աւելի ուշ՝ 1920-ին, հայ-թուրքական պատերազմինը:
1920-ի Առաջին Հանրապետութեան վերացումից յետոյ Դրօն անցնում է Իրան, այնտեղից՝ Գերմանիա: Դրոն ակտիվ գործունեություն է ծավալել Երկրորդ համաշխարհային պատերազմի ժամանակ: Անուրանալի դեր ունի Եւրոպայի հայերին եւ հայ ռազմագերիներին փրկելու գործում։
Երկրորդ համաշխարհային պատերազմի աւարտից յետոյ Դրօն հաստատւում է ԱՄՆ-ում, որտեղ շարունակւել է զբաղւել քաղաքական ակտիւ գործունէութեամբ հայկական հարցի լուծման համար:
Դրօն վախճանւել է 1956-ի մարտի 8-ին՝ Բոստոնում:
ՀՀ պաշտպանութեան նախարարութիւնը, Դրոյի ժառանգների միջնորդութեամբ, հիմնել է Դրաստամատ Կանայեանի անւան ռազմավարական ակադեմիան:
2001-ի յունւարին ՀՀ պաշտպանութեան նախարարութիւնը սահմանել է «Դրաստամատ Կանայեան» գերատեսչական մեդալը, որով պարգեւատրւում են ռազմական ուսուցման բնագաւառում աչքի ընկած զինւորականները, ազատամարտիկները եւ քաղաքացիական անձինք:
2000թ. Մայիսի 28-ին՝ Առաջին Հանրապետութեան հռչակման օրը, Դրաստամատ Կանայեանի (Դրօ) մարմինը վերայուղարկաւորւեց Ապարանի հերոսամարտի յուշահամալիրի աջ եզրաթմբի վրայ:
