Այսօր՝ մարտի 2-ին, մեկնարկեց «Հայ Դատն այսօր» 14-րդ խորհրդաժողովը «Հայաստանը, Արցախը, եւ յարափոփոխ տարածաշրջանը» խորագրով։

Այսօր՝ մարտի 2-ին, Հայ Առաքելական Սուրբ Եկեղեցու Արցախի թեմի առաջնորդ Տ. Վրթանէս եպիսկոպոս Աբրահամեանն ընդունել է Արցախում գործող երեք ընդդիմադիր կուսակցութիւնների ներկայացուցիչներին՝ ՀՅԴ Արցախի կառոյցից Դաւիթ Իշխանեանին եւ Արթուր Մոսիեանին, «Արդարութիւն» կուսակցութիւնից Յակոբ Յակոբեանին, Արցախի ժողովրդավարական կուսակցութիւնից Աշոտ Ղուլեանին:

Թեհրանի Հայ Դատի յանձնախումբ՝ Հայկական հարցերի Ուսումնասիրութեան կենտրոնը (ՀՈՒՍԿ) բոլորեց իր գործունէութեան 40-ամեակը: Հայ Դատ, հայկականութիւն եւ հայ ժողովրդի գոյապայքարը իմաստաւորող եւ դրանց ուժ ու ոգի փոխանցող Հայրենիքի գաղափարով տոգորւած միջոցառումը մեկնարկեց Տէրունական աղօթքով, Իրանի, Հայաստանի եւ Արցախի Հանրապետութիւնների պետական հիմներով:

Այսօր եւ վաղն կայացող «Հայ Դատն այսօր» խորհրդաժողովը 14-րդն է, որն ինչպէս միշտ կազմակերպւել է Հայ Դատի Թեհրանի յանձնախմբի (նաեւ ճանաչւած որպէս «ՀՈՒՍԿ» հաստատութիւն) կողմից։

14-րդ խորհրդաժողովը տեղի է ունենում աւելի քան քառամեայ ինչ-որ տեղ պարտադրեալ դադարից յետոյ՝ պայմանաւորւած ինչպէս Հայաստանի ներքաղաքական նոր իրավիճակով եւ Արցախի շուրջ անվտանգային խնդիրների առաջացմամբ, այնպէս էլ ԿՈՎԻԴ-ի բերումով ստեղծւած սահմանափակմամբ:

ՀՀ ԱԺ «Հայաստան» խմբակցութեան քարտուղար Արծւիկ Մինասեանը չի հաւատում, որ Հայաստանի իշխանութիւնն իսկապէս կը կարողանայ հասնալ համաձայնութեան, կը ստեղծւի միջազգային մեխանիզմ, որի շուրջ Ստեփանակերտն ու Բաքուն որպէս իրավահաւասար կողմեր կը բանակցեն։

Նիկոլ Փաշինեանի գոյութիւնը Հայաստանի իշխանութեան ղեկին ինդուլգենցիա է բոլորի համար՝ ցանկացած յանցանք գործելու ու պատասխանատւութեան չենթարկւելու իմաստով։ Իսկ «հայկական ժողովրդավարութիւնը», որ ժողովրդավարածաղրանք է, իրականում հրաշալի միջավայր է նմանների համար։

Արդէն երկու ամիս է, ինչ Ադրբեջանի իշխանութիւնները փակել են Արցախը Մայր Հայաստանին կապող, այս պահին գործող միակ ճանապարհը՝ օկուպացւած Բերձորի շրջանով անցնող, այսպէս կոչւած, Լաչինի միջանցքը։ Ստեղծւած իրավիճակը բազում անհանգստութիւններ է պատճառում ոչ միայն Արցախին, այլեւ Ադրբեջանին, որի իշխանութիւնները երկու ամիս շարունակ ստիպւած են դիմակայել միջազգային տարբեր հարթակներից հնչող քննադատութեանը։

Ո՞ւմ են պէտք Արցախի իշխանութիւնների յայտարարութիւնները, որ չենք ինտեգրւելու, եթէ ամէն օր հանդիպումներ ու քննարկումներ անցկացնենք ադրբեջանցիների հետ։ Մի գեղեցիկ օր նոյն բնապահպանները կը մնան հանքի տարածքում ու ոչ մի տեղ չեն գնայ, իսկ յետոյ կասեն՝ յանձնէ՛ք շրջակայ գիւղերն էլ, յետոյ էլի ուրիշ բան։ Սկզբից պէտք էր հաստատել միջազգային մեխանիզմները եւ նոր միայն նստել բանակցութիւնների սեղանի շուրջ։ Այս ամենին նպաստել են Հայաստանի իշխանութիւնները, ամէն ինչ սկսւում է այստեղից։ Այս մասին News.am-ի թղթակցի հետ զրոյցում ասաց քաղաքագէտ Թեւան Պօղոսեանը։

Արցախում` ռուս խաղաղապահների կենտրոնակայանում, արցախցիների ու ադրբեջանցիների միջեւ կայացած հանդիպմամբ, Ադրբեջանը փորձում է այդ գործընթացին նոր խորութիւն հաղորդել: