Անդրադառնալով երկրի տնտեսութեան զարգացման ուղղութեամբ տարանցման ներուժի իրացման կարեւորութեանը, Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը շեշտել է, որ այն կարող է ապահովել կառավարութեան եկամուտների աճ, կայուն զբաղւածութիւն եւ տնտեսական պատժամիջոցների ազդեցութեան նւազեցում:

Իսլ. յեղափոխութեան յաղթանակի 44-րդ տարեդարձի ծրագրերի շարանում, հինգշաբթի, փետրւարի 2-ին համայն Իրանում յարգեցին նահատակների յիշատակը: Այդ առիթով՝ Թեհրանում զրադաշտների գերեզմանատանը կրօնական փոքրամասնութիւնների նահատակների յիշատակին կազմակերպւել էր յարգանքի միջոցառում, որը ի դէպ որպէս կրօնական փոքրամասնութիւնների նահատակների իւրայատուկ միջոցառում համարւում էր 17-րդը եւ ամէն տարի փոքրամասնութիւններից մէկի գերեզմանատանն է կազմակերպւում:

Թուրքիայի պաշտպանութեան նախարար Հուլուսի Աքարը յայտարարել է, որ փետրւարին եռակողմ բանակցութիւնների շրջանակում կը կայանայ Թուրքիայի, Սիրիայի եւ Ռուսաստանի պատւիրակութիւնների ներկայացուցիչների հանդիպումը:

Հինգշաբթի, փետրւարի 2-ին, «ԱԼԻՔ» օրաթերթի խմբագրութիւն են այցելել Իրանի պարալեռնադահուկային «ՖԱՋՐ» միջազգային մրցոյթին մասնակցող Հայաստանի Հանրապետութեան Պարամարզաձեւերի ֆեդերացիայի դահուկորդները:

Բոլոր նրանք, որոնք տարածաշրջանում սերմանում են դաւադրութիւն կը զրկւեն անվտանգութիւնն, որպէս բերք՝ արդիւնք ունենալուց: Այս մասին իր թւիթերեան միկրոբլոգում գրել է Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը՝ զգուշացնելով, դաւադրութեան պլանների կազմակերպիչներին:

Խաղաղութիւնը կը վերկանգնւի Խոյ քաղաքում: Այս մասին յայտնել է Հանրապետութեան նախագահ այաթ. Սէյէդ Էբրահիմ Ռէյիսին՝ տեղի ունեցած երկրաշարժի հետեւանքով տուժած Խոյ քաղաք կատարած այցի ընթացքում՝ ժողովրդին յորդորելով ուշադրութիւն չդարձնել շշուկներին եւ ասէկոսէներին:

Փետրւարի 4-ին ԱՀ Պետական նախարար Ռուբէն Վարդանեանը «Արցախի ժողովրդավարական կուսակցութիւն», «Հայ Յեղափոխական Դաշնակցութիւն», «Ազատ հայրենիք», «Արդարութիւն» քաղաքական ուժերի ներկայացուցիչների, Ստեփանակերտի քաղաքապետի հետ միասին հանդիպումներ է ունեցել մայրաքաղաքի մի շարք թաղամասերի բնակիչների հետ: 

«Լաւրովը միշտ է աչքի ընկել իր կոպտութիւններով, անմակարդակ պահւածքով, եւ շատ դէպքերում ՌԴ արտաքին քաղաքականութեան ձախողումներն էլ ես կապում եմ հէնց նրա հետ: ՌԴ արտաքին քաղաքականութիւնը ղեկավարող մարդը շատ հին է, բացարձակ պատկերացում չունի նորագոյն տեխնոլոգիաների մասին, թէ ինչպէս կարելի է մարդկանց մանիպուլացնել, ա պլանի տապալման դէպքում շատ արագ անցնել բ պլանի»,- 168TV-ի «Ռեւիւ» հաղորդման ընթացքում ասաց քաղաքագէտ Գագիկ Համբարեանը՝ անդրադառնալով ՌԴ ԱԳ նախարար Լաւրովի այն յայտարարութեանը, թէ Հայաստանն օկուպացրել էր եօթ շրջանները, Ադրբեջանն էլ վերադարձրեց իրեն պատկանող հողերը: