Հա

Ազգային

26/05/2016 - 10:40

«ԱՅԳ» - Սարդարապատի ճակատամարտի արդիւնքները

Վարդանանքի յաջորդող դարերուն ունեցանք կրկին յաղթանակներ, նաեւ պարտութիւններ, տարագրւեցանք մերթ պարսիկին, մերթ սելջուկ-թաթարին ու մերթ օսմանցի թուրքին «հովանաւորութեամբ», բայց միշտ մնացինք յաղթական մեր... յաւերժական ներկայութեամբ, մեր անկորչելի գոյութեամբ:
Այս եղաւ պարագան 1918-ի Մայիսի 28-ին, Հայաստանի Հանրապետութեան հռչակումը:

Վարդանանքի յաջորդող դարերուն ունեցանք կրկին յաղթանակներ, նաեւ պարտութիւններ, տարագրւեցանք մերթ պարսիկին, մերթ սելջուկ-թաթարին ու մերթ օսմանցի թուրքին «հովանաւորութեամբ», բայց միշտ մնացինք յաղթական մեր... յաւերժական ներկայութեամբ, մեր անկորչելի գոյութեամբ:
Այս եղաւ պարագան 1918-ի Մայիսի 28-ին, Հայաստանի Հանրապետութեան հռչակումը: Ճակատամարտ մը՝ Սարդարապատի անունով սրբացած, կռիւ մը՝ կենաց եւ մահու, կռիւ մը՝ ճգնաժամային ու ճակատագրական: Ժողովուրդ մը ամբողջ իր բոլոր խաւերով ու դասակարգերով, մեծով ու փոքրով, երիտասարդով ու ծերով, կին ու այրով իջած էր ռազմադաշտ, Ո՛Չ բոռալու Կովկասէն ներխուժող զօրքերու ներթափանցումին: «Իմացեալ մահն» էր, հերոսական պայքարը: Արիւնը մեր անդաւաճան, կեռար երակներուն մէջ մեր ժողովուրդին, բոլոր զաւակներուն: Պէտք էր փրկել հայրենիքը, մնացորդացը հսկայական թագաւորութեան, Տիգրաններէն մեզի հասած, Վարդաններէն ժառանգ մնացած, Նարեկացիներու աւանդ մեր հողը պապենական պէտք է մնար մե՛րը: Ու մնաց: Ճակատամարտը հերոսական կասեցուց թշնամիին անսանձ ախորժակները ու մեր երկիրը մնաց մե՛րը, ու հռչակեց հանրապետութիւն:
Եղանք պետութիւն, դարձանք հպարտ, նոյնիսկ մեր ցաւերուն մէջ: Զոհւողներուն արեան համար սուգ չպահեցինք, այլ՝ համատարած ցնծութեամբ վարակեց բոլորին հոգիները, ու գոյատեւելու, յաւերժանալու, Մասիսանալու (ինչպէս պիտի ըսէր Շիրազ) ուժն ու կորովը, խանդն ու խինդը մնացին մեզ հետ՝ որպէս անմար տենչ, անմեռ տեսիլք:
Մե՛րն էր մեր երկիրը: Մե՛նք ալ պետութիւն էինք, թէկուզ թերի, բայց որ մե՛րը, միշտ սրբագրւելու սահմանւած...:
Հերոսական ճակատամարտի մը արդիւնք է այսօրւան ծաղկող Հայաստանը:
Պատմական անժխտելի ճշմարտութիւն է սա: Առանց Սարդարապատի, մենք պիտի չունենայինք մեր Հայաստանը ներկայ: Կարեւորը մեր գոյութեան իրականութիւնն է, կարեւորը այն է, որ մենք կանք, կարեւորը այն է, որ մենք «պիտի լինենք ու դեռ շատանանք»:
Մենք հայրենիք ունինք այսօր, զայն կը պարտինք Սարդարապատի ճակատամարտին զոհւող մեր հերոսներուն, մարտիրոսներուն:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։