Հա

Ազգային

14/01/2017 - 11:30

Դաշնակցական գործ

Կեդրոնանանք միայն Արեւմտեան Ամերիկայի տարածքին վրայ: Դաշնակցութիւնը ի՞նչ գործունէութիւն կը տանի այս ափերուն վրայ:

ԱԲՕ ՊՕՂԻԿԵԱՆ

Կեդրոնանանք միայն Արեւմտեան Ամերիկայի տարածքին վրայ: Դաշնակցութիւնը ի՞նչ գործունէութիւն կը տանի այս ափերուն վրայ:

Այնուամենայնիւ, պարտաւոր ենք նախ նշել, թէ իբրեւ համահայկական, Սփիւռքի եւ հայրենիքի մէջ գործող կուսակցութեան՝ Հայ Յեղափոխական Դաշնակցութեան մէկ օղակը՝ Արեւմտեան Ամերիկայի կուսակցական կառոյցը իր մասնակցութիւնը կը բերէ համակուսակցական բոլոր աշխատանքներուն, ձեռնարկներուն, ծրագիրներուն: ՀՅԴ Բիւրոյին միջոցաւ եւ ուղղորդումով, Արեւմտեան Ամերիկայի կառոյցը թէ՛ նիւթապէս եւ թէ բարոյապէս ներգրաւուած է Հայաստանի ու Արցախի տնտեսական ու հասարակական ծրագիրներուն, ինչպէս նաեւ՝ Սուրիոյ հայութեան աջակցող նախաձեռնութիւններուն մէջ:

Սուրիոյ հայութեան աջակցութիւն ապահովելու համար, Արեւմտեան Ամերիկայի մէջ գործող ՍԱՐՖ-ը, որ համահամայնքային մարմին մըն է, Դաշնակցութենէն կը ստանայ անվերապահ զօրակցութիւն եւ կենսական դերակատարութիւն:

Հայաստանի, Արցախի եւ Ջաւախքի մէջ պատանեկան բանակումներու ամէնամեայ ծրագիրով, Արեւմտեան Ամերիկայի Հայ Երիտասարդաց Դաշնակցութիւնը հարիւրաւոր երեխաներու համար կ՛ապահովէ առողջ միջավայր՝ անոնց ամառնային արձակուրդին մէկ հատուածը վերածելով դաստիարակչական անփոխարինելի փորձառութեան:

Արեւմտեան Ամերիկայի Դաշնակցական կազմը իր կարեւոր բաժինը կը բերէ տեղական, նահանգային եւ դաշնակցային մակարդակի ամերիկեան քաղաքական կեանքին՝ հայկական ազդեցութեան լծակները ուժեղացնելով, ընտրութիւններուն մեր կշիռքը բարձրացնելով, հայ երիտասարդութիւնը դէպի ամերիկեան քաղաքական-հասարակական դերակատարութիւն մղելով, ինչպէս նաեւ հայութեան, Հայաստանի եւ Արցախի հանդէպ ամերիկեան քաղաքական եւ լրատուական-վերլուծական շրջանակներուն մօտ դրական կեցուածք յառաջացնելով:

Արեւմտեան Ամերիկայի հայ համայնքի կազմակերպման հարցը, անոր հայապահպանութեան կռուաններու ուժեղացումէն մինչեւ ազգային-հոգեւոր-կրթական կեանքի աշխուժացումը եւ կենսունակութեան ապահովումը, կը գրաւէ ՀՅԴ Արեւմտեան Ամերիկայի Կեդրոնական Կոմիտէութեան ղեկավար մարմիններուն ու շարքերուն ուշադրութիւնը եւ աշխատանքային ծրագիրներուն կարեւորագոյն մասը:

Հայ կեդրոններէն ներս թէ անոնց տարածքէն դուրս, ամէնօրեայ ճիգ ու քրտինք կը թափուին հայ երիտասարդութեան համար ազգային միջավայր ստեղծելու, հայութեան ազգային առաջնահերթութիւններուն ի խնդիր աշխատանքներուն համահամայնքային մասնակցութիւն ապահովելու եւ ընդհանրապէս հայկական համայնքի համախմբան գործին բարենպաստ պայմաններ ստեղծելու ուղղութեամբ:

Դաշնակցական գործը՝ հայութեան, հայրենիքին, հայոց պետականութեանց ծառայելու գործ է, որուն ամբողջական մասնակցութիւն բերելը իւրաքանչի՛ւր դաշնակցականի ձգտումն է:

«Ասպարէզ»

 

 

Յարակից լուրեր

  • Քաղաքական նախաձեռնութիւններ շրջափակման պայմաններում
    Քաղաքական նախաձեռնութիւններ շրջափակման պայմաններում

    Շարունակւող շրջափակումը անկիւնադարձային փոփոխութիւնների է ենթարկել Արցախում բնակւող իւրաքանչիւր անհատի առօրեայ կեանքը: Այդ փոփոխութիւնները անհատական դաշտից առաւել նկատելի են Արցախի քաղաքական, տնտեսական, անվտանգային եւ կենսապահպանման համակարգերում: Բնական է, որ լուծելի խնդիրների առաջին շարքում պարենի, առաջին անհրաժեշտութեան ապրանքների սակաւութեան վերացման կամ հաւասարաչափ բաշխման համակարգի ստեղծումն է:

  • Արցախի արտգործնախարարը նամակներ է ուղարկել Հայաստանում հաւատարմագրված մի շարք երկրների դեսպանների
    Արցախի արտգործնախարարը նամակներ է ուղարկել Հայաստանում հաւատարմագրված մի շարք երկրների դեսպանների

    Արցախի Հանրապետութեան արտաքին գործերի նախարար Սերգէյ Ղազարեանը նամակներ է ուղարկել Հայաստանում հաւատարմագրւած մի շարք երկրների դեսպանների:

  • Ինչի՞ մասին է խօսքը…
    Ինչի՞ մասին է խօսքը…

    Արցախի շրջափակման 51-րդ օրն է եւ հայութեան համաշխարհային զօրաշարժը մտած է իր տարերքին մէջ։ ՀՅԴ համաժողովրդական համակարգը ամէն կողմ է։ Նոյնպիսի թափով կը գործեն Սփիւռքի միւս քաղաքական եւ հասարակական կազմակերպութիւնները։ Յանկարծ Արցախի պահանջատիրական խօսոյթը նոյն նշանաբանով կը թուի գործել հայ կեանքի բոլոր շերտերէն։ Արցախը կը գտնուի իր կենաց-մահու մարտահրաւէրին առջեւ եւ Արցախի փրկութիւնը ամբողջ հայութեան աւագ խնդիրն է այս պահուն։

  • Բերձորի միջանցքի շրջափակումը կրնայ միջազգային ճանաչման ենթահողի վերածուիլ
    Բերձորի միջանցքի շրջափակումը կրնայ միջազգային ճանաչման ենթահողի վերածուիլ

    Բերձորի միջանցքի շրջափակումին հետեւանքով հայկական կողմին ջանքերը՝ միջազգային ընտանիքին դիմաց մերկացնելու Ատրպէյճանի Արցախը հայաթափելու իսկական նպատակը, սկսան արձագանգ գտնել:

  • Եգիպտոսի առաջարկած այլընտրանքը
    Եգիպտոսի առաջարկած այլընտրանքը

    Զանազան մօտեցումներով եւ վերլուծումներով կարելի է դիտել Եգիպտոսի նախագահ Ապտէլ-Ֆաթթահ Սիսիի այցելութիւնը՝ Պաքու եւ Երեւան։ Ժամացոյցին սլաքները տասնամեակ մը ետ տանելով, պէտք է յիշենք, որ 2013-ին, ծայրայեղական Մորսիի իշխանութիւնը տապալած եւ երկրին ղեկը ստանձնած զօրավար Սիսի յաջորդ տարիներուն յարաբերութիւնները գրեթէ խզած էր Թուրքիոյ հետ, իսկ Եգիպտոսէն ներս «իսլամ» ծայրայեղականներու ետին, երբեմն տեսնուած էր Թուրքիոյ մատը։ 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։