Հա

Ազգային

22/01/2017 - 08:45

Իւրաքանչիւրը քեզ իւրովի է յիշում

Սիրելի Հրանտ,

Դժւար է հաւատալ, որ արդէն տասը տարի է՝ դու մեզ հետ չես մարմնապէս։ Դժւար է հաւատալ, որովհետեւ դու այլապէս միշտ էլ ներկայ ես եղել այս տասը տարիներին․ քո մասին, գաղափարներիդ, ասածներիդ եւ չասածներիդ մասին այնքան է խօսւել եւ խօսւում է, որ դժւար է հաւատալ, որ չկաս։

ՀՅԴ Բիւրոյի անդամ Կիրօ Մանոյեանի նամակը` Հրանտ Դինքի մահւան տարելիցի կապակցութեամբ

 

Սիրելի Հրանտ,

Դժւար է հաւատալ, որ արդէն տասը տարի է՝ դու մեզ հետ չես մարմնապէս։ Դժւար է հաւատալ, որովհետեւ դու այլապէս միշտ էլ ներկայ ես եղել այս տասը տարիներին․ քո մասին, գաղափարներիդ, ասածներիդ եւ չասածներիդ մասին այնքան է խօսւել եւ խօսւում է, որ դժւար է հաւատալ, որ չկաս։ Քո մասին պարբերաբար խօսեցնում է նաեւ քո սպանութեան գործով ընթացող դատավարութիւնը, կամ դատավարութււնները։ Կը ներես, որ մանրամասնօրէն չեմ հետեւում այդ ներկայացումներին, որովհետեւ դրանք նման են ամէն ինչի, միայն ոչ՝ դատավարութեան։ Աւելի շուտ ալաթուրքա հեռուստասերիալի են նմանւում։ Կարծում եմ՝ շատերը կը համաձայնեն ինձ հետ, որ մենք արդէն գիտենք՝ ով էր քեզ սպանողը։ Թուրքական պետութիւնն է այդ ոճրագործը, որ չկարողացաւ հանդուրժել քեզ պէս, իսկապէս Թուրքիային հաւատարիմ, բայց ոչ հլու-հնազանդ ու հայ ինքնութիւնը պահող քաղաքացու համարձակութիւնը։

Թէեւ մենք՝ դու եւ ես, քաղաքական որոշ մօտեցումներով ընդդիմախօս էինք, բայց քո քաջութիւնը, համարձակութիւնը, քո համոզւածութիւնը գաղափարներիդ ինձ մղել են, որ յարգեմ քեզ որպէս մարդու, որպէս հայի։

Վստահաբար ուրիշներն էլ արդէն քեզ տեղեկացրել են, որ այս տասը տարիներին բաւական բան է փոխւել թուրքիայում՝ մէկ քայլ առաջ, երկու քայլ յետ կշռոյթով։ Անկեղծ ասած՝ վստահ չեմ, որ կը ցանկանայիր մեր օրերի Թուրքիայում ողջ լինել՝ ֆիզիկապէս ողջ։

Սակայն, ինչպէս արդէն ասացի, դու կաս։ Դու շատերի համար կաս, եւ իւրաքանչիւրը քեզ իւրովի է յիշում։ Շատերը, քո մասին ասւածները լսելով, կարող են զարմանալ, որ բոլորը նոյն մարդու՝ քո մասին են խօսում։ Յամենայնդէպս՝ ինձ համար կարեւորն այն է, որ քո մասին խօսում, մտածում է Թուրքիայի՝ գոնէ պոլսի հայ երիտասարդութեան մի մասը այն էլ յարգանքով, անկեղծ սիրով է խօսում։ Եւ կարծես որոշել է վարակւել, կամ արդէն վարակւել է քո համարձակութեամբ, քո ինքնավստահութեամբ։

Ի դէպ, 2013-ին այցելցի քո սպանութեան վայրը, աշխատավայրդ եւ քո շիրիմին։ Չկարողացայ չզայրանալ այդ մեծ անարդարութիւնից։ Կրկնում էի, որ դու երկրորդ մարդն էիր, ով ինձ Պոլիս էր հրաւիրել։ Առաջինը իշխող ԱԶԿ կուսակցութեան պատգամաւոր էր ժամանակին, այդ ժամանակ՝ փախստական իր երկրից։ Իսկ դու․․․ դու սպանւած՝ պետութեան կողմից։ Յամենայնդէպս՝ կարծում եմ, որ շատերը կը ցանկային գոնէ քեզ պէս ապրել այդ երկրում։

Հողը թեթեւ գայ, սիրելի՛ Հրանտ։

Ջերմ բերեւներով՝

Կիրօ Մանոյեան

«ԱԿՕՍ»
«yerkir.am»

 

 

 

Յարակից լուրեր

  • Կոնգրեսականների յստակ ուղերձը՝ Բաքւին
    Կոնգրեսականների յստակ ուղերձը՝ Բաքւին

    Փելոունի ուղղման ընդունումը ամերիկեան Կոնգրեսի Ներկայացուցիչների պալատի յստակ ուղերձն է Հայաստանի դէմ ագրեսիա իրականացնող Ադրբեջանին: «Արմէնպրես»-ի հետ զրոյցում այսպիսի կարծիք յայտնեց ՀՅԴ Բիւրոյի անդամ, ՀՅԴ Բիւրոյի Հայ Դատի եւ քաղաքական հարցերի գրասենեակի պատասխանատու Կիրօ Մանոյեանը՝ տեղեկացնելով, որ Հայ Դատի յանձնախումբն այժմ աշխատում է գործընթացն աւարտին հասցնելու եւ Ադրբեջանին յատկացւող ամերիկեան ռազմական օգնութեան ամբողջական արգելափակմանը հասնելու համար: 

  • «Վտանգաւոր է, որ քաղաքական թիւ մէկ պաշտօնը վարողն անընդհատ զիգզագ փոխում է իր դիրքորոշումները»․ Կիրօ Մանոյեան
    «Վտանգաւոր է, որ քաղաքական թիւ մէկ պաշտօնը վարողն անընդհատ զիգզագ փոխում է իր դիրքորոշումները»․ Կիրօ Մանոյեան

    Հայաստանի Հանրապետութեան պաշտօնական կեցւածքը պէտք է լինի այն, որ առանց նախապայմանի Թուրքիան իր թշնամական վերաբերմունքը փոխի Հայաստանի նկատմամբ, շրջափակումը հանի, դիւանագիտական կապեր հաստատի։ 

  • «Թուրքիան եւ Ադրբեջանը փորձում են աջակցել Փաշինեանին, նա իրենց շահերի սպասարկուն է». Կիրօ Մանոյեան
    «Թուրքիան եւ Ադրբեջանը փորձում են աջակցել Փաշինեանին, նա իրենց շահերի սպասարկուն է». Կիրօ Մանոյեան

    Ալիեւն սպառնում է ուժով միջանցք բացել Սիւնիքում, իսկ Հայաստանի իշխանութիւնը ոչ միայն չի պաշտպանում սիւնեցու անվտանգութիւնը, հակառակը՝ նրան խանգարում է իր ներքաղաքական հաշւարկներով՝ կոտրելով սիւնեցու քաղաքական կամքը. վարչապետի աթոռին կառչածը հաւատացել է, որ այլ մարզեր իր այցելութիւններն իբր լաւ են ընկալւել, հաւատացել է իր իսկ թատրոնին, Սիւնիքում դա չի ստացւել: «Արմնիւզ» ՀԸ «#ՕրաԽնդիր» հաղորդման ժամանակ նման կարծիք է յայտնել ՀՅԴ Բիւրոյի անդամ, ՀՅԴ Բիւրոյի Հայ Դատի եւ քաղաքական հարցերի գրասենեակի պատասխանատու Կիրօ Մանոյեանը:

  • ԱՄՆ-ում հատուցման հայցեր ներկայացնելու հնարաւորութիւն կը տայ գործադիրի կողմից Ցեղասպանութեան ճանաչումը
    ԱՄՆ-ում հատուցման հայցեր ներկայացնելու հնարաւորութիւն կը տայ գործադիրի կողմից Ցեղասպանութեան ճանաչումը

    ԱՄՆ գործադիր իշխանութեան կողմից Ցեղասպանութեան ճանաչումը նաեւ հնարաւորութիւն կը տայ իրաւական գործեր յարուցելու ԱՄՆ դատարաններում Թուրքիայի դէմ հատուցման հարցերով՝ ըստ Yerkir.am-ի ասաց ՀՅԴ Բիւրոյի Հայ Դատի եւ քաղաքական հարցերի գրասենեակի պատասխանատու Կիրօ Մանոյեանը։

  • «Նոյեմբերի 9-ից յետոյ այս իշխանութիւններին լուրջ վերաբերւող պետութիւն չկայ». Կիրօ Մանոյեան
    «Նոյեմբերի 9-ից յետոյ այս իշխանութիւններին լուրջ վերաբերւող պետութիւն չկայ». Կիրօ Մանոյեան

    Պատերազմի առաջին օրերից մինչեւ վերջ, առաւել եւս՝ նոյեմբերի 9-ի յայտարարութիւնից յետոյ Հայաստանի այս իշխանութիւններին լուրջ վերաբերւող պետութիւն չկայ, չկայ, որովհետեւ, երբ իշխանութիւնն ասում է՝ տարածաշրջանում որոշ փոփոխութիւններ են տեղի ունեցել, եւ մենք պէտք է մեր արտաքին քաղաքական ուղղութիւններում շտկումներ մտցնենք, պարզ է, որ ուրիշներն էլ պէտք է ասեն՝ մտցրէք ձեր շտկումները, ձեզ հետ վերջում կը խօսենք: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։