Հա

Ազգային

18/04/2019 - 09:20

«Ապառաժ»-ի խմբագրական. Նախագահական եւ խորհրդարանական ընտրութիւններին ընդառաջ

Մէկ տարի յետոյ Արցախում տեղի է ունենալու նախագահական եւ խորհրդարանական ընտրութիւններ: Ըստ ԱՀ Սահմանադրութեան՝ այս երկու պետական կառոյցների ընտրութիւնները տեղի են ունենալու նոյն օրը՝ միաժամանակ: Բնական է, որ առաջիկայ մէկ տարին Արցախն ապրելու է բուռն քաղաքական կեանք: Դաշնակցութիւնը բազմիցս ահազանգել է Արցախի գերկենտրոնացւած իշխանութեան անպատեհութեան մասին՝ թէ՛ կառավարման եւ թէ՛ երկրի անվտանգութեան տեսանկիւնից:

Մէկ տարի յետոյ Արցախում տեղի է ունենալու նախագահական եւ խորհրդարանական ընտրութիւններ: Ըստ ԱՀ Սահմանադրութեան՝ այս երկու պետական կառոյցների ընտրութիւնները տեղի են ունենալու նոյն օրը՝ միաժամանակ: Բնական է, որ առաջիկայ մէկ տարին Արցախն ապրելու է բուռն քաղաքական կեանք: Դաշնակցութիւնը բազմիցս ահազանգել է Արցախի գերկենտրոնացւած իշխանութեան անպատեհութեան մասին՝ թէ՛ կառավարման եւ թէ՛ երկրի անվտանգութեան տեսանկիւնից: Սակայն, ցաւով պէտք է նշել, որ 2017-ի սահմանադրական փոփոխութեամբ, որին դէմ էր ՀՅԴ-ն, աւելի կենտրոնացաւ իշխանութեան համակարգը նախագահի ինստիտուտի շուրջ:

Բնական համարելով քաղաքական լարւածութիւնը, յատկապէս նախագահի աթոռին յաւակնողների աշխուժութիւնը, միաժամանակ հարկ ենք համարում ազդարարել մի շարք մտահոգութիւններ, որոնց դէմ յանդիման է կանգնած Արցախի պետական համակարգը:

Նախ, պէտք է նկատի ունենալ, որ գործող Սահմանադրութեամբ առաջին անգամն է, որ տեղի է ունենում համաժամանակեայ ընտրութիւններ: Սահմանադրութիւնը նախատեսում է խորհրդարանական եւ նախագահական համակարգերի փոխկապակցւածութիւնն այն իմաստով, որ մէկի լինելիութիւնը պայմանաւորւած է միւսի լինելիութեամբ: Որեւէ պատճառով խորհրդարանի ցրման պարագայում նախագահը եւս պէտք է հրաժարական ներկայացնի, իսկ նախագահի հրաժարականի պարագայում ցրւում է նաեւ Ազգային ժողովը: Դա կարող է յանգեցնել ճգնաժամային իրավիճակի եւ թելադրել շարունակաբար ընտրութիւնների կազմակերպում՝ մինչեւ այն ժամանակ, որ խորհրդարանի քաղաքական մեծամասնութիւնն ու նախագահը նւյն «քաղաքական թիմում» լինեն:

Արտաքին ճակատում, մասնաւորաբար՝ անցեալ ամիս Վիեննայում Հայաստանի եւ Ադրբեջանի ղեկավարների հանդիպումից յետոյ, առաւել սաստկացել է ադրբեջանական կողմի ռազմատենչ հռետորաբանութիւնը: Իրավիճակը նմանւել է 2016-ի ապրիլին նախորդող կացութեանը: Պէտք է արձանագրենք, որ օրէցօր առաւել շօշափելի է դառնում արտաքին վտանգի գոյութիւնը: Այս իրավիճակում անխոհեմութիւն է քաղաքական նկրտումներին տուրք տալով Արցախի հասարակական դաշտում առաջացնել բաժանարար գծեր, միաժամանակ՝ անթոյլատրելի ապագայի հաշւին խոստումներ շռայլելով՝ պետական համակարգը մատնել անգործունէութեան: Երեւոյթներ, որին ականատես ենք լինում նախագահի աթոռը յաւակնող ուժերի քաղաքական մրցավազքի համայնապատկերում:

Եւ, վերջապէս, հայ ժողովրդի հաւաքական ինքնութեան գիտակցութեան մէջ Արցախը մեծ առաքելութիւն ունի: Արցախով է, որ հայկական ազգային միասնութեան գաղափարը իմաստաւորւում է: Երբ Արցախն է վտանգւում, հայ ժողովրդի միասնութիւնը աներկբայ իրողութիւն է դառնում: Իսկ այդ առաքելութիւնը իրականացնելու համար Արցախին պէտք է կուռ միասնութիւն սկզբունքային հարցերի շուրջ: ՀՅԴ-ի համար սկզբունքային է Արցախի Հանրապետութեան պետականութեան ամրապնդումն ու հզօրացումը:

«Ապառաժ»

Յարակից լուրեր

  • «Հասարակական իշաճանճի» յաղթանակին սպասելիս
    «Հասարակական իշաճանճի» յաղթանակին սպասելիս

    Բերնի Սանդերսը յաղթեց Նեւադա նահանգի փրայմերիզում: Դեմոկրատական կուսակցութեան ներկուսակցական մրցավազքում ձախակողմեան սենատորի յաղթանակներն աւելի են ամրապնդում նրա կողմնակիցների յոյսերն առ այն, որ առաջիկայ նոյեմբերին կայանալիք ԱՄՆ նախագահական ընտրութիւններին հէնց «խելագար Սանդերսը» կը ներկայացնի Դեմոկրատական կուսակցութեանը:

  • «Ապառաժ»-ի խմբագրական. ՀՅԴ-ն՝ պետականութեան կերտման ու բարգաւաճման ակունքներում
    «Ապառաժ»-ի խմբագրական. ՀՅԴ-ն՝ պետականութեան կերտման ու բարգաւաճման ակունքներում

    Յաճախ ենք լսում այն մասին, որ հայկական իրականութեան մէջ վերջին 130 տարում իւրաքանչիւր յիշարժան, պատմական իրադարձութեան մէջ Դաշնակցութիւնն ունեցել է իր դերն ու նշանակութիւնը: Առաջին հայեացքից այս արտայայտութիւնը կարող է չափազանցութիւն թւալ: Սակայն, հպանցիկ ակնարկով անգամ նայելով հայոց նորօրեայ պատմութեանը, ցայտուն է դառնում Դաշնակցութեան նշանակութիւնը:

  • «Նախատեսւող ծրագրերը յաւակնոտ են, բայց միանգամայն իրատեսական». Բակօ Սահակեան
    «Նախատեսւող ծրագրերը յաւակնոտ են, բայց միանգամայն իրատեսական». Բակօ Սահակեան

    Արցախի Հանրապետութեան նախագահ Բակօ Սահակեանը փետրւարի 22-ին ՀՀ վարչապետ Նիկոլ Փաշինեանի հետ Ստեփանակերտում մասնակցել է երկու հայկական հանրապետութիւնների Անվտանգութեան խորհուրդների համատեղ նիստին:

  • «Ինչո՞ւ է Նիկոլ Փաշինեանը մտել վտանգաւոր խաղի մէջ». «168 ժամ»
    «Ինչո՞ւ է Նիկոլ Փաշինեանը մտել վտանգաւոր խաղի մէջ». «168 ժամ»

    «Նախօրէին Հանրային հեռուստատեսութեանը տւած հարցազրոյցում վարչապետ Նիկոլ Փաշինեանը, ի թիւս այլ հարցերի, անդրադարձաւ նաեւ ղարաբաղեան հակամարտութեան կարգաւորմանը՝ հանդէս գալով մտահոգիչ յայտարարութիւններով։

  • Հայ Դատը Արցախի ականազերծման աջակցելու եւ Հայաստանին ու Ատրպէյճանին ռազմական հաւասար նպաստ տալու կոչ կ՛ընէ
    Հայ Դատը Արցախի ականազերծման աջակցելու եւ Հայաստանին ու Ատրպէյճանին ռազմական հաւասար նպաստ տալու կոչ կ՛ընէ

    Թրամփի վարչակազմին կողմէ Ատրպէյճանին 101.5 միլիոն տոլարի ռազմական աջակցութիւն տրամադրելու որոշումը մեծ մասմամբ պայմանաւորուած է Իրանի դէմ քայլերով, սակայն կասկած չկայ, որ այդ աջակցութիւնը նաեւ վտանգաւոր կը դարձնէ Հայաստանի եւ Արցախի դէմ ռազմական գործողութիւններ սպառնացող Ալիեւի վարչակազմը, կը գրէ Ամերիկայի Հայ Դատի յանձնախումբի կառավարական հարցերու վարիչ Թերեզա Երիմեան, Ներկայացուցիչներու տան Յատկացումներու յանձնախումբին յանձնուած տեղեկագիրին մէջ։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։