Հա

Ազգային

25/05/2019 - 14:20

Հրամայական են արտախորհրդարանական հակակշռման գործողութիւնները

Մայիս 23-ի հանրահաւաքը, ըստ էութեան, զուտ պետական դիտանկիւնէ` անհրաժեշտ գործողութիւն էր երկրին մէջ կառուցողական ընդդիմութեան բանաձեւ ձեւաւորելու ուղղութեամբ:

Մայիս 23-ի հանրահաւաքը, ըստ էութեան, զուտ պետական դիտանկիւնէ` անհրաժեշտ գործողութիւն էր երկրին մէջ կառուցողական ընդդիմութեան բանաձեւ ձեւաւորելու ուղղութեամբ:

Կայուն մեծամասնութեամբ գոյացած խորհրդարանով, միակուսակցականութեամբ ընդգծուած կառավարութեամբ եւ այժմ զտման գործընթացէ անցնելու նախաշեմին գտնուող դատական համակարգով ղեկավարուող երկրին մէջ արտախորհրդարանական ընդդիմութեան անհրաժեշտութիւնը կը զգացուի:

Գործող սահմանադրութիւնը ընդդիմութեան չափաբաժինները, իրաւասութիւններն ու լիազօրութիւնները ընդլայնելով խորքին մէջ կը միտէր հակակշիռ գործիքակազմը հաստատութենական հիմունքի վրայ տեղադրել: Հակակշիռ թէ՛ ներխորհրդարանական քննարկումներու ու որոշումներու եւ թէ՛ գործադիր-օրէնսդիր իրողական-իրաւական հաշուետուութեան յարաբերակցութիւն յառաջացնելով:

Ժողովրդային շարժման անմիջականութեան մէջ ձեւաւորուած խորհրդարանն ու կառավարութիւնը հեռու են սահմանադրական առաջադրանքը իրականացնելու կարելիութենէն: Յամենայնդէպս, միշտ չէ, որ ժողովրդային շարժման ազդեցութեան ներքեւ պիտի ձեւաւորուին հետագայ Ազգային ժողովներն ու անոնց հիման վրայ կազմուելիք կառավարութիւնները:

Բացառիկ այս իրավիճակին մէջ աւելի քան անհրաժեշտ է ուրեմն ձեւաւորել այնպիսի միջավայրեր, ուր հնչէ քննադատութիւնը, ուր սխալները ուղղելու բարձրաձայնումները ժողովրդային հնչեղութիւն ստանան կամ աւելի քաղաքագիտական բանաձեւումով` աշխատի կառուցողական ընդդիմութիւնը:

Հանրահաւաքային նոր մշակոյթի ներկայացման առիթներու ստեղծումը ուրեմն այս պարագային կը բխի պետական շահերէ եւ ըստ էութեան կը սատարեն սահմանադրական հակակշռումի գործառոյթներուն. թէկուզ արտախորհրդարանական հարթակներու վրայ:

Մշակոյթի մասին է խօսքը, ուր տիրապետող չէր ժողովրդահաճոյութիւնը եւ ատոր ապահովման համար ի գործ դրուող կիրքը, սպառնալիքի կոպիտ ոճը: Ոլորտային մասնագիտական աշխատանքի հանրայնացման եղանակն էր, որ կը կիրարկուէր Ազատութեան հրապարակին վրայ: Կ՛աշխատէր քննադատել, նոր ուղի մատնացոյց ընել, այլընտրանք ներկայացնել մեթոտաբանութիւնը, որ համոզիչ էր իբրեւ կառուցողական ընդդիմութիւն:

Հաւանաբար աննկատ չէր անցած որդեգրուած քաղաքակիրթ այս եղանակը. Ազգային ժողովի փոխնախագահը արձագանգելով Դաշնակցութեան կազմակերպած հանրահաւաքին, զայն կ՛ողջունէր եւ կը գնահատէր իբրեւ քաղաքական բնականոն գործընթաց:

Երբ քննադատութեան կ՛ընկերակցի այլընտրանքի տրամադրումը, ապա քննադատուողը կամ այս պարագային գործող մեծամասնութիւնը պարտի անպայման հաշուի նստիլ իրեն ներկայացուող առաջարկներուն հետ:

Քաղաքակիրթ աշխատելաոճի, կառուցողական քննադատութեան կամ հակակշիռ ու այլընտրանք ստեղծող արտախորհրդարանական այս աշխատակարգը առանցքային դեր ու նշանակութիւն պէտք է ունենայ ընկերային ցանցերու վրայ հանրային քննարկումներու ձեռնարկող վիրթուալ հասարակութեան համար: Օգտագործուող այս ոճին հակոտնեայ ըսելաձեւերով, մեղադրանքներով եւ անհիմն զրպարտութիւններով նիւթերու արտադրանքը ո՛չ միայն չեն նպաստեր ժողովրդավարացման միջոցներու խիստ կարիքը ունեցող գործող մեծամասնութեան, այլ ընդհանրապէս ամբողջ պետութեան եւ քաղաքացիական հասարակարգի կայացման:

Ազգային ժողով-Ազատութեան հրապարակ անուղղակի երկխօսութիւնը կը յաջողի՞ լրացնել ստեղծուած սահմանադրական բացը` հակակշիռ հաստատութիւններու աշխուժ աշխատելու առումով: Ներկայ պայմաններուն մէջ այդ բացը լրացնելը կախեալ է գործող մեծամասնութեան կամքէն:

Բացառապէս պետական դիտանկիւնէ` հրամայական են արտախորհրդարանական հակակշռումի գործողութիւնները:

«Ազդակ»

Յարակից լուրեր

  • Դատարանը վարոյթ է ընդունել ՀՅԴ-ի յայցն ընդդէմ Արման Բաբաջանեանի
    Դատարանը վարոյթ է ընդունել ՀՅԴ-ի յայցն ընդդէմ Արման Բաբաջանեանի

    Երեւան քաղաքի ընդհանուր իրաւասութեան առաջին ատեանի դատարանի դատաւոր Աւագ Գաբրիէլեանը վարոյթ է ընդունել ՀՅԴ անդամների յայցն ընդդէմ՝ ՀՀ ԱԺ պատգամաւոր Արման Բաբաջանեանի. Yerkir.am-ն այս մասին տեղեկանում է Դատալեքս դատական-տեղեկատւական համակարգից:

  • Այսօր լրանում է ՀՅԴ հիմնադիրներից՝ Ռոստոմի մահւան 101-ամեակը
    Այսօր լրանում է ՀՅԴ հիմնադիրներից՝ Ռոստոմի մահւան 101-ամեակը

    101 տարի առաջ, այս օրը` 1919 թւականի յունւարի 19-ին, իր մահկանացուն կնքեց Ստեփան Զօրեանը, նոյն ինքը` ՌՈՍՏՈՄԸ: Հ.Յ.Դ. հիմնադիրներց, Դաշնակցութեան ոգու մարմնացումը, մեծ հայն ու հումանիստը, նւիրեալ յեղափոխականն ու երդւալ սոցիալիստը:

  • Դաշնակցութեան խօսքը նորազատականութեան այսօրուան ժխորին մէջ
    Դաշնակցութեան խօսքը նորազատականութեան այսօրուան ժխորին մէջ

    Սկսինք հիմնականէն, սկիզբէն։

    Նորազատականութիւնը դրամատիրական համակարգի նորագոյն գաղափարախօսական «գիւտ»ն է։ Դրամատիրութիւնը միշտ ձգտած է հարստութեանց անյագ կուտակումին: Այդ հարստութիւնը կրնայ կանխիկ դրամի ձեւով ըլլալ, կրնայ նաեւ յառաջանալ բնական պաշարներով՝ քարիւղով, բնական կազով, հանքային զանազան պաշարներով (մետաղներ եւ այլն), առանց մոռնալու… ջուրը։

  • Հայրենիքի եւ հայութեան ծառայութեան մէջ (Հայ Յեղափոխական Դաշնակցութեան օրուան առիթով)
    Հայրենիքի եւ հայութեան ծառայութեան մէջ (Հայ Յեղափոխական Դաշնակցութեան օրուան առիթով)

    Բահով եւ բրիչով, գրիչով եւ խօսքով, տասնոցով եւ քլաշինով՝ 130 տարի հայրենիքի ու հայութեան ծառայութեան մէջ։

  • Մեր առաջնահերթութիւնը դուք չէք
    Մեր առաջնահերթութիւնը դուք չէք

    Դիմատետրը կը վխտայ ամէն կարգի ապակողմնորոշիչ գրառումներով մէկ կողմէ իշխանութեան քարոզչական մեքենան շարժման մէջ պահելու եւ միւս կողմէ՝ Դաշնակցութեան թափը կասեցնելու յստակ դիտաւորութեամբ։ Կը թուի, թէ ռազմաբեմը այլեւս սահմանագիծը չէ։ Ռազմաբեմը փոխադրուած է ներքին քաղաքականութեան ոլորտէն ներս։ Նախայարձակումը (aggression, ագրեսիա) տեղի կ՚ունենայ Երեւանի մէջ իսկ։ Եւ թիրախը մեր ազգային քաղաքականութիւնն է։ Մեր ազգային գաղափարախօսութիւնը։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։