Հա

Ազգային

30/05/2019 - 11:20

«ՀՅԴ-ի հանգանակութեամբ կառուցւած յուշարձանի բացմանը ՀՅԴ-ականներ չեն հրաւիրւել»․ Յարութիւն Յարութիւնեան

Տորոնտոյի ՀՅԴ-ի հանգանակութեամբ Սարդարապատում կանգնեցւած Արամ Մանուկեանի յուշարձանի բացմանը չեն հրաւիրել ՀՅԴ ներկայացուցիչներին: Յուշարձանի հովանաւորը՝ պրն. Ջանբազեանը թանգարանում սպասել է մինչեւ բացումը տեղի ունենայ, յետոյ մօտենայ իր նւիրատւութեամբ կանգնեցւած յուշարձանին: Այս մասին ֆէյսբուքեան էջում գրել է 5-րդ ալիք հեռուստաընկերութեան տնօրէն Յարութիւն Յարութիւնեանը։

«alikonline.ir» - Տորոնտոյի ՀՅԴ-ի հանգանակութեամբ Սարդարապատում կանգնեցւած Արամ Մանուկեանի յուշարձանի բացմանը չեն հրաւիրել ՀՅԴ ներկայացուցիչներին: Յուշարձանի հովանաւորը՝ պրն. Ջանբազեանը թանգարանում սպասել է մինչեւ բացումը տեղի ունենայ, յետոյ մօտենայ իր նւիրատւութեամբ կանգնեցւած յուշարձանին: Այս մասին ֆէյսբուքեան էջում գրել է 5-րդ ալիք հեռուստաընկերութեան տնօրէն Յարութիւն Յարութիւնեանը։

Նրա գրառման մէջ, մասնաւորապէս, ասւած է․

«Սարդարապատում Արցախի հեծելազoրի մուտքը մարտադաշտ փոխեց ճակատամարտի ընթացքը եւ աշխարհի քարտէզի վրայ գրւեց Հայաստանի Հանրապետութիւն անունը:

Արցախի հերոս, գեներալ-լէյտենանտ Արշաւիր Ղարամեանը ֆէյսբուքեան էջում շնորհաւորել է բոլորին Հայոց պետականութեան վերածննդի խորհրդանիշը դարձած, Հայաստանի Առաջին Հանրապետութեան օրւայ առթիւ եւ աւելացրել. «Առաջին անգամ մեր նորօրեայ անկախութեան ընթացքում Արցախը պաշտօնապէս չի մասնակցում ՀՀ-ում տեղի ունեցող տօնական միջոցառումներին»։

Յ.Գ. 1. Պաշտօնապէս չի մասնակցում, այսինքն՝ պաշտօնական հրաւէր չի եղել: Հասկացա՞ք:

Յ.Գ. 2. Տորոնտոյի ՀՅԴ-ի հանգանակութեամբ Սարդարապատում կանգնեցւած Արամ Մանուկեանի յուշարձանի բացմանը չեն հրաւիրել նաեւ ՀՅԴ ներկայացուցիչներին: Ասել են Վարչապետը իր ախրրանայով պէտք է բացի յուշարձանը եւ արտախորհրդարանական ուժերին հրաւէր չեն ուղարկել: Սա էլ հասկանանք եւ շարժւենք առաջ: Յուշարձանի հովանաւորը՝ պրն. Ջանբազեանը թանգարանում սպասել է, մինչեւ բացումը տեղի ունենայ, յետոյ մօտենայ իր նւիրատւութեամբ կանգնեցւած յուշարձանին:

Յ.Գ. 3. Արդար է ժողովուրդ ջան: Ամէն ինչ արդար է, սիրոյ եւ հանդուրժողականութեան մթնոլորտ է: Իսկական»:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։