Հա

Ազգային

01/06/2019 - 11:30

«Այսօրւայ քաղաքական մեծամասնութիւնը ոչ միայն չի յարգում, չի ընդունում փոքրամասնութեանը, այլեւ նպատակ ունի նրան ոչնչացնելու»․ Մուրադ Փափազեան

«Tert.am»-ը Հայ Յեղափոխական Դաշնակցութեան բիւրոյի անդամ Մուրադ Փափազեանի հետ (Ֆրանսիա) զրուցել է իրենց քաղաքական ուժի վերջերս անցկացրած հանրահաւաքի դրդապատճառների, հայաստանեան ներքաղաքական իրավիճակի մասին:

«alikonline.ir» - «Tert.am»-ը Հայ Յեղափոխական Դաշնակցութեան բիւրոյի անդամ Մուրադ Փափազեանի հետ (Ֆրանսիա) զրուցել է իրենց քաղաքական ուժի վերջերս անցկացրած հանրահաւաքի դրդապատճառների, հայաստանեան ներքաղաքական իրավիճակի մասին:

Ըստ նրա՝ ՀՅԴ գործիչ Հրանտ Մարգարեանի հետ տեղի ունեցած դէպքը փաստում է, որ դժբախտաբար, որոշ չափով այսօրւայ քաղաքական մեծամասնութիւնը ոչ միայն չի յարգում, ոչ միայն չի ընդունում փոքրամասնութեանը, այլ նաեւ նպատակ ունի նրան ոչնչացնելու:

 

- Պարոն Փափազեան, նախորդ շաբաթ Հայ յեղափոխական դաշնակցութիւնը հանրահաւաք է կազմակերպել Ազատութեան հրապարակում: Ամբիոնից հնչող քննադատութիւններից զատ՝ կուսակցութիւնը «դեղին քարտ» ցոյց տւեց այսօրւայ իշխանութիւններին: Հետաքրքիր է՝ սփիւռքի դաշնակցական գործիչները համաձա՞յն էին հայաստանեան իրենց կուսակիցների հնչեցրած մտքերի հետ, ի՞նչն է Ձեզ դրսում անհանգստացնում:

- «Դաշնակցութիւնը» մէկ կուսակցութիւն է, սակայն չի բացառւում, որ տարբեր հարցերի շուրջ անհամաձայնութիւններ արտայայտւեն: «Դաշնակցութեան» ներսում բոլորն ունեն առիթներ տարբերութիւններ արտայայտելու եւ նաեւ վիճելու համար: Բայց երբ որոշում է լինում, այն դառնում է բոլորինը, այն բոլորը պաշտպանում են: Ինչ վերաբերում է  Ազատութեան հրապարակում կազմակերպւած ցոյցին, ապա Հայաստանի գերագոյն մարմնի որոշումն է, որ բոլորը ոչ միայն կիսում են, այլ նաեւ զօրակցում:

 

- «Դաշնակցութեան» կազմակերպածն առաջին մեծ հանրահաւաքն էր իշխանափոխութիւնից յետոյ, որը կազմակերպւել է արտախորհրդարանական ուժի կողմից: Արդեօ՞ք դժգոհութիւնն արտայայտելու հանրահաւաքային տարբերակը պարբերական բնոյթ է կրելու, ինչպիսի՞ն է լինելու «Դաշնակցութեան» ակտիւթիւնը հայաստանեան քաղաքական դաշտում:

- «Դաշնակցութիւնը» արտախորհրդարանական ուժ է, պարզապէս ժողովուրդը իրեն բաւական քւէ չտւեց, որ իր թեկնածուները անցնէին Ազգային ժողով: Իսկ ժողովուրդը միշտ դրա իրաւունքը ունի, պէտք է ընդունել ժողովրդի որոշումը եւ ընդունել նրա պատգամը, պէտք է նաեւ դասեր քաղել: «Դաշնակցութիւնը» խելացի կուսակցութիւն է եւ միշտ իր միջոցները դրել է հայ ժողովրդի տրամադրութեան տակ:

Իր որոշումներն ընդունւած են միշտ հայ ժողովրդի շահերը պաշտպանելու համար: Շատ եմ ցաւում, որ «Դաշնակցութիւնը» չկարողացաւ համոզել Հայաստանի ժողովրդին, որ ինքը լաւագոյն ուժն է երկիրը ղեկավարելու համար: Համոզւած եմ, որ կը գայ օրը, եւ «Դաշնակցութեանը» կը յաջողի ժողովրդի վստահութիւնը շահել:

«Դաշնակցութիւնն» այսօր համոզւած է, որ  մի շարք հարցերի շուրջ իշխանութիւնները սխալ ճամփայ են ընտրել թէ՛ սոցիալ-տնտեսական հարցերը լուծելու համար, թէ՛ Սահմանադրութիւն չյարգելով, թէ Արցախի մէջ ներկայ միասնական մթնոլորտը վտանգելով:

«Դաշնակցութեան» համար փողոց դուրս գալը միջոցներից մէկն է ժողովրդի հետ կապ ստեղծելու համար: Շատ կարեւոր է ընդդիմութեան կոնցեպտը ընդունել եւ քաջալերել:

 

- Ի՞նչ տպաւորութիւն ստացաք Դուք այդ հանրահաւաքից՝ արդեօք կա՞ն մտահոգութիւններ տիրող իրավիճակի հետ կապւած: Նկատելի՞ է հասարակութեան շրջանում աջակցութիւն Ձեր ուժին:

- Գիտէք, այսօրւայ քաղաքական եւ սոցիալական մթնոլորտը շատ վտանգաւոր է երկրի ապագայի համար: Հրանտ Մարգարեանի հետ տեղի ունեցած դէպքը փաստում է, որ դժբախտաբար, որոշ չափով այսօրւայ քաղաքական մեծամասնութիւնը ոչ միայն չի յարգում, ոչ միայն չի ընդունում փոքրամասնութեանը, այլ նաեւ՝ նպատակ ունի նրան ոչնչացնելու: Ժողովրդավարական երկրներում մեծամասնութիւնը փոքրամասնութիւն է դառնում  եւ հակառակը: Այդ իրականութիւնը պէտք է քաջալերել եւ կոչ անել այսօրւայ իշխանութիւններին, որ յստակ ձեւով դատապարտեն այդպիսի խուլիգանական դէպքերը, որոնք հակասում են ժողովրդավարութեանը:

 

- «Իմ քայլի» պատգամաւորներից նկատել էին, որ «Դաշնակցութիւնը» վերջին 20 տարիների ընթացքում ունեցել է հնարաւորութիւն ոչ միայն մէկ, այլ մի քանի դեղին, կարմիր քարտեր ցոյց տալու իշխանութիւններին: Ի՞նչ կարծիք ունէք Ձեզ ուղղւած նման քննադատութիւնների վերաբերեալ: Կարծում էք՝ Ձեր քննադատութիւնները հաշւի կառնւե՞ն այսօրւայ իշխանութիւնների կողմից:

- Կարիքը կայ այսօր լաւ գնահատել 1991 թ․ ի վեր Հայաստանի քաղաքական կեանքի պատմութիւնը եւ եզրակացութեան գալ, որ «Դաշնակցութիւնը» երբեք համաձայնության չի եկել Լեւոն Տէր-Պետրոսեանի դիրքորոշումների հետ: Հետեւանքն այն է, որ «Դաշնակցութիւնը» ծանր վճարեց դրա համար․ իր այն օրւայ ներկայացուցիչները՝ Հրայր Մարուխեանն արտաքսւեց Լեւոն Տէր-Պետրոսեանի կողմից, կուսակցութեան գործունէութիւնն արգելւեց, իսկ ղեկավարութիւնը բանտարկւեց:

«Դաշնակցութեանը» երբեք չի բաւարարւել Ռոբերտ Քոչարեանի քաղաքականութիւնը, յաճախ ձայն է բարձրացրել՝ իր տարաձայնութիւնները ցոյց տալով:

Եւ վերջապէս Սերժ Սարգսեանի իշխանութեան 10 տարւայ ընթացքում միայն երկու տարի է մաս կազմել կոալիցիայի՝ յոյս ունենալով, որ ներսից կարող է փոփոխութիւններ պարտադրել:

Նաեւ Նիկոլ Փաշինեանի առաջին կառավարութեանը մաս կազմեց նոյն լոգիկայով, որ կարելի կը լինի իր քաղաքականութիւնն առաջարկել ներսում:  Շատ կարեւոր է, որ այսօր պատմաբանները լուրջ աշխատանք տանեն, որպէսզի իրականութիւնը հաշւի առնւի, այլ ոչ թէ «ֆէյք քաղաքականութիւնը»:

Այսօր պէտք է դասեր քաղենք եւ ընդունենք բոլորս, որ պէտք չէ մասնակցել որեւէ կառավարութեան, որի մէջ «Դաշնակցութիւնը» չունենայ որոշելու իրաւունք: Այլ խօսքով՝ կամ ժողովուրդը կը տայ «Դաշնակցութեանը» կառավարելու իրաւունք, եւ այդ ժամանակ քաղաքական ուժը բոլոր պատասխանատւութիւնները կը վերցնի իր վրայ, կամ պէտք է մնայ ընդդիմութեան մէջ: Միշտ պէտք է յարգել ժողովրդի որոշումը: Բայց դա չի նշանակում, որ նոյնիսկ եթէ ընդդիմութեան մէջ կը գտնւենք ժողովրդի կամքով, կառավարութեանը յաջողութիւն չենք մաղթի: Բայց հիմա լաւատես չենք:

 

- Նիկոլ Փաշինեանի վերջին յայտարարութիւններից ամենաշատ քննարկւողները Արցախում հակայեղափոխականներ ու դաւադիր ուժեր փնտրելու մասին էին: Դուք ի՞նչ կարծիք ունէք այդ յայտարարութիւնների վերաբերեալ․ արդեօք Նիկոլ Փաշինեանը կարո՞ղ էր նկատի ունենալ նաեւ «Դաշնակցութեանը»:

- «Դաշնակցութիւնը» ներդրել է իր բոլոր ուժերը, բոլոր իր միջոցները, իր ջանքերը՝  Արցախի ազատագրական պայքարի համար:  Ամբողջ ազգը գիտակցում է, որ «Դաշնակցութեան» համար Արցախը առաջնահերթութիւն է եւ ոչ միայն խօսքով, այլ նաեւ գործով: Նիկոլ Փաշինեանն է մի քանի անգամ արտաքին ճակատում յստակ բառերով գնահատել «Դաշնակցութեան» անուրանալի աշխատանքը ի նպաստ թէ՛ Արցախի, թէ՛ Հայաստանի եւ թէ՛ սփիւռքի մէջ:

Մեզ համար գոյութիւն չունեն հակայեղափոխական եւ դաւադիր ուժեր: Ժամանակը եկաւ, որ տիրի համերաշխութեան եւ միասնական լուրջ մթնոլորտ: Մեր ազգը պէտք է զարգանայ՝ ժողովրդավարական մթնոլորտի մէջ՝ ընդունելով ազատութիւններ եւ բազմակարծիք իրականութիւններ: Միասին կամ կը յաջողենք, կամ կը պարտւենք:

Յարակից լուրեր

  • Կանոնաւոր բանակն անկախութեան երթը դարձրեց անշրջելի. ՀՅԴ Հայաստանի ԳՄ շնորհաւորական ուղերձը Բանակի օրւայ առիթով
    Կանոնաւոր բանակն անկախութեան երթը դարձրեց անշրջելի. ՀՅԴ Հայաստանի ԳՄ շնորհաւորական ուղերձը Բանակի օրւայ առիթով

    ՀՀ Զինւած ուժերի կազմաւորումը հայ ժողովրդի պատմութեան շրջադարձային էջերից մէկն է, հայոց նորանկախ երկու Հանրապետութիւնների սահմանների անվտանգութեան ապահովման եւ հետագայ վերելքի առանցքային գրաւականը: Անցնելով կազմաւորման մի քանի փուլեր՝ Զինւած ուժերը կրել են այն նոյն դժւարութիւնները եւ անցել այն նոյն փորձութիւններով, որոնք ապրել եւ յաղթահարել է հայ ժողովուրդը՝ վերջին երեսնամեակում:

  • ՀՅԴ նախընտրական ծրագրի հիմնադրոյթները
    ՀՅԴ նախընտրական ծրագրի հիմնադրոյթները

    «Ապառաժ»-ը ՀՅԴ Արցախի ԿԿ անդամ, ԱՀ ԱԺ փոխնախագահ Վահրամ Բալայեանի հետ զրուցել է դեռեւս մշակման փուլում գտնւող ՀՅԴ նախընտրական ծրագրային հիմնական դրոյթների, արդէն կատարւած աշխատանքների եւ առաջնահերթ լուծում պայանջող խնդիրների մասին ՀՅԴ պատկերացումների շուրջ:

  • Երկխօսութեան, համագործակցութեան եւ Սփիւռքի հետ յարաբերութեան մասին
    Երկխօսութեան, համագործակցութեան եւ Սփիւռքի հետ յարաբերութեան մասին

    Երբ 1992-ին օրին ՀՅԴ Բիւրոյի ներկայացուցիչ Հրայր Մարուխեան անարդարօրէն եւ վատաբար Հայաստանէն վտարուեցաւ ՀՀ նախագահ Լեւոն Տէր-Պետրոսեանի կողմէ, իր հրապարակային առաջին ելոյթին ընթացքին Դաշնակցութեան ղեկավարը, հակառակ ամէն ինչի, յայտարարեց որ կուսակցութիւնը իր ձեռքը երկարած կը պահէ հայրենի իշխանութիւններուն եւ պատրաստ կը մնայ համագործակցութեան:

  • «Փաշինենաի ասուլիսը փաստեց, որ քաղաքական դաշտում ՀՅԴ-ի մասնատմանը հաւատացող երկու անձ է մնացել». Վահէ Սարգսեան
    «Փաշինենաի ասուլիսը փաստեց, որ քաղաքական դաշտում ՀՅԴ-ի մասնատմանը հաւատացող երկու անձ է մնացել». Վահէ Սարգսեան

    Yerkir.am-ի գլխաւոր խմբագիր Վահէ Սարգսեանն իր ֆէյսբուքեան էջում անդրադարձել է դաշնակցութեան մասին 1in.am կայքի լրագրողի հարցադրմանը, եւ ՀՀ վարչապետ Նիկոլ Փաշինեանի պատասխանին:

  • Վարչապետին հերթական սպառնալիքը Հ. Յ. Դաշնակցութեան դէմ
    Վարչապետին հերթական սպառնալիքը Հ. Յ. Դաշնակցութեան դէմ

    Յախճապակեայ դղեակին մէջ ապաստանած, ՀՀ վարչապետ Նիկոլ Փաշինեան չի տեսներ կամ չ՚ուզեր ընդունիլ իրականութիւնը Հայ Յեղափոխական Դաշնակցութեան մասին։ Կապանի մէջ իր այսօրուան ասուլիսի ընթացքին, ան դարձեալ ապացուցեց թէ կտրուած է այս իրականութենէն։ Ան կրկին անգամ յայտնեց իր այն «ցանկալի մտածողութիւնը» (wishful thinking), թէ «եթէ կայ հակադրութիւն, ապա Դաշնակցութեան այն (այսինքն՝ Հայաստանեան) հատուածի եւ կառավարութեան միջեւ է»:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։