Հա

Ազգային

23/06/2019 - 11:00

Սփիւռքը կարգաւորելու յաւակնոտները

Դաշնակցական մտաւորական, հրապարակախօս եւ հրապարակագիր Սեդօ Պոյաճեանն իր ֆէյսբուքեան էջում գրել է.

«alikonline.ir» - Դաշնակցական մտաւորական, հրապարակախօս եւ հրապարակագիր Սեդօ Պոյաճեանն իր ֆէյսբուքեան էջում գրել է.

«Տակաւին 1920-ական թուականներէն սկսեալ պարտադրաբար Սփիւռքի վերածուած հայութիւնը հայօրէն գոյատեւելու եւ սեփական ինքնութիւնը պահպանելու կրկնակ պարտաւորութիւններուն յանձնառու եղաւ եւ կը շարունակէ ըլլալ։

Այդ յանձնառութիւնը ունէր եւ ունի յստակ նպատակ ու առաքելութիւն՝ գոյատեւել Հայաստանի հետ եւ Հայաստանի համար, պայքարիլ իրաւազրկումին դէմ նուաճելու համար արդարութիւնը, որպէսզի հայրենիքը դառնայ ամբողջական եւ հայրենացուի հայութիւնը ամբողջապէս։

Արդ, կազմակերպուեցան Սփիւռքեան գաղթօճախները։ Ամրապնդուեցան ներքնապէս, որպէսզի մեր նպատակն ու առաքելութիւնը մնան անաղարտ ու կիրարկելի։

Մեր նպատակն ու առաքելութիւնը ընդունելի չեղաւ եւ կը շարունակէ չըլլալ որոշ քաղաքական ուժերու, որոնք կը յաւակնին իրենց սեփական շահերէն մղուած իրենց թիւր եկած աշխարհակարգը պարտադրել։

Սփիւռքը, իր կազմակերպութիւններով եւ հայորդիներով, մնաց ու կը մնայ հայօրէն անդրդուելի եւ հայօրէն պահանջատէր։

Այսօր Սփիւռքի հայեցիութիւնը, պահանջատիրութիւնը եւ կազմակերպ ուժականութիւնը թիրախ են որոշ կայսերապաշտ ու ծաւալապաշտ ուժերու։

Հայրենական կեանքի մէջ ցաւալին այսօր այն է, որ Սփիւռքի գոյութեան, նպատակին, առաքելութեան եւ կազմակերպական ուժին մասին անգիտակ մարդիկ ազգային քաղաքական բեմ կը բարձրացուին՝ Սփիւռքը կարգաւորելու յաւակնութեամբ։

Վտանգաւոր է այս յաւակնութիւնը եւ յաւակնոտութիւնը... »:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։