Հա

Ազգային

27/06/2019 - 12:20

Գործադիր իշխանութիւնը չպէտք է ճնշում գործադրի դատական իշխանութեան վրայ

Հայ Յեղափոխական Դաշնակցութեան Գերագոյն մարմնի անդամ Արծւիկ Մինասեանը, «Առաջին լրատւական»-ի հետ զրոյցում անդրադառնալով երկրորդ նախագահ Ռոբերտ Քոչարեանին կալանաւորելու յունիսի 25-ի որոշմանը, նշեց. «Ցաւօք, մեր վատագոյն կանխատեսումները, մեծ հաշւով, իրականութիւն են դառնում։ Դիտարկելով հարցը բացառապէս միայն իրաւունքի տեսակէտից՝ կարող ենք արձանագրւել, որ բազմաթիւ խախտումներ արդէն փաստւած են։ Սա վկայում է այն մասին, որ գործն անխոցելի չէ»։

«alikonline.ir» - Հայ Յեղափոխական Դաշնակցութեան Գերագոյն մարմնի անդամ Արծւիկ Մինասեանը, «Առաջին լրատւական»-ի հետ զրոյցում անդրադառնալով երկրորդ նախագահ Ռոբերտ Քոչարեանին կալանաւորելու յունիսի 25-ի որոշմանը, նշեց. «Ցաւօք, մեր վատագոյն կանխատեսումները, մեծ հաշւով, իրականութիւն են դառնում։ Դիտարկելով հարցը բացառապէս միայն իրաւունքի տեսակէտից՝ կարող ենք արձանագրւել, որ բազմաթիւ խախտումներ արդէն փաստւած են։ Սա վկայում է այն մասին, որ գործն անխոցելի չէ»։

Ըստ Մինասեանի՝ մեղադրանքի ծաւալն ու յօդւածները բաւարար հիմնաւորւած չեն. «Սա նշանակում է, որ կասկածն ու հասարակութեան մէջ ընդվզումները շարունակւելու են։ Այն, ինչ տեղի է ունենում խափանման միջոցի հարցում՝ նոյնպէս տարակուսանքի տեղիք է տալիս»։

Մեր զրուցակիցը շեշտեց՝ սա մի գործ է, որ խախտում է բազմաթիւ իրաւական նորմեր, եւ նաեւ քաղաքական օրակարգում ձեւաւորւում է սեւերի ու սպիտակների արատաւոր երեւոյթը. «Այս երեւոյթը սկսւեց փողոցից, երբ փողոցը սկսում է ճնշել արդարադատութեան համակարգին, գործող իշխանութիւնն էլ տուրք է տալիս փողոցին՝ մշտապէս դժգոհութիւն է լինելու։ Գործադիր իշխանութիւնը որեւէ կերպով չպէտք է ճնշում գործադրի դատական իշխանութեան վրայ»։

Այս պահին, ըստ Արծւիկ Մինասեանի, նման ճնշում առկայ է։

Ինչ վերաբերում է Քոչարեանի հետ համագործակցութեան հնարաւորութեանը, նրա հետ ընդդիմադիր բեւեռ ձեւաւորելուն, Արծւիկ Մինասեանն ասաց, որ իրենք իրենց օրակարգն ունեն. «Որեւէ մէկի օրակարգով շարժւելու ձգտում չունենք»։

Միեւնոյն ժամանակ մեր զրուցակիցը չբացառեց իրավիճակային տարբեր հարցերի շուրջ գործակցութիւնը։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։