Հա

Ազգային

08/07/2019 - 14:40

ՀՅԴ Արցախի կազմակերպութեան շրջանային ժողովի յայտարարութիւնը

ՀՅ Դաշնակցութեան Արցախի կազմակերպութեան բարձրագոյն ժողովը, քննելով եւ վերլուծելով Արցախում տիրող կացութիւնը եւ առաջիկայ ՏԻՄ, նախագահական եւ խորհրդարանական ընտրութիւններում Դաշնակցութեան դիրքորոշումները, արձանգրելով, որ որոշ քաղաքական ուժերի եւ առանձին գործիչների կողմից վաղաժամկէտ սկսած նախագահական ընտրութիւնների նախապատրաստման գործընթացը եւ սահմանադրական իրաւակարգաւորումներին հակասող փաստացի քարոզարշաւը հասարակութեան ծայրաստիճան բեւեռացման պատճառ է դարձել, ինչին նպաստել է նաեւ իշխանութեան կողմից երկրում արմատական բարեփոխումների գործընթացի անհետեւողականութիւնը.

ՀՅ Դաշնակցութեան Արցախի կազմակերպութեան բարձրագոյն ժողովը, քննելով եւ վերլուծելով Արցախում տիրող կացութիւնը եւ առաջիկայ ՏԻՄ, նախագահական եւ խորհրդարանական ընտրութիւններում Դաշնակցութեան դիրքորոշումները, արձանգրելով, որ որոշ քաղաքական ուժերի եւ առանձին գործիչների կողմից վաղաժամկէտ սկսած նախագահական ընտրութիւնների նախապատրաստման գործընթացը եւ սահմանադրական իրաւակարգաւորումներին հակասող փաստացի քարոզարշաւը հասարակութեան ծայրաստիճան բեւեռացման պատճառ է դարձել, ինչին նպաստել է նաեւ իշխանութեան կողմից երկրում արմատական բարեփոխումների գործընթացի անհետեւողականութիւնը.

Հաշւի առնելով, որ.

- Հայաստանի Հանրապետութեան իշխանութիւնների հետ յարաբերութիւններում առաջացած մտահոգիչ լարւածութիւնը,

- Բանակցային գործընթացում առկայ մարտահրաւէրներն ու վտանգները եւ այդ առումով Արցախի սուբիեկտայնութեան բարձրացման հրամայականը,

- Արցախի հիմնախնդրի համահայկական նշանակութիւնը հայ ժողովրդի պահանջատիրութեան եւ նպատակների իրականացման գործում,

Հաստատում է, որ՝

- Նոր սահմանադրական կարգով իրականացւող առաջին համապետական ընտրութիւնները վճռորոշ դեր են ունենալու Արցախի Հանրապետութեան ներքին կեանքում եւ արտաքին յարաբերութիւններում,

- Ընտրութիւնները պէտք է մէկ անգամ եւս վերահաստատեն էլ աւելի հզօրացւած, աւելի ժողովրդավարական եւ սոցիալական պետութիւն կառուցելու ժողովրդի կամքը,

- Քաղաքական որեւէ գործընթաց չպէտք է խաթարի ժողովրդի միասնականութիւնը:

ՀՅԴ Արցախի կազմակերպութեան Շրջանային ժողովը համոզւած է, որ Արցախի առաջընթացի երաշխիքը ազատ, արդար եւ թափանցիկ ընտրութիւնների արդիւնքում ազգային օրակարգով առաջնորդւող իշխանութեան ձեւաւորումն է:

 

Այդպիսի օրակարգով առաջնորդւող իշխանութեան պետական ուղեգիծը պէտք է հիմնւած լինի «Զարգանալ՝ չզիջելով» գաղափարի վրայ, ապահովելով.

- Արցախի Հանրապետութեան Սահմանադրութեամբ ամրագրւած տարածքային ամբողջականութեան վերականգնումը,

- Հայաստան-Արցախ ռազմավարական դաշինքի՝ իրաւապայմանագրային հիմքի վրայ ամրապնդումը,

- Սոցիալական արդարութեան, մարդու իրաւունքների պահպանութեան եւ օրէնքի գերակայութեան վրայ հիմնւած ներազգային համերաշխութեան ապահովումը,

- Զսպումների եւ հակակշիռների մեխանիզմների ներդրմամբ պետական համակարգի հաւասարակշռման, անմիջական ժողովրդավարութեան ընդլայնմանն ու ամրապնդմանն ուղղւած՝ Արցախի Հանրապետութեան նոր Սահմանադրութեան ընդունումը,

- Վերաբնակեցման համակարգւած, լայնածաւալ ու հետեւողական իրականացումը:

 

Քննելով առաջիկայ համապետական ընտրութիւնների հարցը՝ ՀՅԴ Արցախի կազմակերպութեան բարձրագոյն ժողովը որոշեց.

- Մասնակցել ԱՀ նախագահական եւ խորհրդարանական ընտրութիւններին,

- Յանձնարարել նորընտիր Կենտրոնական կոմիտէին՝ բազմակողմանի բանակցութիւններ սկսել ազգային միասնական օրակարգի հիման վրայ նախագահի համաձայնեցւած թեկնածու առաջադրելու շուրջ,

- Բանակցութիւնների արդիւնքների հիման վրայ աշնանը հրաւիրել Արտակարգ ժողով՝ ՀՅ Դաշնակցութեան կողմից ԱՀ նախագահի թեկնածու առաջադրելու օրակարգով:

 

ՀՅԴ Արցախի կազմակերպութեան ՇԺ

07.07.2019 թ.

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։