Հա

Ազգային

29/07/2019 - 13:40

Արտագաղթն ու ներգաղթը մեր տան նժարին վրայ…

Կը կարդամ Արմինէ Աւետիսեանի յօդուածը խառն զգացումներով։ Հնդիկները այլևս համալսարանի ուսանողներ չեն միայն Երևանի մէջ։ Անոնք շահագրգռուած ներգաղթողներ են։ Անոնք կ՚ուզեն ապրիլ մեր երկրին մէջ։ Անոնք կը սիրեն մեր երկիրը։ Զայն կը նախընտրեն։ Կ՚ուզեն նոր արմատներ նետել հոն։ Աճիլ և բազմանալ։ Եւ 2017-էն ի վեր, Հայաստանի կառավարութիւնը հաստատած է վիզայի յատուկ ռեժիմ մը իրենց համար, որպէսզի դիւրացնէ իրենց մուտքը։

ԿԱՐՕ ԱՐՄԵՆԵԱՆ

 

Կը կարդամ Արմինէ Աւետիսեանի յօդուածը խառն զգացումներով։ Հնդիկները այլևս համալսարանի ուսանողներ չեն միայն Երևանի մէջ։ Անոնք շահագրգռուած ներգաղթողներ են։ Անոնք կ՚ուզեն ապրիլ մեր երկրին մէջ։ Անոնք կը սիրեն մեր երկիրը։ Զայն կը նախընտրեն։ Կ՚ուզեն նոր արմատներ նետել հոն։ Աճիլ և բազմանալ։ Եւ 2017-էն ի վեր, Հայաստանի կառավարութիւնը հաստատած է վիզայի յատուկ ռեժիմ մը իրենց համար, որպէսզի դիւրացնէ իրենց մուտքը։

Յօդուածագիրը կ՚ըսէ, թէ անցեալ տարուան մօտ 1.500 հոգիին դիմաց այս տարուան ներհոսքը արդէն մօտ 9.000 հոգի կը ներկայացնէ։

Այս տողերը կը գրեմ ըսելու համար հետևեալը։ Օտարազգիներու գաղթը դէպի Հայաստան դիւրաւ կուլ գացող երևոյթ մը չէ Սփիւռքի հայուն համար հակառակ այն իրողութեան, որ ամէն սփիւռքահայ փաստօրէն կը վայելէ օտար երկրի մը (կամ երկիրներու) ասպնջականութիւնը… Մենք մտահոգ ենք մեր երկրի լինելիութեան (viability) հարցերով։ Մենք մտահոգ ենք մեր հայրենակիցներու ծաւալուն արտագաղթով, որ լայնօրէն հետևանքն է մեր երկրի տնտեսութենէն ներս ամրացած մենաշնորհային համակարգին։ Մենք մտահոգ ենք մեր ժողովուրդի համատարած աղքատութեամբ։ Մենք մտահոգ ենք մեր երկրի պաշտպանական ոլորտի լուրջ բացերով։ Օտարազգիներու աճող գաղթը մեզ կ՚անհանգստացնէ բոլոր այս կնճիռներու բարդ փոխազդեցութեամբ։

Իմ ասպարէզի բերումով, ես մօտէն շփուած եմ հնդիկներու հետ։ Ունեցած եմ գործընկերներ և ունիմ ազնուասիրտ բարեկամներ։ Կը սիրեմ հնդիկ մշակոյթը։ Մեծ յափշտակութեամբ ուսումնասիրած եմ Կանտիի շարժումը։ Իմ երիտասարդութեան իտէալը եղած է Ժաւահարլալ Նեհրուն։ Բայց չեմ դադրիր անհանգստութեամբ նայելէ հնդկական այս գաղթին վրայ։

Եւ այստեղ պիտի խոստովանինք, որ այս անհանգստութիւնը կը բխի ոչ այնքան ներգաղթող օտարազգիներու հանդէպ խտրականութեան զգացումէ, այլ մեր երկրի լինելիութեան բացերէն։ Ըլլանք անկեղծ մէկզմէկու հետ և խօսինք բաց բնագրով։ Առայժմ մենք այն երկիրը չենք, որ կարենայ հանգիստ սրտով և մանաւանդ հանգիստ խղճով իր դռները լայնօրէն բանալ օտարազգիներու գաղթին առջև։ Եւ կը խնդրեմ ինծի խնայեցէք բարոյականի դասերը։ Չկայ երկիր աշխարհի մէջ, որ չունենայ ներգաղթի իր յատուկ քաղաքականութիւնը հիմնուած իր ազգային նեղ շահերու փաթեթին վրայ։ Մենք անհանգիստ ենք, քանի որ յստակ չէ, թէ ի՞նչ է Հայաստանի Հանրապետութեան ազգային քաղաքականութիւնը օտարազգիներու ներգաղթի հաշուարկուած համեմատութիւններուն մասին։

Ներգաղթի երևոյթը կարելի չէ կառավարել առանց համապարփակ քաղաքականութեան։ Ընդամէնը երեք միլիոն հաշուող բնակչութեամբ, որուն վերարտադրական տոկոսները լրջօրէն խնդրայարոյց կը մնան (վերոյիշեալ բոլոր գործօններով) և որ կը դիմագրաւէ Թուրքիոյ և Ազրպէյճանի մեծ սպառնալիքները, մեր երկիրը պիտի անպայման հաշուի նստի ներգաղթի իրականութեան հետ և խստօրէն մանրակառավարէ (micro-manage) իր կեանքի այս կնճռոտ ոլորտը։

Այստեղ խտրականութեան և ցեղապաշտութեան նկատումներ չկան։ Այստեղ մակերեսային ժողովրդավարութեան լոզունգներուն համար տեղ չկայ։ Աշխարհակարգը այնպիսին չէ, որ մարդ արարածը ունենայ տիեզերական անօտարելի իրաւունք իր ուզած երկրին մէջ անկաշկանդ հաստատուելու։ Հայաստանը՝ ի՛նք պիտի որոշէ, թէ որոնք են իր տրամաբանական սահմանները այս հարցին մէջ։

Պիտի փափաքէի, որ այս խնդիրը քննարկուէր լայն մասնակցութեամբ։ Կը հրաւիրեմ բոլորդ ձեր դատողութիւնը փոխանցելու։ Կանխայայտ շնորհակալութեամբ:

28 յուլիս, 2019

Յարակից լուրեր

  • Յայտնիները միացել են «ՁԱ՛ՅՆ ՏՈՒՐ» արշաւին․ նպատակն է ընտրութիւններին ընդառաջ հանրութեանն իրազեկել ընտրական իրաւունքի եւ ընտրութիւններին քաղաքացիների մասնակցութեան կարեւորութեան մասին
    Յայտնիները միացել են «ՁԱ՛ՅՆ ՏՈՒՐ» արշաւին․ նպատակն է ընտրութիւններին ընդառաջ հանրութեանն իրազեկել ընտրական իրաւունքի եւ ընտրութիւններին քաղաքացիների մասնակցութեան կարեւորութեան մասին

    «Ալիբի իրաւապաշտպան» հասարակական կազմակերպութեան կողմից յունիսի 7-ին մեկնարկել է «ՁԱ՛ՅՆ ՏՈՒՐ» արշաւը, որին միացել են մի շարք յայտնիներ, որոնց թւում են՝  Հայաստանի Հանրապետութեան ազգային հերոս, դիրիժոր Յովհաննէս Չեքիջեանը, Հայաստանի պետական սիմֆոնիկ նւագախմբի գեղարւեստական ղեկավար, գլխաւոր դիրիժոր Սերգէյ Սմբատեանը, Մարդու իրաւունքների եւրոպական դատարանի նախկին դատաւոր Ալւինա Գիւլումեանը, Գերաշնորհ Տ. Միքայէլ Արքեպիսկոպոս Աջապահեանը եւ այլոք։

  • «Փաշինեանի բանակցային ստերը, կամ ինչպէ՞ս հասանք պատերազմի»․ «168 ժամ»
    «Փաշինեանի բանակցային ստերը, կամ ինչպէ՞ս հասանք պատերազմի»․ «168 ժամ»

    «Հայաստանում ընթացող ամենալարւած եւ պետութեան համար ճակատագրական նախընտրական քարոզարշաւի առաջին փուլում ՀՀ երրորդ նախագահ Սերժ Սարգսեանի գաղտնազերծած ձայնագրութիւնը Նիկոլ Փաշինեանին կրկին գցել է իր ստացած բանակցային ժառանգութիւնը քննադատելու եւ իր վարած ղարաբաղեան քաղաքականութիւնը մաքրագրելու արատաւոր շղթայի մէջ:

  • ՀՅԴ Գանատայի Կեդրոնական Կոմիտէի կոչը
    ՀՅԴ Գանատայի Կեդրոնական Կոմիտէի կոչը

    Հայաստանի մէջ Յունիս 20-ին կայանալիք արտահերթ խորհրդարանական ընտրութիւններուն սեմին, Հայ Յեղափոխական Դաշնակցութեան Գանատայի կառոյցը իր անվերապահ զօրակցութիւնը կը յայտնէ «Հայաստան» դաշինքին։

  • Իլհամ Ալիեւի մղձաւանջը
    Իլհամ Ալիեւի մղձաւանջը

    Այսօր անգամ մը եւս կ՚անդրադառնանք, թէ ինչպիսի՜անասելի նուէր մըն է, որ ըրած է թշնամիին Նիկոլ Փաշինեանի պարտութեան վարչակարգը սնուցանելով Ալիեւի հիւանդկախ երեւակայութիւնը։ Եւ ինչպիսի՜ աններելի առաւելութիւն մը զիջած ենք թշնամիին մենք՝ ՀՀ քաղաքացիներս 44-օրեայ պատերազմի վաղորդայնին լքելով մեր անկախ պետականութեան սանձերը եւ արտօնելով, որ Փաշինեան խլէ այդ սանձերը եւ իր աւերը շարուանակէ գործել անպատիժ։ Եւ ամէն օր աւելի նուաստացնել մեզ եւ մեր երկիրը Ալիեւի լկտի գոռոզամտութեան առջեւ։ 

  • Լոնդոնի ՀՅԴ կոմիտէ․ Մեր խօսքը
    Լոնդոնի ՀՅԴ կոմիտէ․ Մեր խօսքը

    Հետեւողականօրէն եւ ուշադրութեամբ հետեւում ենք Հայաստանի քաղաքական զարգացումնրի ընթացքին եւ արտակարգ ընտրութիւնների քարոզարշաւին: Դժւար է պատկերացնել՝ յատկապէս երբ ամբողջ կեանքդ ապրել ես սփիւռքում, թէ ինչպէ՞ս եւ ինչո՞ւ պատերազմի եւ պարտութեան խորհրդանիշ համարւող վարչապետի հրաժարականի եւ հեռացման պահանջով սկսած Հայրենիքի փրկութեան շարժումին չմիացաւ ժողովուրդի հոծ բազմութիւն, որպէսզի կերտէին անցումային կառավարութիւն եւ մէկ տարւայ ժամանակշրջանում կազմակերպէին ընտրութիւններ՝ առանց Նիկոլի:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։