Հա

Ազգային

08/08/2019 - 10:00

«Մեր վերջնական նպատակը Հայաստանի եւ Արցախի միաւորումն է». Իշխան Սաղաթելեան

«Այն, որ Արցախը Հայաստան է եւ վերջ, դա յայտնի ա։ Եւ մենք այդտեղ վերապահում չունենք։ Այո, Արցախը Հայաստան է եւ վերջ։ Մենք կիսում ենք այդ տեսակէտը»։ Այս մասին «Հրապարակ»-ի հետ զրոյցում ասաց ՀՅԴ Հայաստանի ԳՄ ներկայացուցիչ Իշխան Սաղաթելեանը։ 

«alikonline.ir» - «Այն, որ Արցախը Հայաստան է եւ վերջ, դա յայտնի ա։ Եւ մենք այդտեղ վերապահում չունենք։ Այո, Արցախը Հայաստան է եւ վերջ։ Մենք կիսում ենք այդ տեսակէտը»։ Այս մասին «Հրապարակ»-ի հետ զրոյցում ասաց ՀՅԴ Հայաստանի ԳՄ ներկայացուցիչ Իշխան Սաղաթելեանը։ 

Այդ հարցում հակառակ կարծիքի վերաբերեալ էլ ասաց, թէ վերջնական նպատակը Արցախի եւ Հայաստանի միաւորումն է․ «Ինչի՞, Հայաստանում կամ Արցախում այլ կարծիք կա՞յ, որ Հայաստանն ու Արցախը նոյնն են, այդ առումով ես հասկանում եմ այն վտանգները, որ կարող են ի յայտ գալ։ Դա նոր բան չէ հայ իրականութեան մէջ, այս առումով մենք հարց չունենք։ Իհարկէ, մեր վերջնական նպատակը Հայաստանի եւ Արցախի միաւորումն է»։

Խօսելով այն կարծիքի մասին, թէ հակասութիւն կայ Փաշինեանի ասածների մէջ, մի դէպքում ասում է, որ ինքը Արցախի անունից չի կարող բանակցել, միւս կողմից, որ Արցախը Հայաստան է, պատասխանեց․ «Փաշինեանի բոլոր ելոյթների մէջ հակասութիւններ կան, հիմա, եթէ խորանանք դրա մէջ, բազմաթիւ են իր ելոյթների հակասութիւնները։ Շատ կարեւոր է հասկանանք՝ արդեօք իր կիրակի օրւայ «լայւը», երբ ասում էր կատաստրոֆիկ ժառանգութիւն են ստացել ու հիմա ասում է՝ 50 տարի է պէտք վերականգնել էս ամէն ինչը։ Իրատեսական չէ, երբ առօրեայ խնդիրները չես կարողանում լուծել եւ խօսում ես՝ 50 տարի յետոյ ինչ է լինելու։ Նախ անմիջական հարցերը փորձիր լուծել, նոր խօսիր 50 տարի յետոյ։ Ընդհանրապէս լաւ է, երբ պետութիւնն ունի տեսլական, բայց դա յոյս չի ներշնչում, որովհետեւ իրենք իրենց առաջ դրած տարրական խնդիրները չեն կարողանում լուծել»։

Սաղաթելեանն անդրադարձաւ նաեւ Փաշինեանի ընդհանուր ելոյթին․ «Ինչ վերաբերում է բուն ելոյթին՝ ինչպիսի Հայաստան ենք ուզում ունենալ 50 տարի յետոյ, դա եւս լաւ է, որ վարչապետն ունի իր տեսլականը՝ 50 տարի յետոյ ինչ է լինելու, բայց մենք ունենք առօրեայ, հրատապ խնդիրներ, որոնք շարունակում են մնալ չլուծւած։ Երբ կառավարութիւնն իր առջեւ դրած տարրական խնդիրները չի կարողանում լուծել ու խօսում է՝ 50 տարի յետոյ ինչ է լինելու, դա մի քիչ անհասկանալի է եւ անտրամաբանական»։

 

Աննա Պապիկեան

Յարակից լուրեր

  • Հայաստանի իշխանութիւնների պարտքն է՝ օգնել այն լիբանանահայերին, որոնք կը ցանկանան գալ Հայաստան եւ բնակւել Հայաստանում
    Հայաստանի իշխանութիւնների պարտքն է՝ օգնել այն լիբանանահայերին, որոնք կը ցանկանան գալ Հայաստան եւ բնակւել Հայաստանում

    «Բարեւ tv»-ն զրուցել է ՀՅԴ Բիւրոյի ներկայացուցիչ Յակոբ Տէր-Խաչատուրեանի հետ։ ՀՅԴ Բիւրոյի ներկայացուցիչը խօսել է Լիբանանում միացեալ մարմնի ստեղծման մասին, որի նպատակն է ամբողջ աշխարհից ստացւող օժանդակութեան բաշխման աշխատանքների համակարգումը։ 

  • Եթէ հայերը լքեն Բէյրութը, ուր կը գնան, կամ պատրաստ է Հայաստանն ընդունել հայրենակիցներին
    Եթէ հայերը լքեն Բէյրութը, ուր կը գնան, կամ պատրաստ է Հայաստանն ընդունել հայրենակիցներին

    Բէյրութի Հայ մարմնամարզական միութեան կենտրոնական վարչութեան ատենապետ Միսաք Նաջարեանը Sputnik Արմենիայի եթերում անդրադարձել է Լիբանանի մայրաքաղաքում տեղի ունեցած պայթիւնի հետեւանքով հայկական համայնքի կրած մարդկային եւ նիւթական կորուստներին:

  • «Հայաստանում է գտնւում աշխարհի ամենահիասքանչ վանքերից մէկը». The Daily Beast
    «Հայաստանում է գտնւում աշխարհի ամենահիասքանչ վանքերից մէկը». The Daily Beast

    Մինչ այժմ դուք, անկասկած, գտել էք COVID-19-ի հետ կապւած տագնապը յաղթահարելու միջոց: Հնարաւոր է՝ դուք հանգստանում էք խորը շունչ քաշելով կամ պարզապէս թունդ խմիչք էք լցնում ձեզ: Ես սիրում եմ աչքերս փակել եւ պատկերացնել իմ ճանաչած ամենախաղաղ վայրերից մէկը՝ Հայաստանի լեռներում գտնւող Գեղարդի վանքը:

  • Թուրքորոշիչները՝ որպէս չափորոշիչ
    Թուրքորոշիչները՝ որպէս չափորոշիչ

    ՀՀ ԿԳՄՍ նախարարութեան կողմից հանրայնացւեց հանրակրթութեան պետական առարկայական չափորոշիչների եւ օրինակելի ծրագրերի նախագիծը, եւ բացայայտւած մի շարք իրողութիւնում կրկին երեւաց իշխանութիւնների կողմից ծրագրւած խորքային գործընթացների մի ողջ շղթայ։ Եւ, եթէ այլ պարագաներում խօսք կարող էր գնալ ապազգային, քայքայիչ ծրագրերի մասին՝ թելադրւած տեղական կամ օտար հակահայկական ուժերի կողմից, ապա չափորոշիչների պարագայում հետքերն ուղիղ տարան Թուրքիա։

  • Իրավիճակը չափազանց մտահոգիչ է
    Իրավիճակը չափազանց մտահոգիչ է

    ՀՅԴ Հայաստանի Գերագոյն մարմնի ներկայացուցիչ Իշխան Սաղաթելեանն իր ֆէյսբուքեան էջում գրում է․

    Բէյրութում տեղի ունեցած պայթիւնի հետեւանքով լրջօրէն վնասւել է հայաշատ Բուրջ Համուդ թաղամասը։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։