Հա

Ազգային

21/08/2019 - 12:50

ՀՅԴ Հայաստանի ԳՄ յայտարարութիւնը

Ամուլսարի շահագործման առնչութեամբ վերջին օրերին ծաւալւող հանրային լարւածութեան պատճառը գործող իշխանութիւնների հակասական յայտարարութիւններն են, չկշռադատւած գործողութիւնները, ինչպէս նաեւ խնդրի շուրջ հասարակութեան լայն շրջանակներում ձեւաւորւած մեծ սպասումներին համարժէք քայլերի բացակայութիւնը։ 

Ամուլսարի շահագործման առնչութեամբ վերջին օրերին ծաւալւող հանրային լարւածութեան պատճառը գործող իշխանութիւնների հակասական յայտարարութիւններն են, չկշռադատւած գործողութիւնները, ինչպէս նաեւ խնդրի շուրջ հասարակութեան լայն շրջանակներում ձեւաւորւած մեծ սպասումներին համարժէք քայլերի բացակայութիւնը։

Առաջնահերթութիւն համարելով ազգային եւ պետական շահը, հանրային համերաշխութիւնը, բնական պաշարների անվտանգ շահագործումը, շրջակայ միջավայրի կենսաբազմազանութեան պահպանումն ու երկրի կայուն զարգացումը՝

- ՀՅԴ Հայաստանի Գերագոյն մարմինը խիստ մտահոգիչ է համարում այն իրողութիւնը, որ հրապարակւած եզրակացութիւնները բաւարար համոզում և վստահութին չեն ներշնչում ինչպէս հանրային, այնպէս էլ մասնագիտական շրջանակներում։

- Իշխանութիւններին կոչ ենք անում հրապարակւած մասնագիտական եզրակացութիւնը չդիտարկել որպէս հանքի շահագործման վերջնական հիմնաւորում։

Կարեւորելով խնդրի հանրային հնչեղութիւնը, երկրի սոցիալ-տնտեսական եւ բնապահպանական հեռանկարի վրայ վերջինիս հնարաւոր լրջագոյն ազդեցութիւնն ու ռիսկերը, նպատակայարմար ենք գտնում՝

- հանրային եւ մասնագիտական լրացուցիչ քննարկումների արդիւնքում հասնել համոզիչ լուծումների,

- վերականգնել առողջ երկխօսութիւնը մասնագիտական փորձագիտական շրջանակների հետ,- հանրաքւէի ճանապարհով հասնել պետութեան շահերից բխող եւ հանրութեան կողմից ընդունելի որոշման։

 

ՀՅԴ Հայաստանի Գերագոյն մարմին

21 օգոստոսի 2019 թւական

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։