Հա

Ազգային

21/08/2019 - 14:20

«Ստեղծւած լարւածութեան պատճառը իշխանութիւնների հակասարական, չկշռադատւած գործողութիւններն են». Իշխան Սաղաթելեան

ՀՅԴ-ն գտնում է, որ Ամուլսարի հանքի շահագործման հարցի շուրջ ստեղծւած լարւածութեան պատճառը ՀՀ իշխանութիւնների հակասարական, չկշռադատւած գործողութիւններն են, որի արդիւնքում՝ հասարակութեան մօտ մեծ սպասումներ էին ձեւաւորւել եւ որն իրենք չկարողացան սպասարկել. Tert.am-ի հետ զրոյցում նման տեսակէտ յայտնեց ՀՅԴ Հայաստանի Գերագոյն մարմնի ներկայացուցիչ Իշխան Սաղաթելեանը: 

«alikonline.ir» - ՀՅԴ-ն գտնում է, որ Ամուլսարի հանքի շահագործման հարցի շուրջ ստեղծւած լարւածութեան պատճառը ՀՀ իշխանութիւնների հակասարական, չկշռադատւած գործողութիւններն են, որի արդիւնքում՝ հասարակութեան մօտ մեծ սպասումներ էին ձեւաւորւել եւ որն իրենք չկարողացան սպասարկել. Tert.am-ի հետ զրոյցում նման տեսակէտ յայտնեց ՀՅԴ Հայաստանի Գերագոյն մարմնի ներկայացուցիչ Իշխան Սաղաթելեանը: 

«Հարցի հանրային մեծ հնչեղութիւնը հաշւի առնելով՝ գտնում ենք, որ պէտք է լրացուցիչ ուսումնասիրութիւններ իրականացւեն, եւ հարցը լուծւի հանրաքւէի միջոցով: Բերւած փաստարկները համոզիչ չեն, պէտք է գնանք մասնագիտական խմբերի լրացուցիչ երկխօսութեան եւ հարցը լուծենք հանրաքւէի միջոցով. թող մեր ժողովուրդն ինքը որոշի՝ պէ՞տք է հանքի շահագործումը մեզ, թէ՞ ոչ»,- ասաց նա:

Սաղաթելեանը յիշեցրեց, որ իշխանութիւնները մշտապէս շեշտում են, որ ժողովուրդը պէտք է որոշի եւ ասի, թէ ինչ պէտք է մենք անենք: «Դէ թող ժողովուրդը որոշի, եթէ իրենք անկեղծ են: Այսինքն՝ ժողովրդին պէտք է համապատասխան փաստարկներ, հիմնաւորումներ, լրացուցիչ տեղեկութիւններ, որի արդիւնքում հանրաքւէ լինի եւ որոշեն, պէ՞տք է հանքի շահագործումը մեր պետութեանը, երկրին, թէ՞ ոչ»,- ասաց նա եւ յաւելեց, որ հանրաքւէն կարող է լինել ոչ թէ տեղային՝ շրջակայ համայնքների շրջանում, այլ համընդհանուր:

Հարցին, թէ ինչո՞ւ համոզիչ չեն բերւած հիմնաւորումները եւ արդեօ՞ք հնարաւոր ճնշումներ կան կառավարութեանն ուղղւած՝ ՀՅԴ Գերագույն մարմնի ներկայացուցիչը նշեց, որ դեռեւս մէկ տարի առաջ կառավարութիւնը չպէտք է նման սպասումներ ձեւաւորեր հասարակութեան մօտ, որ Ամուլսարի հանքը չի շահագործւելու: «Ըստ էութեան, այդ ուղղութեամբ էր տարւում: Մի տարի բա ինչո՞ւ աշխատանքները դադարեցին: Յստակ ինֆորմացիայ չունենք՝ ճնշումներ կա՞ն, թէ՞ չկան, փաստեր չունենք, բայց ակնյայտ է, որ բերւած հիմնաւորումները, փաստարկները համոզիչ չեն, եւ սա առիթ չպէտք է հանդիսանայ, որ հասարակութիւնը լրացուցիչ բեւեռացւի կամ մեր հասարակութեան պառակտւածութիւնն աւելի խորանայ: Պէտք է համոզիչ փաստարկներ բերեն եւ գտնենք ճիշտ լուծումներ»,- ասաց նա:

Հարցին, թէ հնարաւո՞ր է քաղաքական շրջադարձներ լինեն այս ֆոնին, Սաղաթելեանը պատասխանեց. «Այն, որ այս հարցը շատ «ջուր կը վերցնի» եւ կը շարունակի մնալ քաղաքական-հասարակական օրակարգում՝ դա անյայտ է»:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։