Հա

Ազգային

22/08/2019 - 11:10

Խմբագրական. Ուղղակի ժողովրդավարութեամբ` հանրաքուէով

Ամուլսարը հանքարդիւնաբերական նպատակներով շահագործելու խնդիրը համատարած եւ սուր հնչեղութիւն ստացած է մեր երկրին մէջ: Տեղեկատուական բաց համակարգը բնականաբար կը նպաստէ, որ երկրի սահմանները հատուին դէպի ընդհանրապէս հայկական աշխարհ եւ հրապարակային քննարկումները շարունակուին այս առումով: 

Ամուլսարը հանքարդիւնաբերական նպատակներով շահագործելու խնդիրը համատարած եւ սուր հնչեղութիւն ստացած է մեր երկրին մէջ: Տեղեկատուական բաց համակարգը բնականաբար կը նպաստէ, որ երկրի սահմանները հատուին դէպի ընդհանրապէս հայկական աշխարհ եւ հրապարակային քննարկումները շարունակուին այս առումով:

Փորձաքննութեան եզրակացութիւններու հիման վրայ Ամուլսարի վերաշահագործման կարելիութիւնը արագօրէն զօրաշարժի ենթարկած է բնապահպանական գործունէութիւն ծաւալող հասարակական կազմակերպութիւններ եւ քաղաքացիական շարժումներ` կասեցնելու համար հանքարդիւնաբերական աշխատանքներու վերսկսումը:

Բնապահպանական մասնագիտական զեկուցումի ներառած բոլոր մանրամասնութիւններուն իրազեկ հանրութիւնն է, որ կրնայ կողմնորոշուիլ թեր կամ դէմ շահագործման երեւոյթին:

Խնդիրը սակայն ունի նաեւ գաղափարախօսական մօտեցում: Երկրի հանքային պաշարները կը նկատուին ազգային-պետական սեփականութիւն, հարստութիւն: Անոնց շահագործումը եւ շահագործման հասոյթը հիմնականին մէջ անհրաժեշտ է, որ ուղղուած ըլլայ պետութեան ճամբով ժողովուրդին: Այս առումով կիսասեփականաշնորհումը կամ ամբողջական սեփականաշնորհումը լիովին կը նպաստեն առեւտրական ընկերութիւններուն գերշահոյթ ապահովելու: Նման հաւանականութիւն սկզբունքով կը բացառուի, երբ երկրի օրէնսդրութիւնը յստակօրէն կ՛արգիլէ ազգային-պետական հարստութիւններու սեփականաշնորհումը:

Այլապէս, հանքարդիւնաբերութիւնը տնտեսական բնական գործունէութիւն է եւ օրինաչափ աշխարհի տարածքին: Կենսոլորտային եւ բնապահպանական նորմերը յարգուելու պարագային այս ոլորտի արդիւնաբերութիւնները կը կազմեն երկրի տնտեսութեան կարեւոր բաժինը: Իսկ Հայաստանի տնտեսութիւնը կարեւոր չափերով նաեւ հանքահենք է: Խնդիրը անոնց ճիշդ կառավարումն է եւ շահոյթի ուղղուածութեան ճիշդ հունաւորումները` պահպանելով բնապահպանական եւ կենսոլորտային անվտանգութեան կանոնները:

Յայտնաբար, փորձաքննական եզրակացութեան մէջ մտահոգութիւններու տեղի տուող որոշ եզրեր գոյութիւն ունին: Երբ շահագործումի արտօնութիւնը կը պայմանաւորուի մշտադիտարկման գործողութեամբ, կը նշանակէ, որ բնապահպանական կանոններու խախտումի հաւանականութիւնը բարձր է:

Առանց խորանալու մասնագիտական տեսակէտներու իրաւացիութեան, ճշգրտութեան կամ անտեղիութեան արծարծուող մանրամասնութիւններուն մէջ, այստեղ կայ կարեւոր անշրջանցելի խնդիր: Մեր երկրին մէջ իրաւամբ հասունցած է քաղաքացիական գիտակցութիւն ունեցող հասարակութիւն, որ կառավարական որոշումներու գործընթացին վրայ զգալի ազդեցութիւն կը բանեցնէ: Այս մէկը ժողովրդավարական կարգերով կառավարուող երկիրներու յատուկ երեւոյթ է, ինչ որ դրական հետեւանքներու ձեռք բերման միտումներու մասին կը խօսի: Բողոք, ցոյց, հրապարակային թէժ քննարկումներ, ընդվզումի գործողութիւններ` օրէնքի սահմաններուն մէջ քաղաքակիրթ հասարակութեան յարիր երեւոյթներ են, որոնք կը նպաստեն առողջ հասարակութեան եւ հանրութիւն-իշխանութիւններ հաւասարակշռումի գործընթացներու կայացման:

Շարունակելով խնդիրը դիտարկել ժողովրդավարացող եւ այդ առաջադրանքին ընդառաջ կայացումի փուլեր թեւակոխող երկիրներու յարաբերակցութեան տրամաբանութեան մէջ, ուղղակի ժողովրդավարութիւնը այստեղ ինքզինք կը յուշէ:

Երբ կայ անորոշութիւն, երբ կան սուր բանավէճ եւ տրամագծօրէն հակոտնեայ թէ՛ ներհասարակական եւ թէ՛ ներիշխանական դիրքորոշումներ, ժողովուրդի կամարտայայտութեան հրամայականը գերակայ է:

Ահա թէ ինչո՛ւ այս պարագային` Ամուլսարի շահագործման որոշումի կայացումը թէկուզ մարզային սահմաններու մէջ հանրաքուէ կը պահանջէ:

 

«Ազդակ»

Յարակից լուրեր

  • «Ատոմակայանը հնարաւոր է այլեւս չաշխատի՞». «Հրապարակ»
    «Ատոմակայանը հնարաւոր է այլեւս չաշխատի՞». «Հրապարակ»

    «Ռուսաստան-Հայաստան յարաբերութիւնների, ատոմակայանի շուրջ տեղի ունեցող զարգացումների, ռուսական վարկի երկրորդ մասի մերժման ֆոնին հայաստանեան իշխանութիւններն անչափ «զգայուն» են դարձել ատոմակայանին վերաբերող հարցադրումների նկատմամբ:

  • Համահայկական տեսլականի տագնապը
    Համահայկական տեսլականի տագնապը

    Հայաստանի վերանկախացումէն ի վեր բազմիցս հրապարակ իջած է Հայաստան-Սփիւռք կապերու բարելաւման եւ համակարգման խնդիրը։ Տակաւին Հայաստան պաշտօնապէս չէր անկախացած՝ 1991-ի ամռան, երբ Վազգէն Մանուկեանի կառավարութեան նախաձեռնութեամբ կայացաւ հայ գործարարներու առաջին համագումարը։ Սկզբնական խանդավառութիւնը, շատ վառ երազներով, պիտի յանգէր սահմանափակ տարողութեամբ մի քանի իրագործումներու։

  • Անդրադարձ. Զգուշաւորութիւն եւ անվճռականութիւն
    Անդրադարձ. Զգուշաւորութիւն եւ անվճռականութիւն

    Ժողովրդավարական վարչակարգի տէր պետութեան մը մէջ գոյութիւն ունին մտածողութեան եւ մանաւանդ գործունէութեան անշրջանցելի արժեհամակարգ ու մշակոյթ, որոնք կը բացառեն կամայականութիւնը: Այդ արժեհամակարգէն ու մշակոյթէն որեւէ շեղում, կամայական որեւէ քայլ առնել կը նշանակէ մուտք գործել Լութովիկոս ԺԴ.-ի «Ես եմ պետութիւնը» մտածելակերպի աշխարհ:

  • Հայաստանը միացել է ՈՒԵՖԱ-ի PlayMakers ծրագրին
    Հայաստանը միացել է ՈՒԵՖԱ-ի PlayMakers ծրագրին

    Հայաստանը միացել է  ՈՒԵՖԱ-ի PlayMakers ծրագրին, որը ՈՒԵՖԱ-ի եւ «Դիսնէյ» աշխարհահռչակ ընկերութեան համագործակցութիւնն է, հիմքում ընկած է «Դիսնէյ»-ի հերոսների շնորհիւ նպաստել 5-8 տարեկան աղջիկների շրջանում ֆուտբոլի տարածմանն ու խթանմանը:

  • ՀՀ-ում Իրանի դեսպան. «Արցախի հարցում Իրանի պաշտօնական դիրքորոշումը չի փոխւել»
    ՀՀ-ում Իրանի դեսպան. «Արցախի հարցում Իրանի պաշտօնական դիրքորոշումը չի փոխւել»

    ՀՀ-ում Իրանի Իսլամական Հանրապետութեան դեսպան Աբբաս Բադախշան Զոհուրին յուլիսի 6-ին Հանրային հեռուստաընկերութեան եթերում անդրադարձել է Հայաստանի եւ Իրանի յարաբերութիւններին, տնտեսական համագործակցութեան զարգացմանը, ռազմավարական յարաբերութիւններին, հայ համայնքին եւ այլ թեմաների:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։