Հա

Ազգային

08/09/2019 - 09:00

«Այս փուլում Փաշինեան-«Սասնա ծռեր» հանդիպումը որոշակի քաղաքական ենթատեքստ ունի, որը մտահոգիչ է եւ մտածելու տեղիք է տալիս». Դաւիթ Իշխանեան

Այն, որ Հայաստան-Արցախ յարաբերութիւններում որոշակի լարւածութիւն էր ստեղծւած, եւ դա դեռեւս պահպանւում է, քննարկման նիւթ չէ: Այդ մասին պաշտօնական տեսակէտներ հնչել են:

«alikonline.ir» - Այն, որ Հայաստան-Արցախ յարաբերութիւններում որոշակի լարւածութիւն էր ստեղծւած, եւ դա դեռեւս պահպանւում է, քննարկման նիւթ չէ: Այդ մասին պաշտօնական տեսակէտներ հնչել են: Այս մասին Tert.am-ի հետ զրոյցում ասաց Արցախի ԱԺ «Դաշնակցութիւն» խմբակցութեան անդամ Դաւիթ Իշխանեանը՝ անդրադառնալով ՀՀ վարչապետ Նիկոլ Փաշինեանի յայտարարութեանը, թէ այդ յարաբերութիւններում լարվածութեան լուծման լաւագոյն եղանակը կը լինեն ընտրութիւնները:

Իշխանեանը համաձայն չէ այդ տեսակէտի հետ. «Չեմ կարծում, որ ընտրութիւնները կարող են այդ յարաբերութիւնների կարգաւորման լաւագոյն տարբերակ դիտարկւել, ընտրութիւնները զուտ ընտրութիւններ են: Ընտրութիւնները դիտարկել որպէս այդ յարաբերութիւնների կարգաւորող հիմնաքար, թերեւս, պէտք է այլ միջոցներ եւ այլ նախաձեռնութիւններ ունենալ դրա համար»,- ասաց նա:

Ինչ վերաբերում է 2 օր առաջ կայացած Փաշինեան-«Սասնա ծռեր» կուսակցութեան հանդիպմանը, ապա պատգամաւորը շեշտեց, որ մտահոգութիւններ կան. «Դրանք ոչ թէ զուտ Ժիրայր Սեֆիլեան կամ «Սասնա ծռերի» հետ ունեցած հանդիպումներն են, այլ ընտրւած ձեւաչափը. Հայաստանի վարչապետը պէտք է բոլորի հետ ունենայ բնականոն յարաբերութիւններ: Դրանք պէտք է բխեն մեր ընդհանուր շահերից, այնուհանդերձ այս հանգրւանում եւ այս փուլում նման կարգի հանդիպումը եւ որոշակի հարցերի շրջանակին անդրադառնալն իր մէջ պարունակում է որոշակի քաղաքական ենթատեքստ, որը մտահոգութիւն է առաջացնում, որովհետեւ միանշանակ չէ «Սասնա ծռերի» նկատմամբ ձեւաւորւած տեսակէտները եւ նրանց գործունէութեան դաշտը, եւ արդէն կիրառւել է ընտրովի մեխանիզմը՝ քաղաքական նախընտրութեան հարցը, որը որոշակի մտածելու տեղիք է տալիս»:

Հարցին, թէ ինչ քաղաքական ենթատեքստ ունի այս հանդիպումը, պատգամաւորն արձագանքեց, թէ պէտք է շահերի ընդհանուր տեսանկիւնից անդրադառնալ հանդիպմանը՝ ընդգծելով, որ քննարկւած հարցերի մասին մանրամասն քննարկում չի եղել:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։