Հա

Ազգային

23/10/2019 - 14:00

«Դուք ազնիւ չէք եւ անփառունակօրէն «միամիտ»». Լիլիթ Գալստեան

ՀՅԴ ԳՄ ներկայացուցիչ Լիլիթ Գալստեանը ֆէյսբուքեան էջում գրում է.

«alikonline.ir» - ՀՅԴ ԳՄ ներկայացուցիչ Լիլիթ Գալստեանը ֆէյսբուքեան էջում գրում է.

«Վարչապետի գաղտնի յանձնարարականով նախարարների աշխատավարձը կրկնապատկւել է». Երէկւանից՝ եռման ջրի պէս հանրութեան գլխին իջած այս բացայայտմանը փորձում եմ պատճառաբանութիւն գտնել կամ գնահատական տալ։ Մեղմ չի ստացւում, դիւանագիտական չի ստացւում, ոչ էլ՝ քաղաքական։ Սա պարզապէս անազնիւ է եւ ոչ բարոյական։

Պատկերացնում է՞ք, երբ մի քանի ամիս առաջ պարգեւավճարների/դարձեալ գաղտնազերծւած/ հանրայայտ դէպքերով հանրութիւնը ընդվզեց, փորձելով տրամաբանութիւն եւ ընթացակարգեր գտնել, իշխող քաղաքական ուժի ներկայացուցիչները պարզաբանումներ արեցին, արդարացան, թէ՝ նախորդ ռեժիմի ժառանգութիւն է, վերատեսութեան կենթարկեն ու էլի հեքիաթներ․․․

Այո, հեքիաթներ, որովհետեւ հաւանաբար դրան զուգահեռ ինչ-ինչ հաւաքներում նախարարական աշխատավարձերի բարձրացման գաղտնի պակտն էր մշակւում։ Դուք ոչ միայն ազնիւ չէք, այլեւ անփառունակ «միամիտ», գուցէ՝ չտես։ Ինչպէս կարող էք մտածել, որ կարելի է կոծկել...  Կոծկել, ստել, խաբել, բայց՝ ում։ Այն ժողովրդին, որի թեւերով ու ոտքերով իշխանութեան եկա՞ք։ Այն ժողովրդին, որի անունը շահարկելով գաղտնի որոշումներ էք ընդունում։ Ես ու շատերը իրաւունք ունենք մտածելու, որ դուք այդպէս գաղտնի նաեւ ճակատագրական այլ որոշումներ կարող էք ընդունել։ Իսկ դուք համարեա թէ ուղիղ դեմոկրատիա էիք յայտարարել, Հին Հռոմի հանգոյն հրապարակն էր որոշում։

Անկեղծանամ. ամէն անգամ փակ նիստ արտայհայտութիւնը լսելիս՝ մտածել եմ՝ Արցախեան խնդրով մի հարց է։ Այնինչ... մինչ Ադրբեջանի 2020 թ․ պետական բիւջէի նախագծով պաշտպանական բիւջէն աճել է 20.9%-ով, ՀՀ կառավարութիւնը որոշել է չաւելացնել պաշտպանական բիւջէն՝ միջոցներն ուղղելով այլ, «խաղաղ» նպատակների։

Այդ խաղաղ նպատակներով էլ նախարարի աշխատավարձը դարձել է 1.5 միլիոն դրամ, փոխնախարարինը՝ 1 միլիոն 60 հազար դրամ, գլխաւոր քարտուղարի աշխատավարձը՝ 870 հազար դրամ։

Արժանապատիւ ապրելու եւ վարձատրւելու իրաւունք բոլորն ունեն, գուցէ բարձեւ պատասխանատւութիւն ունեցողներն՝ առաւել, բայց ինչո՞ւ գաղտնի եւ ՈՒՄԻ՞Ց գաղտնի։

Ոչ վաղ անցեալում դուք ժողովրդի կառավարութիւնն ու Ազգային ժողովն էիք...»։

Յարակից լուրեր

  • «Իշխանութիւնները մեծ վտանգ են տեսնում ՀՅԴ-ի ուժից». Արմենուհի Կիւրեղեան
    «Իշխանութիւնները մեծ վտանգ են տեսնում ՀՅԴ-ի ուժից». Արմենուհի Կիւրեղեան

    ՀՀ վարչապետ Նիկոլ Փաշինեանը, անդրադառնալով ՀՅԴ-ական երիտթեւի ՀՀ ԿԳՄՍ նախարարի հրաժարականի պահանջին, ԱԺ ամբիոնից յայտարարեց, որ նախարարի հրաժարականը չի կարող լինել քաղաքական զրօ ազդեցութիւն ունեցող քաղաքական ուժի քմահաճոյքի արդիւնք: Յիշեցնենք, որ այս յայտարարութեանը նախորդած օրը տեղի էր ունեցել բախում ՀՅԴ-ական ակտիւիստների եւ ոստիկանութեան միջեւ ԿԳՄՍ նախարարութեան առջեւ: Այս եւ մի շարք այլ հարցերի շուրջ «Իրաւունք»-ը պարզեց ՀՅԴ Գերագոյն մարմնի անդամ, ԱԺ վեցերորդ գումարման նախկին պատգամաւոր Արմենուհի Կիւրեղեանի տեսակէտը:

  • Ինչո՞ւ Բրատիսլաւան ցնցեց Հայաստանը
    Ինչո՞ւ Բրատիսլաւան ցնցեց Հայաստանը

    Դեկտեմբերի 4-ին Բրատիսլաւայում ԵԱՀԿ 26-րդ նախարարական խորհրդաժողովի շրջանակներում տեղի ունեցաւ Հայաստանի եւ Ադրբեջանի ԱԳ նախարարներ Զոհրաբ Մնացականեանի եւ Էլմար Մամեդեարովի հանդիպումը, որն անցկացւեց ԵԱՀԿ Մինսկի խմբի համանախագահներ Իգոր Պոպովի (Ռուսաստան), Ստեֆան Վիսկոնտիի (Ֆրանսիա), Էնդրու Շոֆէրի (ԱՄՆ) եւ ԵԱՀԿ գործող նախագահի անձնական ներկայացուցիչ Անջէյ Կասպրչիկի միջնորդութեամբ եւ մասնակցութեամբ: Նմանատիպ հաղորդագրութիւններ արցախեան խնդրի կարգաւորման այս երկարուձիգ ժամանակահատւածում շատ ենք լսել:

  • «Ադրբեջանի հետ պիտի խօսենք իր լեզւով, Արցախի եւ Հայաստանի միջեւ օր առաջ պէտք է ռազմաքաղաքական դաշինք կնքւի». Արցախի ԱԺ փոխխօսնակ
    «Ադրբեջանի հետ պիտի խօսենք իր լեզւով, Արցախի եւ Հայաստանի միջեւ օր առաջ պէտք է ռազմաքաղաքական դաշինք կնքւի». Արցախի ԱԺ փոխխօսնակ

    Ադրբեջանն ուժի սպառնալիքի լեզւով պատասխանեց Նիկոլ Փաշինեանի՝ Արցախեան հիմնախնդիրը երեք ժողովուրդների համար ընդունելի տարբերակով լուծելու վերաբերեալ նախաձեռնութեանը:

  • «Մօտ է ժամանակը, երբ բարձր սպասումներով «կերակրւած» եւ հիասթափւած յեղափոխական մեծամասնութիւնը Փաշինեանի սուպերվարչապետութիւնը եւ քաղաքական վարքագիծը որակելու է «յանցաւոր ռեժիմ»». քաղաքագէտ
    «Մօտ է ժամանակը, երբ բարձր սպասումներով «կերակրւած» եւ հիասթափւած յեղափոխական մեծամասնութիւնը Փաշինեանի սուպերվարչապետութիւնը եւ քաղաքական վարքագիծը որակելու է «յանցաւոր ռեժիմ»». քաղաքագէտ

    «Մէկ Հայաստան» կուսակցութեան համահիմնադիր, քաղաքագէտ Վլադիմիր Մարտիրոսեանը ֆէյսբուքեան էջում գրառում է կատարել, որում անդրադառնում է իշխանութիւնների վարքագծի հանրային ընկալմանը: Նա մասնաւորապէս նշում է, որ ամբոխին հմայելու՝ Փաշինեանի խարիզման եւ նրա թիմի առաջնային դերակատարների արտաբերած մտազեղումները սկսում են ցնդել այն պահին, դառնում են հանրային ռացիոնալ քննարկման առարկայ: Գրառումն ամբողջութեամբ՝ ստորեւ.

  • Փաշինեանի հերթական խուսանաւումը
    Փաշինեանի հերթական խուսանաւումը

    Իբրեւ Հայաստանի Հանրապետութեան շարքային քաղաքացի եւ որոշ չափով Հայաստանի Հանրապետութեան քաղաքական զարգացումներուն ու իրադարձութիւններուն հետեւող` պիտի ակնկալէի, որ պրն. Փաշինեան չվարակուէր իր գործընկերներու բառապաշարէն եւ երկրի բարձրագոյն պաշտօնեան աւելի պատշաճ ելոյթներով հանդէս գար, մանաւանդ` Ազգային ժողովի ամպիոնէն:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։