Հա

Ազգային

26/10/2019 - 12:40

Այս իշխանութեան համար մարդն այլեւս արժէք չունի

Միանշանակ քաղաքական հետապնդում է իրականացւում ԱԺ աշխատակազմի ղեկավարի նախկին տեղակալ Արսէն Բաբայեանի նկատմամբ, եւ ով հակառակը կը պնդի, նա կա՛մ պարզապէս կոյր է, կա՛մ չի ուզում տեսնել իրականութիւնը: Այս մասին Tert.am-ի հետ զրոյցում յայտարարեց ՀՅԴ ԳՄ ներկայացուցիչ Իշխան Սաղաթելեանը:

«alikonline.ir» - Միանշանակ քաղաքական հետապնդում է իրականացւում ԱԺ աշխատակազմի ղեկավարի նախկին տեղակալ Արսէն Բաբայեանի նկատմամբ, եւ ով հակառակը կը պնդի, նա կա՛մ պարզապէս կոյր է, կա՛մ չի ուզում տեսնել իրականութիւնը: Այս մասին Tert.am-ի հետ զրոյցում յայտարարեց ՀՅԴ ԳՄ ներկայացուցիչ Իշխան Սաղաթելեանը:

«Այս ամէն ինչն արւում է գործադիր իշխանութեան կողմից դատական իշխանութիւնը նւաճելու, քաղաքական ամբողջական մենիշխանութիւն հաստատելու շրջանակներում: Իշխանութիւնն իր առաջ խնդիր է դրել նւաճել դատական իշխանութիւնը՝ այդ թւում Սահմանադրական դատարանը: Այդ պրոցեսն սկսւեց դատարանների շրջափակումից, սա արդէն գագաթնակէտն է: Դա անելու համար իշխանութիւնը զերծ չի մնում ապօրինի գործողութիւններից, հետեւաբար, Արսէն Բաբայեանի թէ՛ ձերբակալութիւնը, թէ՛ կալանաւորումը դիտարկում ենք այդ շրջանակներում: Տւեալ անձը չէր կարող իշխանութիւն իւրացնել, նոր յօդւած դրեցին, որպէսզի կարողանան կալանաւորել»,- ասաց նա:

Իշխան Սաղաթելեանի համոզմամբ՝ այս իշխանութեան համար մարդն այլեւս արժէք չունի։ «Ում ուզում են՝ ազատութիւնից զրկում են, ինչ ուզում անում են, «բեսպրեդել» է ու վերջ: Իրենց ջանքը կենտրոնացնելու եւ երկրի առջեւ կանգնած մարտահրաւէրները լուծելու փոխարէն, ամբողջ պետական ռեսուրսը մոբիլիզացնում են իրենց հակառակորդներին, ընդդիմախօսներին, այլ կարծիք ունեցողներին, չենթարկւողներին ազատազրկելու, ձերբակալելու համար»,- ասաց նա:

Իշխան Սաղաթելեանի կարծիքով՝ սա ոչ միայն ՍԴ նախագահ Հրայր Թովմասեանի դէմ ճնշում գործադրելու հերթական քայլն է, այլ սա պէտք է դիտարկել ամբողջական շղթայի մէջ, որովհետեւ սա մէկ դրւագ է, հետագայում կարող է լինել մէկ ուրիշը, յետոյ էլի մէկ ուրիշը:

Հարցին, թէ ինչպէս պէտք է պայքարել այս կամայականութիւնների դէմ, Իշխան Սաղաթելեանը պատասխանեց, որ պէտք է հասարակութիւնը, հասարակութեան առողջ ուժերը, քաղաքական կուսակցութիւնները հասկանան, որ սա անձերի պաշտպանութեան խնդիր չէ, սա Հայաստանում արդարադատութիւնը չխորտակելու, մարդու իրաւունքների պաշտպանութեան, ժողովրդավարութիւնը վերջնականապէս չթաղելու հարց է։

«Պետք է հասարակութիւնը վերջնականապէս արթնանայ որ սկսի պայքարել այս պրոցեսների դէմ, հակառակ դէպքում կարճ ժամանակ յետոյ ժողովրդավարութիւնը մեր երկրում յուշ է լինելու, գործ ենք ունենալու տոտալ բռնատիրական իշխանութեան հետ»,- նշեց նա:

Իսկ իշխանութիւնների այն պնդումը, թէ ցանկանում են ունենալ անկախ դատական համակարգ, անկախ Սահմանադրական դատարան, Սաղաթելեանը որակեց կեղծիք ու սուտ: «Իրենք ցանկանում են ունենալ սեփական, իւրային դատարաններ: Յայտնի է՝ ով իրենց ծառայել է, իրենց հետ հաշտ համերաշխ, սիրով են, ով հակառակւում է, ինչպէս Հրայր Թովմասեանը, դասւում է նրանց թշնամիների շարքին եւ բազմաթիւ պատրւակներ կարող են գտնել հեռացնելու համար: Իշխանութիւնը չի ցանկանում ունենալ արդար դատական համակարգ, պարզապէս ուզում է ունենալ իւրային դատական համակարգ, որն իր ձեռքում հետագայում մահակ է լինելու իր հակառակորդներին ճնշելու համար»,- շեշտեց նա:

Յարակից լուրեր

  • Երկխօսութեան, համագործակցութեան եւ Սփիւռքի հետ յարաբերութեան մասին
    Երկխօսութեան, համագործակցութեան եւ Սփիւռքի հետ յարաբերութեան մասին

    Երբ 1992-ին օրին ՀՅԴ Բիւրոյի ներկայացուցիչ Հրայր Մարուխեան անարդարօրէն եւ վատաբար Հայաստանէն վտարուեցաւ ՀՀ նախագահ Լեւոն Տէր-Պետրոսեանի կողմէ, իր հրապարակային առաջին ելոյթին ընթացքին Դաշնակցութեան ղեկավարը, հակառակ ամէն ինչի, յայտարարեց որ կուսակցութիւնը իր ձեռքը երկարած կը պահէ հայրենի իշխանութիւններուն եւ պատրաստ կը մնայ համագործակցութեան:

  • Իշխանութիւնները լրջանալու փոխարէն աւելի են «ջրիկացել». Իշխան Սաղաթելեանը՝ Հրայր Թովմասեանի դէմ Փաշինեանի ներկայացրած փաստի մասին
    Իշխանութիւնները լրջանալու փոխարէն աւելի են «ջրիկացել». Իշխան Սաղաթելեանը՝ Հրայր Թովմասեանի դէմ Փաշինեանի ներկայացրած փաստի մասին

    Դեռեւս 9 ամիս առաջ մայիսին՝ հանրահաւաքի ժամանակ ենք մեր հիմնական ուղերձը յղել իշխանութիւններին, որ պէտք է լրջանան, այդ ուղերձն ուժի մէջ է եւ, ցաւոք, այս ժամանակահատւածում, լրջանալու փոխարէն աւելի են «ջրիկացել», արդիւնքում ունենք այն, ինչ կայ:

  • «Տարածաշրջանում հասունանում է շատ վտանգաւոր իրավիճակ»․ Արման Աբովեան
    «Տարածաշրջանում հասունանում է շատ վտանգաւոր իրավիճակ»․ Արման Աբովեան

    Մինչեւ մեր երկրում բոլորը բոլորի «միսն են ուտում» ներքին քաղաքական դաշտում, տարածաշրջանում հասունանում է շատ վտանգաւոր իրավիճակ, կապւած` իրանեան միջուկային ծրագրի հետ։ Այս մասին ֆէյսբուքեան իր էջում գրել է «Բարգաւաճ Հայաստան» խմբակցութեան պատգամաւոր Արման Աբովեանը։

  • «Հայրենիք»-ի խմբագրական. «Արմենոֆոպիա» մոլուցքը
    «Հայրենիք»-ի խմբագրական. «Արմենոֆոպիա» մոլուցքը

    Քաղաքակիրթ աշխարհը, սկսեալ մարդկային իրաւունքներու պաշտպանութեան համար պայքարող ոչ-կառավարական հիմնարկներէն, մինչեւ Միացեալ Ազգերու Կազմակերպութեան հովանիին տակ գտնուող ենթայանձնախումբերը տեղեակ չեն, թէ որքան մտահոգիչ է Ատրպէյճանի մէջ եւ առ հասարակ ատրպէյճանցիի մօտ գոյութիւն ունեցող հակահայ ատելութիւնն ու մոլուցքը։

  • Հ.Հ. յուշարձաններուն ապագան... Քարակո՞յտ կա՞մ
    Հ.Հ. յուշարձաններուն ապագան... Քարակո՞յտ կա՞մ

    Հայաստանի Հանրապետութեան տարածքին կը գտնուին հայկական պատմամշակութային յուշարձաններու զգալի մէկ մասը: Սկզբնական բաժանում մը կատարելով՝ կրնանք զանոնք տեղաւորել ըստ՝ պատմական ժամանակաշրջանի, ոճային առանձնայատկութեան, եւ ներկայ վիճակի գնահատութեան, որ հիմք կը հանդիսանայ ապագայ կատարուելիք վերականգնողական ու վերաօգտագործման ձեռնարկներու կամ պահպանման ուղղուած գործընթացներու:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։