Հա

Ազգային

04/11/2019 - 09:00

«ՀՅԴ-ն հաւանական է համարում Արցախի նախագահական ընտրութիւններին առաջադրել անկուսակցական թեկնածու եւ լինել նրա քաղաքական յենարանը». Վահրամ Բալայեան

Արցախի Հանրապետութեան ԱԺ փոխնախագահ, ՀՅԴ Արցախի Կենտրոնական կոմիտէի անդամ Վահրամ Բալայեանը Tert.am-ի հետ զրոյցում անդրադառնալով 2020-ին կայանալիք ԱՀ նախագահական ընտրութիւններին՝ նշեց, որ միասնական թեկնածուի առաջարկով յաջորդ շաբաթջանից կը սկսեն խորհրդակցութիւններ երկրորդ փուլը՝ իրենց գաղափարներն իրականացնող համատեղ թեկնածուների հետ եւ կը փորձեն հասարակութեան գոնէ մի հատւածը կոնսոլիդացնել որոշակի գաղափարների շուրջ:

«alikonline.ir» - Արցախի Հանրապետութեան ԱԺ փոխնախագահ, ՀՅԴ Արցախի Կենտրոնական կոմիտէի անդամ Վահրամ Բալայեանը Tert.am-ի հետ զրոյցում անդրադառնալով 2020-ին կայանալիք ԱՀ նախագահական ընտրութիւններին՝ նշեց, որ միասնական թեկնածուի առաջարկով յաջորդ շաբաթջանից կը սկսեն խորհրդակցութիւններ երկրորդ փուլը՝ իրենց գաղափարներն իրականացնող համատեղ թեկնածուների հետ եւ կը փորձեն հասարակութեան գոնէ մի հատւածը կոնսոլիդացնել որոշակի գաղափարների շուրջ: Վահրամ Բալայեանն անդրադառնալով կոալիցիոն թեկնածու ունենալու տարբերակին, նշեց, որ ՀՅԴ-ն իր յայտարարութեան մեջ դեռեւս օգոստոսի 29-ին ասել է, որ ունենալու է իր թեկնածուն։ «Բայց դա կարող է լինել կուսակցական, կարող է լինել նաեւ անկուսակցական: Անկուսակցական ասելով նկատի ունեմ, որ մենք լինենք նրա քաղաքական յենարանը, դրա մէջ վատ բան չեմ տեսնում»,- ասաց նա:

 

- Պարո՛ն Բալայեան, Դուք նշել էինք, որ Արցախում 2020-ին կայանալիք նախագահական ընտրութիւններին ՀՅԴ-ն միասնական թեկնածուի առաջարկով պէտք է քաղաքական ուժերի հետ խորհրդակցութիւնների երկրորդ փուլ սկսի, ի՞նչ փուլում է գործընթացը:

- Մենք առաջին փուլն աւարտել ենք, եւ այն կուսակցութիւնները, որոնք արդարադատութեան նախարարութիւնում գրանցւած են, մենք նրանց հետ բանակցել ենք այն սկզբունքների շուրջ, թէ ընդհանրապէս 2020-ի ընտրութիւններն ինչ ձեւով պէտք է լինեն եւ ընդհանրապէս նախագահը 2020-ին ընտրւելու պարագայում օրակարգում ինչ առաջնահերթ խնդիր կունենայ: Այդ հարցերը քննարկել ենք եւ այդ փուլը յաջողութեամբ անցել ենք ու նաեւ յայտարարութեամբ հանդ՝ս ենք եկել, որ դա աւարտել ենք: Հիմա յաջորդ շաբաթւանից մենք կը սկսենք նաեւ կոնսուլտացիաները այդ գաղափարները համատեղ իրականացնող թեկնածուների հետ եւ կը փորձենք գոնէ հասարակութեան մի հատւածը կոնսոլիդացնել որոշակի գաղափարների շուրջ, որպէսզի չթողնենք հասարակութիւնը բաժան-բաժան լինի, որովհետեւ վերջ ի վերջոյ մենք փոքր երկիր ենք, ցաւօք սրտի, ժողովրդի թւաքանակով, տարածքով եւ մեզ համար անչափ կարեւոր է մեր միասնականութիւնը պաշտպանել եւ պետութեան հետ կապւած խնդիրներում ներգրաւել հասարակութեան լայն շերտերի եւ համախոհուն լուծումներ ապահովել: 

 

- Արդէն իսկ քննադատում են ձեր նախաձեռնութիւնը եւ ասում, որ դա ժողովրդավարութեան սկզբունքներից չի բխում, եւ միասնական թեկնածու ունենալով փորձում եէք այս անգամ եւս կանխատեսելի դարձնել ընտրութիւնների արդիւնքները:

- Մենք, իհարկէ, դէմ ենք այս նոր ընդունւած Սահմանադրութեանը, որ նախատեսւում է անցկացնել խորհրդարանական եւ նախագահական ընտրութիւնները մէկ օրում, բայց ժողովրդի 90 տոկոսն այդ Սահմանադրութեանը կողմ է քւէարկել, այսինքն՝ մենք պարտաւոր ենք Սահմանադրութեան այդ դրոյթներն իրականացնել կեանքում: Խնդիրը հետեւեալի մէջ է, որ կամայ, թէ ակամայ այդ կուսակցութիւնները ձգտում են նաեւ նախագահի թեկնածու ունենալ եւ պատկերացրէք այսօր 22 կուսակցութիւն կայ՝ գրանցւած Արդարադատութեան նախարարութեան կողմից, մի երեք-չորս նախաձեռնող խմբեր կան, արդիւնքում մենք կունենանք 25-26 կուսակցութիւն եւ դրանցից կարող է 15-20 նախագահի թեկնածու, այսինքն՝ տրամաբանութիւն չկայ դրա մէջ, հետեւաբար մենք ստիպւած ենք այդ ճանապարհով գնալ: Բայց այստեղ մէկ ուրիշ խնդիր եւս կայ... հարց է առաջանում վերջ ի վերջոյ քաղաքական կուսակցութիւններն ինչի՞ համար են. նրա համար են, որպէսզի գաղափարներ ձեւաւորեն եւ մատուցեն ժողովրդին, եթէ հանրութիւնը դա չի ընդունում, դա այլ հարց է, բայց մենք պարտաւոր ենք այդ գաղափարները ձեւաւորենք եւ հանրութեանը մատուցենք, եթէ օգտաւէտ է, կարծում եմ հանրութիւնը կը գնայ այդ հարցերի շուրջ կոնսոլիդացիայի: Այն մարդիկ, եթէ այլ ակնկալիքներ ունեն, նրանք էլ աւելի շատ են նման բաների մասին խօսում: Յետոյ մէկ ուրիշ հանգամանք էլ կայ. ասեմ, որ, ցաւօք, կան հակադաշնակցական ուժեր եւ անհատներ, որոնք ամէն կերպ փորձում են սեւացնել Դաշնակցութեանը, եթէ համացանցում նայէք, ակնյայտ երեւում է, դրանք մարդիկ են, ովքեր այստեղից, այնտեղից փող են ստանում, հազար ու մի ծրագրեր ունեն եւ անպայման ուզում են ազգային ուժին խփել, սա էլ կայ, եւ դրանց մի մասի գնահատականը դրանցով է պայմանաւորւած:

 

- Այո՛, կան նման գնահատականներ, կոնկրետ ՀՅԴ-ի եւ ձեր նախաձեռնութեան վերաբերեալ, որ հաշւի առնելով, որ չէք կարողանում սեփական թեկնածուի հարցում կողմնորոշւել եւ Արցախում ձեր ունեցած վարկանիշը բաւարար չէ ընտրական շեմը յաղթահարելու համար, նման նախաձեռնութիւն էք սկսել:

- Մենք ունենք մի քանի թեկնածուներ, որոնք լաւագոյնս կը ղեկավարեն այս երկիրը՝ իրենց անցած ճանապարհով, իրենց փորձով, իրենց թողած գործով եւ ներկայացնելով կազմակերպւած ուժ, այսինքն՝ այսպէս թէ այնպէս մենք նման խնդիր չունենք, որ մենք թեկնածու չունենք եւ դրա համար ստիպւած ենք: Մենք հարիւրաւոր ընկերներ ունենք, ուրեմն չէ՞ք կարողանում այդքանի մէջ մէկին գտնել, իրականում այդպէս չէ: Վերջ ի վերջոյ մեր անցած ճանապարհը պետականաշինութեանն է ուղղւած եթէ ուսումնասիրէք եւ տեսնէք, որ այս պետութեան հիմքերը մենք դրեցինք ժողովրդի օժանդակութեամբ, օգնութեամբ, առաջադէմ ուժերի օժանդակութեամբ: Մենք եղել ենք այն ուժը, որը հանգիստ փոխանցել է իշխանութիւնը, եւ այդպէս չի եղել, որ ատամներով, ամէն ձեւով փորձում ենք կառչած մնալ աթոռին: Մենք ունենք մէկ խնդիր՝ ունենալ նորմալ զարգացող երկիր, որտեղ հայ մարդը անվտանգ կապրի, այս խնդիրը պէտք է փորձենք լուծել եւ այդ ճանապարհով ենք մենք գնում եւ ոչ ոք, կարծում եմ, ի վիճակի չէ մեզ մեր ճանապարհից շեղել:

 

- Այսինքն՝ վարկանիշի հետ կապւած ՀՅԴ-ն որեւէ խնդիր չունի՞:

- Տեսէք, քանի որ ես դասախօս եմ, նաեւ իմ ուսանողներին եմ նոյն բանն ասում՝ մենք կարող ենք ականջահաճոյ շատ բան ասել, բայց ասել՝ վայ, գիտէք թոշակները կաւելացնենք, բա՞ սա երկիր է, պէտք է այս անենք, փոխենք, քանդենք, ջարդենք, փշրենք ու նորից սարքենք, այդպէս չէ, պէտք է ասել ճշմարտութիւնը, որ այո, դժւարութիւններ, խնդիրներ ունենալու ենք, բայց պէտք է ճիշտ ճանապարհով գնալ, ու գոնէ եթէ այս սերունդը, ինչպէս ասում են, եվւրոպական չափանիշներով սոցիալական կեանք չի կարողանում կազմակերպել, յաջորդ սերունդն ունենայ: Այսինքն՝ այդպէս չի, որ միանգամից հնարաւոր է առատ երկիր ստեղծել, որտեղ ոչ մի խնդիր չի լինում, մենք պատերազմի մէջ գտնւող երկիր ենք, թշնամական տրամադրութիւն ունեցող երկրներով շրջապատւած, մենք ստիպւած ենք, ինչպէս ասում են, խնայել, պահել, բանակը հզօրացնել, մեր անվտանգութեան հետ կապւած հարցերը լուծել եւ շատ դէպքերում սոցիալական բազում հարցեր, ինչպէս ասում են, դուրս են մնում լուծելու ճանապարհին: Բայց համոզւած եմ, որ սահմանը պինդ պահելու պարագայում, մեր անվտանգութեան հարցերը լուծելու պարագայում մենք լաւ ապագայ ենք ունենալու: Այս երկու պետութիւնները՝ Հայաստանի Հանրապետութիւնն ու Արցախի Հանրապետութիւնը լաւ ապագայ են ունենալու:

 

- Այսինքն՝ այս գործընթացները միտւա՞ծ են կոալիցիոն ձեւաչափով ընտրութիւնների գնալ, եւ շատ հաւանական է, որ ՀՅԴ-ն սատարի մէկ կամ մի քանի քաղաքական ուժերի կողմից առաջադրւած թեկնածուի:

- Մենք մեր յայտարարութեան մէջ դեռեւս օգոստոսի 29-ին ասել ենք, որ ունենալու ենք մեր թեկնածուն, այսինքն՝ դա կարող է լինել կուսակցական, կարող է լինել նաեւ անկուսակցական: Անկուսակցական ասելով, որ մենք լինենք նրա քաղաքական յենարանը, դրա մէջ վատ բան չեմ տեսնում:

 

- Պարո՛ն Բալայեան ինչպէ՞ս կը մեկնաբանէք Սահմանադրութիւնը փոփոխելու եւ իրեն որպէս նախագահի թեկնածու գրանցելու վերաբերեալ Սամուէլ Բաբայեանի դիմումի մերժումը Արցախի Ազգային ժողովի կողմից։ Հնչում են մեղադրանքներ, որ մերժեցիք, քանի որ վախենում էիք Բաբայեանի բարձր հեղինակութիւնից:

- Ժողովրդի մէջ սխալ պատկերացումներ կան, եթէ լաւագոյն դէպքում մենք առաջին ընթերցմամբ ընդունած լինէինք, գործընթացներ կային, որ երկրորդ ընթերցում պէտք է լիներ, յետոյ քւէարկութեան դնէինք ու ուղարկւէր Գերագոյն դատարան, որը ՀՀ ՍԴ-ի ֆունկցիաներն է կատարում եւ սահմանադրականութեան հետ կապւած գնահատական տրւէր: Վեց ամսւայ ընթացքում ՍԴ-ն պէտք է պատասխան տար, յետոյ գումարած եւս երեք ամիս: Իսկ մենք փետրւարին նախագահի թեկնածու պէտք է առաջադրենք, հիմա նոյեմբերն է, ամիսները գումարէք եւ տեսէք հնարաւո՞ր է երկու-երեք ամսում այդ ամէնը, իհարկէ ոչ, դա լաւագոյնս հնարաւոր է անել յունիս, յուլիս ամիսներին, այսինքն՝ այն ժամանակ, երբ ե՛ւ նախագահական, ե՛ւ խորհրդարանական ընտրութիւնները վերջացած կը լինեն: Այնպէս որ, Սամուէլ Բաբայեանի անձի հետ կապւած որեւէ խնդիր չկայ: Բայց դրա հետ մէկտեղ մենք ունենք բազմաթիւ հիմնաւորումներ, որի մասին ամբիոնից հնչեցրել ենք, ինչու մերժել: Այնպէս չէ, որ անձի դէմ է, խնդիրներ լուծելու համար է, մենք առաջնորդւում ենք օրէնքով այս երկրի ու պետութեան շահով եւ այդ շահից բխող որոշում ենք կայացրել: Մեր հայրենիքի ամէն անդամ յարգելի է եւ իրաւունք ունի ե՛ւ կառավարմանը մասնակցել, ե՛ւ երկրին իր ծառայութիւնը մատուցել, բայց կարգ ու կանոն կայ, եւ մենք դրանով ենք առաջնորդւել:

 

- Կրկին անդրադառնանք ՀՅԴ-ին, չէ՞ք կարծում, որ թեկնածու չառաջադրելով եւ ընդհանրապէս կոնսուլտացիաներով ձգձգելով յապաղում էք՝ հաշւի առնելով, որ միւս քաղաքական ուժերը, որոնք յայտարարել են, որ կունենան թեկնածու, բաւական ակտիւ քարոզարշաւի փուլ են մտել:

- Մենք մի քանի անգամ դրա մասին խօսել ենք, դա ճիշտ չէ եւ ինչ-որ տեղ նաեւ հակաօրինական է: Ինչպէս ասում են՝ ստարտը տրւած չէ, եւ ոչ ոք իրաւունք չունի սկսել, ժողովրդին լարւած պահելու իմաստ չկայ, եւ մենք ուզում ենք օրէնքով սահմանւած ժամանակացոյցին մօտենալ:

 

- Իսկ հասարակութեան տրամադրութիւններն ինչպիսի՞ն են, ուրւագծւո՞ւմ են ֆաւորիտ թեկնածուներ:

- Արդէն որոշ գործիչներ յայտարարել են, որ իրենք կը մասնակցեն այս ընտրութիւններին, եւ այլ թեկնածուներ եւս կը լինեն եւ մեր խնդիրն է այդ մարդկանց հետ խօսենք, իրենց տեսլականը տեսնենք, ինչպէս են երկրի զարգացումը պատկերացնում, այդ կոնսուլտացիները այդ նպատակն են հետապնդում։ Ի դէպ, նաեւ ժամանակացոյց ունենք, թէ երբ սկսենք, ոնց անենք:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։