Հա

Ազգային

10/11/2019 - 11:00

Ցեղասպանութեան ճանաչումը արդիւնքն էր տասնամեակներու նուիրեալ աշխատանքին

Ամերիկայի Հայ Դատի յանձնախումբի ատենապետ Րաֆֆի Համբարեան Ներկայացուցիչներու տան կողմէ գրեթէ միաձայնութեամբ ընդունուած եւ Հայոց Ցեղասպանութիւնը ճանչցող թիւ 296 բանաձեւը կը նկատէ արդարութեան ի նպաստ յատկանշական քայլ մը, զոր Թուրքիոյ կողմէ Ցեղասպանութեան ուրացման ամերիկեան մեղսակցութեան վերջ տալու արշաւին նախաքայլը կարելի է նկատել։

ՈՒԱՇԻՆԿԹԸՆ.- Ամերիկայի Հայ Դատի յանձնախումբի ատենապետ Րաֆֆի Համբարեան Ներկայացուցիչներու տան կողմէ գրեթէ միաձայնութեամբ ընդունուած եւ Հայոց Ցեղասպանութիւնը ճանչցող թիւ 296 բանաձեւը կը նկատէ արդարութեան ի նպաստ յատկանշական քայլ մը, զոր Թուրքիոյ կողմէ Ցեղասպանութեան ուրացման ամերիկեան մեղսակցութեան վերջ տալու արշաւին նախաքայլը կարելի է նկատել։

Ըստ անոր՝ բանաձեւը ճամբայ պիտի բանայ անպատիժ մնացող Ցեղապանութեան զոհերուն արդար հատուցում ապահովելու ջանքերուն դէմ Անգարայի դրած արգելքները յաղթահարելու, այդ պայքարին մաս դարձնելով Միացեալ Նահանգները։

«Այս իրագործումը արդիւնքն էր Ուաշինկթընի մէջ Հայկական Հարցը ջատագովելու տասնամեակներու աշխատանքին, օրէնսդրական բարդ ռազմավարութեան մը որդեգրումին, ժողովրդային մակարդակով քարոզչութեան եւ տեղական մակարդակի վրայ ընտրական արշաւներու մասնակցութեան եւ քաղաքական աշխուժութեան, ինչպէս նաեւ մեր գործակիցներուն աջակցութեան», կը գրէ Համբարեան՝ աւելցնելով, որ յատկապէս ուրախ է, որ բանաձեւին մէջ նշում կայ նաեւ յոյն, ասորի եւ այլ փոքրամասնութեանց սպանդներուն, որովհետեւ անոնք եւս զոհեր են Թուրքիոյ ցեղասպանական արշաւին, նոյն ժամանակ խոստանալով պայքարը շարունակել մինչեւ ամբողջական ճանաչում։

Համբարեան նաեւ կը նշէ, որ Լոս Անճելըսի մէջ հանդիպում մը ունեցած է Ներկայացուցիչներու տան խօսնակ Նենսի Փելոսիի հետ, համայնքին անունով շնորհակալութիւն յայտնելով այս հարցով անոր ցուցաբերած յանդուգն առաջնորդութեան համար, նոյն ժամանակ շնորհակալութիւն յայտնելով Ներկայացուցիչներու տան դեմոկրատ փոքրամասնութեան ղեկավար Քեւըն ՄըքՔարթիին, որ մեծ դերակատարութիւն ունեցաւ հանրապետական եւ դեմոկրատ քոնկրեսականներ համոզելու, որ նեցուկ կանգնին բանաձեւին։

Րաֆֆի Համբարեան խորին երախտագիտութիւն կը յայտնէ նաեւ բանաձեւի համահեղինակ քոնկրեսականներ Էտըմ Շիֆին եւ Կաս Պիլիրաքիսին, ինչպէս նաեւ հայազգի քոնկրեսականներ՝ Աննա Էշուին, Ճեքի Սփիրին եւ քոնկրեսականներ Ֆրենք Փալոնին, Պրետ Շըրմընին, Քրիս Սմիթին, Էլիըթ Էնկըլին, Ճիմ Քոսթային եւ Ճիմ ՄըքԿավըրնին, որոնք Հայ Դատի յանձնախումբին հետ մօտէն գործակցելով՝ կրցան Ցեղասպանութեան հարցով ամերիկեան քաղաքականութիւնը ճիշդ հունի մէջ դնել։

 

«Ասպարէզ»

Յարակից լուրեր

  • Փիոմպինօ քաղաքի խորհուրդը ճանչցաւ Հայոց Ցեղասպանութիւնը
    Փիոմպինօ քաղաքի խորհուրդը ճանչցաւ Հայոց Ցեղասպանութիւնը

    Իտալիոյ մէջ Հայաստանի Հանրապետութեան դեսպանատունը կը հաղորդէ, որ Փիոմպինոյի քաղաքային խորհուրդը ճանչցած է Հայոց Ցեղասպանութիւնը:

  • Քոնկրեսի գրադարանը կը շարունակէ Ցեղասպանութիւնը ուրանալ
    Քոնկրեսի գրադարանը կը շարունակէ Ցեղասպանութիւնը ուրանալ

    Պատասխանելով Ամերիկայի Հայ Դատի յանձնախումբին կողմէ անցեալ դեկտեմբերին յղուած նամակին, Միացեալ Նահանգներու Քոնկրեսի գրադարանը տեղեկացուց, թէ պիտի շարունակէ Հայոց Ցեղասպանութեան անդրադառնալ՝ իբրեւ «Հայկական ջարդեր», հակառակ այն իրողութեան, որ Քոնկրեսի երկու ճիւղերը՝ Ներկայացուցիչներու տունը եւ Ծերակոյտը, անցեալ տարի յստակօրէն ճանչցան Հայոց Ցեղասպանութիւնը՝ հաստատելով յաջորդաբար թիւ 296 եւ 150 բանաձեւերը։

  • Հայ Դատը Արցախի օժանդակութիւնը փրկելու նպատակով Ներկայացուցիչներու տան ղեկավարներուն դիմելու կոչ կ՛ընէ
    Հայ Դատը Արցախի օժանդակութիւնը փրկելու նպատակով Ներկայացուցիչներու տան ղեկավարներուն դիմելու կոչ կ՛ընէ

    Ամերիկայի Հայ Դատի յանձնախումբը կոչ կ՛ընէ ամերիկահայերուն, որ դիմեն Ներկայացուցիչներու տան խօսնակ Նենսի Փելոսիին եւ հանրապետական փոքրամասնութեան ղեկավար Քեւըն ՄըքՔարթիին՝ անոնցմէ խնդրելով, որ նեցուկ կանգնին Արցախի Հանրապետութեան առնուազն 1․5 միլիոն տոլար տրամադրելու առաջարկին, որպէսզի կարելի ըլլայ ամբողջացնել «Հէյլօ Թրասթ»-ի սկսած Արցախի ականազերծման ծրագիրը։

  • «Թուրքիան Հայոց Ցեղասպանութիւնը ճանչնալէ բացի այլ ելք չունի». Շեշտեց Վերա Եագուպեան
    «Թուրքիան Հայոց Ցեղասպանութիւնը ճանչնալէ բացի այլ ելք չունի». Շեշտեց Վերա Եագուպեան

    Հայոց Ցեղասպանութեան 105-ամեակին առիթով, Միջին Արեւելքի Հայ Դատի գրասենեակի պատասխանատու Վերա Եագուպեան հեռաձայնային եւ վիտէօ հաղորդակցութեամբ հարցազրոյցներ ունեցաւ «Արապիա» եւ «Սքայ Նիուզ» պատկերասփիւռի կայաններուն, ինչպէս նաեւ «Նահար»-ի առցանց պատկերասփիւռին հետ:

  • Արցախին յաւելեալ նպաստ ապահովելու իւրայատուկ ջատագովում
    Արցախին յաւելեալ նպաստ ապահովելու իւրայատուկ ջատագովում

    Ամերիկայի Հայ Դատի յանձնախումբը կոչ ըրած է ամերիկահայերուն, որ դիմեն իրենց շրջանի ծերակուտականներուն եւ Ներկայացուցիչներու տան անդամներուն, որպէսզի անոնք դէմ դնեն յատկապէս Արցախի ականազերծման նպատակին տրամադրուելիք ամերիկեան օժանդակութիւնը կրճատելու կառավարութեան փորձին։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։