Հա

Ազգային

13/11/2019 - 08:40

Հաղորդագրութիւն

2019 թ. նոյեմբերի 8-ին Բրիւսէլում կայացած ՀՅԴ մարմինների ներկայացուցիչների համակուսակցական հերթական խորհրդաժողովը, քննելով կուսակցությեան ընթացիկ գործունէութիւնը՝ արձանագրեց Դաշնակցութեան քաղաքական օրակարգերից բխող առաջնահերթութիւններն ու անելիքները։

2019 թ. նոյեմբերի 8-ին Բրիւսէլում կայացած ՀՅԴ մարմինների ներկայացուցիչների համակուսակցական հերթական խորհրդաժողովը, քննելով կուսակցությեան ընթացիկ գործունէութիւնը՝ արձանագրեց Դաշնակցութեան քաղաքական օրակարգերից բխող առաջնահերթութիւններն ու անելիքները։

ՀՅԴ աշխարհասփիւռ կառոյցը ներկայացնող խորհրդակցական ժողովի ժամանակ քննարկւեցին Հայաստանի ներկայ իրավիճակը եւ վերջին ամիսների մեր հայրենի կազմակերպութեան գործունէութիւնը, ինչպէս նաեւ մեր կուսակցութեան յառաջիկայ մարտավարութիւնը եւ առնւելիք քայլերը Հայաստանի մէջ: Անդրադարձ կատարւեց նաեւ կուսակցութեան ներսում պառակտումներ ստեղծելու ՀՀ իշխանութեան որոշ ներկայացուցիչների եւ շրջանակների անյաջող փորձերին։

Նշւեց, որ պետականութիւնը Դաշնակցութեան համար բարձրագոյն արժէք է եւ, դրանով պայմանաւորւած կուսակցութեան եւ ուղեկից միութիւնների գործունէութեան հետ կապւած զանազան շահարկումները, հին ու նոր, Սփիւռքի եւ Հայաստանի դաշնակցականներ պեղելու, տարբերակումներ մտցնելու մղումը կուսակցութեան միասնականութիւնը թիրախաւորելու ապարդիւն փորձ է։
Արձանագրւեց նաեւ, որ Դաշնակցութիւնը սկզբունքային մօտեցումներից բխող գաղափարական, քաղաքակիրթ պայքարի կողմնակից է եւ համոզւած է, որ թշնամանքը, ատելութիւնը, անձնական վիրաւորանքը չպէտք է տեղ ունենան այդ պայքարում։

Ժողովը անդրադարձաւ Արցախի հիմնահարցին եւ 2020-ի գարնան տեղի ունենալիք նախագահական եւ խորհրդարանական ընտրութիւններին: Գնահատւեց Արցախի Բարեկամների յաջող համաժողովի գումարումը եւ Արցախի բարեկամների ցանցի ստեղծումը:

Ժողովին ներկայացւեց Լիբանանի վերջին անցուցադարձերի մասին զեկոյց եւ քննարկւեց Միջին Արեւելքի, յատկապէս Լիբանանի, Սիրիայի եւ Իրաքի հայութեան կացութիւնը եւ մեր համաշխարհային կառոյցի առնելիք քայլերն այդ ուղղութեամբ։

Ժողովի աւարտին տեղի ունեցաւ խրախճանք-հանդիպում Բելիգայի կոմիտէութեան ընկերների եւ ուղեկից միութիւնների վարչութիւնների մասնակցութեամբ, որն անցաւ ջերմ մթնոլորտում։

 

ՀՅԴ ԲԻՒՐՕ

10 նոյեմբեր 2019

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։