Հա

Ազգային

04/12/2019 - 14:20

Ութ հարիւր ընդդէմ ութսունի...

Ի հարկ է տխուր է, երբ հայրենի ոստիկանութիւնը հրապարակ կը բերուի ութսուն երկսեռ երիտասարդ ցուցարարներու խաղաղ ցոյցը խափանելու։ Հրապարակ կը բերուի ներկայ իշխանութեան որոշումով... Մտածեցէք պահ մը, թէ ինչպիսի՜ անհեթեթութեան դէմ յանդիման կը գտնուի այսօր հայոց ազգը աշխարհով մէկ։

ԿԱՐՕ ԱՐՄԵՆԵԱՆ

 

Ի հարկ է տխուր է, երբ հայրենի ոստիկանութիւնը հրապարակ կը բերուի ութսուն երկսեռ երիտասարդ ցուցարարներու խաղաղ ցոյցը խափանելու։ Հրապարակ կը բերուի ներկայ իշխանութեան որոշումով... Մտածեցէք պահ մը, թէ ինչպիսի՜ անհեթեթութեան դէմ յանդիման կը գտնուի այսօր հայոց ազգը աշխարհով մէկ։ Բնական պայմաններու մէջ այս ոստիկանները խաղաղապահի իրենց առաքելութեամբ պիտի պաշտպան հանդիսանային իրենց քաղաքացիական իրաւունքներուն համար պայքարող այս հրաշք պատանիներուն։ Չէ՞ որ Նորին Վսեմութիւն պրն. Վարչապետն էր, որ շաբաթ մը առաջ Ազգային Ժողովի ամպիոնէն ի լուր աշխարհին կը հռչակէր գերազանցութիւնը մարդկային իրաւանց իրաւակարգին...

Ես կը յիշեմ ելեկտրական սակագներուն դէմ բողոքող Բաղրամեան պողոտայի հսկայ ցոյցը նախորդ իշխանութեան օրով։ Ցուցարարները գրաւած էին քաղաքային աղբամանները եւ պատնէշ կառուցած։ Բաղրամեան պողոտան դադրած էր ծառայելէ քաղաքային շրջանառութեան։ Իսկ ոստիկանութիւնը կանգնած էր եւ համբերութեամբ կը լսէր ցուցարարներու բողոքը։ Ոչ մէկ ատեն իշխանութիւնը դիմեց բիրտ ուժի։ Ձեր բոլորին կողմէ մերժուած իշխանութիւնը գիտցաւ այնուամենայնիւ արժանավայելչօրէն յարգել քաղաքացիի մարդկային իրաւունքները եւ հաղորդակցիլ ցուցարարներուն հետ։

Կը վերադառնանք նոյն խնդրին։ Փակ համակարգի մէջ գործող իշխանութիւնը, հակառակ իր հռետորաբանութեան, այսօր կը դիմէ բիրտ ուժի ատով իսկ ծանուցելով իր ցաւալի սնանկութիւնը երիտասարդներու քաղաքացիական անհնազանդութեան դիմաց։ Եւ, ի դէպ, բացայայտելո՛վ դաշնակցական երիտասարդութեան համեմատական ուժը... Ութսուն անզէն երիտասարդներ, որոնք զինուած են գաղափարներով, իրենց ներկայացուցած սարսափելի «վտանգով» կը հրաւիրեն բիրտ զօրաշարժը ութ հարիւր ոստիկանի... Այս է իշխանութեան կողմէ ճշտուած համեմատական կշիռը մեր տղոց եւ աղջիկներու գաղափարական ուժին։ Իսկ մենք կ՚ըսենք, որ իշխանութիւնը չարաչար կը սխալի։ Այդ ուժին դիմաց ութ հազարն ալ անզօր է, քանի որ իշխանութիւնը այս երիտասարդներու աչքերուն մէջ կը տեսնէ իսկական յեղափոխութիւնը, զոր այլեւս կարելի չէ կասեցնել:

Յարակից լուրեր

  • ՀՀ քաղաքացիին միակ ողջմիտ ընտրանքը
    ՀՀ քաղաքացիին միակ ողջմիտ ընտրանքը

    Վերջապէս, երկար ջղապայքարներէ ետք, ՀՀ քաղաքացին իր առջեւ ունի երկիրը իր ներկայ փակուղիէն դուրս բերելու քաղաքական հզօր այլընտրանքը յանձին Հայաստան Դաշինքին, որ ՀՀ Երկրորդ Նախագահ՝ Պր. Ռոբերտ Քոչարեանի թեկնածութեան շուրջ կը համախմբէ Հայ Յեղափոխական Դաշնակցութիւնը իր համակիրներու զանգուածով եւ Վերածնուած Հայաստան Կուսակցութիւնը։

  • Ինչո՞ւ Ալիեւի նոր յոխորտանքը
    Ինչո՞ւ Ալիեւի նոր յոխորտանքը

    Կը թուի, թէ մարտ ամիսը բանակցութիւններու փուլն էր, քանի որ թէ՛ Փաշինեանը եւ թէ՛ Ալիեւը սկսեր էին խօսիլ Սիւնիքի մասին «կոմունիկացիա»ներու լեզուով։ Ալիեւ սկսեր էր նոյնիսկ դրուատել Փաշինեանի առաջնորդութեամբ գործող ՀՀ կառավարութիւնը իր բարեյոյս պահուածքին համար։ Եւ, իր կարգին, Փաշինեան յանկարծ հարցականի տակ կը դնէր Թուրքիոյ եւ Ազրպէյճանի Հայաստանի «թշնամիներ» ըլլալու փաստը… եւ Փաշինեանի քարոզարշաւով մենք սկսեր էինք մտնել եդեմակա՜ն մէկ նոր - ակներեւօրէն սո՛ւտ - աշխարհէ մը ներս։

  • Ագարակում հայհոյել են Փաշինեանին եւ պահանջել հեռանալ մարզից
    Ագարակում հայհոյել են Փաշինեանին եւ պահանջել հեռանալ մարզից

    Սիւնիքի մարզում լարւած իրավիճակ է, քաղաքացիները բողոքի ցոյց են կազմակերպել փակելով դէպի հրապարակ տանող ճանապարհը եւ վանկարկել են «Նիկոլ դաւաճան, Նիկոլ թուրք»: 

  • Փաշինեանի թշնամին
    Փաշինեանի թշնամին

    Կը վերադառնամ նոյն կենսական հարցին ըսելու համար, որ թեկնածու Փաշինեանը արդէն իսկ կը խօսի բաց քարտերով, երբ հանգամանօրէն կը պարզէ Արագածոտնի ընտրողներուն «թշնամի»-ի իր տեսութիւնը։ Եւ անշուշտ վազնիվազ իրեն կը հետեւին իր երկսեռ յանկերգողները՝ ամէն օր հայ-թրքական մերձեցման նոր գոհար մը մատուցելով հանրութեան։

  • Փնտռելով հետքերը մեր իրազեկութեան...
    Փնտռելով հետքերը մեր իրազեկութեան...

    Անոր անունը «Գիւզալ» էր մեր աշակերտական շարքերուն մէջ։ Մանրակազմ մարդ մըն էր ան, պիրկ ու ինքնավստահ եւ իր դաժան համբաւը շրջան կ՚ընէր բոլոր դասարաններուն մէջ անձէ անձ ու սերունդէ սերունդ։ Կ՚ըզգայինք իր մեծութիւնը։ Իր բառերը սառն էին, յաճախ հակիրճ ու անգոյն, եւ սակայն շուտով յայտնի կ՚ըլլար, որ անոնք բառեր չէին, այլ գաղափարնե՛ր՝ որոնք դուրս կու գային մտքի անթափանցելի բաւիղներէ եւ շփոթի կը մատնէին մեզ։ 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։