Հա

Ազգային

05/12/2019 - 18:50

Կոչ ենք ուղղում Փաշինեանին՝ մնալ զբաղեցրած պաշտօնի լիազօրութիւնների շրջանակում․ ՀՅԴ ԳՄ յայտարարութիւնը

Հ. Յ. Դաշնակցութեան վերաբերեալ վարչապետի` Ազգային ժողովում հնչեցրած մերկապարանոց յայտարարութիւնն անհանդուրժողականութեան, փաստերը խեղաթիւրելու եւ պետութեան կառավարման պատասխանատւութիւնն անհաւասարակշիռ քաղաքական վարքագծով փոխարինելու դրսեւորում է՝ ըստ Yerkir.am-ի այս բովանդակութեամբ յայտարարութիւն է տարածել ՀՅԴ Հայաստանի Գերագոյն մարմինը։

Հ. Յ. Դաշնակցութեան վերաբերեալ վարչապետի` Ազգային ժողովում հնչեցրած մերկապարանոց յայտարարութիւնն անհանդուրժողականութեան, փաստերը խեղաթիւրելու եւ պետութեան կառավարման պատասխանատւութիւնն անհաւասարակշիռ քաղաքական վարքագծով փոխարինելու դրսեւորում է՝ ըստ Yerkir.am-ի այս բովանդակութեամբ յայտարարութիւն է տարածել ՀՅԴ Հայաստանի Գերագոյն մարմինը։

«Շահարկելով երկրում առկայ բազմաթիւ բացասական երեւոյթները, խախտելով սահմանադրական կարգի հիմնարար սկզբունքները՝ Ն. Փաշինեանը ձգտում է միահեծան իշխանութեան` նախկին անընդունելի դրսեւորումների մերժումը վերածելով անցեալի ուրացման, չխորշելով անգամ ազատագրական պայքարի ձեռքբերումներն ու դրանք մարմնաւորող ուժերին նսեմացնելուց:

Լաւագոյն ապագայ կերտելու՝ հանրութեան երազանքը, յոյսն ու քաղաքական երկխօսութեան պահանջները բախւում են բարեփոխումներ իրականացնելու անկարող իշխանութեան ագրեսիւ վարքագծին:

Դաշնակցութեան վարկանիշը կասկածի տակ դնող Փաշինեանն ուրանում է նաեւ սեփական քայլերն ու մօտեցումները՝ մոռանալով, որ անցումային կառավարութիւն ձեւաւորելիս գործընկերութիւն էր փնտրում Դաշնակցութեան հետ եւ պատասխանատու պաշտօններ վստահում:

Ժողովրդին պառակտելու` Ն. Փաշինեանի՝ անվերապահօրէն յաջողւած ձեռքբերումն ու տեխնոլոգիան փորձ է արւում տարածել Դաշնակցութեան վրայ: Դաշնակցութիւնը մէկն է, եւ Դաշնակցութիւնը պաշտպանւելու կարիք չունի: Դաշնակցութիւնն իր անցեալի, իր ժառանգութեան տէրն է, իր բացթողումները խմբագրելու կամք եւ ունակութիւն ունի: Նաեւ յստակ է ՀՅԴ յանձնառութիւնը` ծառայել պետականութեանը, բայց ոչ՝ օրւայ իշխանութիւններին եւ քաղաքական կոնիւնկտուրային:

Դաշնակցութիւնը շարունակելու է իր առաքելութիւնը` խորապէս անհանգստացած Հայաստանի ներկայով, երկրում վարւող անհեռատես ու անհաւասարակշիռ պոպուլիստական քաղաքականութեամբ, ստի եւ կեղծիքի մոլեգնող իրողութեամբ, երկրի ներքին եւ արտաքին ռիսկերը դիմագրաւելուն անպատրաստ իշխող քաղաքական թիմի գործունէութեամբ:

Կոչ ենք ուղղում Ն. Փաշինեանին` սթափւել եւ մնալ զբաղեցրած պաշտօնի լիազօրութիւնների շրջանակում, լուծել երկրի առջեւ օրէցօր ահագնացող մարտահրաւէրները:

Դիմում ենք ողջախոհ հանրութեանն ու քաղաքական ուժերին՝ համախմբւել երկիրն այս անհեռանկար ընթացքից յետ պահելու օրակարգի շուրջը»,- նշւում է յայտարարութեան մէջ:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։