Հա

Ազգային

18/12/2019 - 11:40

«Միասնաբար ուրախացնե՛նք հայ ընտանիք մը». Նուիրաբերումի հայ մարդուն առաքինութիւնը

Լիբանանի հայութեան պատմութեան մէջ առաջին անգամը չէ, որ ան տագնապալի փուլի դէմ յանդիման կը գտնուի:

Տարագրութենէն ետք մեծաթիւ վերապրող գաղթականներու Լիբանան հաստատումը եւ անոր կեցութիւնը հոս դիւրին ու հեզասահ պայմաններու մէջ չէ եղած:

Յ. ԲԱԳՐԱՏՈՒՆԻ

 

Լիբանանի հայութեան պատմութեան մէջ առաջին անգամը չէ, որ ան տագնապալի փուլի դէմ յանդիման կը գտնուի:

Տարագրութենէն ետք մեծաթիւ վերապրող գաղթականներու Լիբանան հաստատումը եւ անոր կեցութիւնը հոս դիւրին ու հեզասահ պայմաններու մէջ չէ եղած:

Բայց ապրած է մեր ժողովուրդը, ծաղկած է անոր առօրեան, հայ մարդը անհատապէս կամ հաւաքաբար կառուցած է ինքզինք:

Արագ ակնարկով մը գէթ վերջին հարիւրամեայ մեր լիբանանահայ պատմութեան, անմիջապէս կը յստականայ ա՛յն, որ մեր գոյութիւնը յարատեւած է, ազգային-հասարակական կառոյցները հիմնուած ու պահպանուած են, լիբանանահայութիւնը բարգաւաճ կացութեան մէջ ապրած է, շնորհիւ ժողովրդային բոլոր շերտերուն անվերապահ աջակցութեան, վեհանձն նուիրուածութեան, անհուն զոհաբերութեանց:

Մեր կրօնական, կրթական, մշակութային, բարեսիրական, մարզական, կուսակցական ու հասարակական ամէն կառոյցի իւրաքանչիւր քար յատկանշուած է ծանօթ կամ անանուն բարերարի մը հսկայական թէ փոքր նուիրաբերումով, զոհաբերութեամբ կամ ծառայութեամբ:

Կարդա՛նք եկեղեցիներու, դպրոցներու, ակումբներու կամ միութենական կեդրոններու մուտքի պատերուն արձանագրութիւնները եւ հոն պիտի տեսնենք անունն ու անունները բազմահարիւր անհատներու, հայ մարդոց ազնիւ զգացումներու տէր հայորդիներու, որոնք քար-քարի վրայ դնելով կառուցած են լիբանանահայութիւնը իբրեւ ամրոց:

Նուիրաբերումը, նուիրատուութիւնը, ունեցածէն եւ ոչ աւելցածէն տալը հաճոյք չէ, ո՛չ ալ պարտաւորութիւն եղած է մեր ժողովուրդի զաւակներուն համար:

Նուիրաբերումը Լիբանանի հայութեան եւ Լիբանանին հաւատացող դուրսը ապրող հայերուն առաքինութիւնն է:

Ու եթէ այսօր, Լիբանանի մէջ փոթորիկներու պատճառով Լիբանանի հայութիւնը կ՛ապրի դժուարին օրեր, ապա երբեք պէտք չէ վհատիլ, որովհետեւ հայուն առաքինութիւնը չի քանդուիր:

Տօնական այս օրերուն մեր հայրենակիցներուն նուիրաբերելու պատրաստակամութիւնը բարեսիրական տրամադրութիւն եւ օժանդակութիւն ըլլալէն աւելի՛ն է:

Հայ մարդուն նուէրն է հայ մարդուն, հայ ընտանիքին, հայ մանուկին, նուազ բախտաւոր պարագային:

Հաւաքական զօրակցութեամբ մենք միշտ ամուր մնացած ենք:

Նուիրաբերումի այս արշաւին մասնակցելու հրաւիրուած ենք բոլորս, նախ Լիբանանի մէջ ապրող հայերս, ապա Լիբանանէն բաժնուած արտասահմանի մեր հայրենակիցները, համեմատաբար աւելի լաւ պայմաններու մէջ ապրող մեր քոյրերն ու եղբայրները:

Երէկ պատահաբար կը թերթատէի նախկին լիբանանահայ բժիշկ Վարդան Թաշճեանի «Գաղթակայանէն բժշկութիւն» գիրքը, ուր իր զաւկին` Րաֆֆիին կը պատգամէ.

- Պատգամս, ձեզի եւ ամէն ցանկացողին, հետեւեալն է.

Հացէդ կտոր մը տալով աղքատին,

Սիրտէդ քանի մը զարկեր` հիւանդին,

Կեանքէդ քանի մը տարի համայնքին.

Եւ գանձէդ կոկիկ գումար մը` ազգին,

Հաւատա՛, քեզմէ ոչինչ կը պակսի,

Վեհանձնութիւնդ երկինք կը հասնի…:

Ահա իսկական առաքինութիւնը:

Այսօր, բոլորս վերակենդանացնենք հայ մարդուն նուիրաբերումի առաքինութիւնը:

Միասնաբար ուրախացնե՛նք հայ ընտանիք մը:

«Ազդակ»

Յարակից լուրեր

  • Դեսպան Աթաբէկեան այցելեց Ապպաս Իպրահիմի
    Դեսպան Աթաբէկեան այցելեց Ապպաս Իպրահիմի

    Լիբանանի մէջ Հայաստանի դեսպան Վահագն Աթաբէկեան երէկ այցելեց Ընդհանուր ապահովութեան ընդհանուր տնօրէն հազարապետ-զօրավար Ապպաս Իպրահիմի:

  • Երեսփոխան Բագրատունի շնորհակալական նամակ յղեց Սուրիոյ խորհրդարանի նախագահին
    Երեսփոխան Բագրատունի շնորհակալական նամակ յղեց Սուրիոյ խորհրդարանի նախագահին

    ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունի երէկ Հայկական երեսփոխանական պլոքին, անձամբ իր ու իր ներկայացուցած ժողովրդային զանգուածին անունով շնորհակալական նամակ մը յղեց Սուրիոյ խորհրդարանի նախագահին եւ խորհրդարանին` Օսմանեան կայսրութեան կողմէ գործուած Հայոց Ցեղասպանութիւնը ճանչնալու եւ դատապարտելու իր պատմական որոշումին առիթով:

  • Լիբանանեան ճգնաժամ. նոր կառավարութեան յաջողելու հեռանկարը մշուշոտ է
    Լիբանանեան ճգնաժամ. նոր կառավարութեան յաջողելու հեռանկարը մշուշոտ է

    Լիբանանի խորհրդարանը փետրւարի 11-ին 63 կողմ, 20 դէմ, 1 ձեռնպահ ձայներով (ընդհանուր 128-ից) վստահութեան քւէ յայտնեց վարչապետ Հասան Դիաբի կողմից ձեւաւորւած մասնագէտների կառավարութեանը: Այժմ արդէն գործադիր մարմնի առջեւ կանգնած է երկիրը համակողմանի խրթին ճգնաժամից դուրս բերելու լրջագոյն մարտահրաւէրը: Հարկ է նշել, որ ինչպէս քւէարկութեանը նախորդած եւ դրա ողջ ընթացքում, այնպէս էլ անգամ յաջորդած օրերին չեն դադարել արդէն նորակազմ կառավարութեան դէմ տարաբնոյթ բողոքի գործողութիւնները:

  • «Իրանը կարեւորում է Լիբանանի տարածքային ամբողջականութեան, անկախութեան եւ ազգային միասնութեան պահպանումը». Լարիջանին՝ Բէյրութում
    «Իրանը կարեւորում է Լիբանանի տարածքային ամբողջականութեան, անկախութեան եւ ազգային միասնութեան պահպանումը». Լարիջանին՝ Բէյրութում

    Իրանը կարեւորում է Մերձաւոր Արեւելքի առանցքային խաղացող երկրներից՝ Լիբանանի տարածքային ամբողջականութեան, անկախութեան, երկրի բարգաւաճման, զարգացման, եւ ազգային միասնութեան պայմանների արդիւնաւէտ ապահովումը:

  • Կանխահաս մեծ մարտահրաւէր եւ սպասուող դժուար որոշում
    Կանխահաս մեծ մարտահրաւէր եւ սպասուող դժուար որոշում

    Լիբանանեան խորհրդարանը չորեքշաբթի, 12 փետրուարին գումարեց կառավարութեան աշխատանքային ծրագիրի քննարկման իր լիագումար նիստը, որուն աւարտին չքացաւ 29 հոկտեմբերէն` նախորդ գործադիր իշխանութեան հրաժարականէն ի վեր, երկրին մէջ ստեղծուած վնասաբեր քաղաքական բացը: Արդարեւ, կառավարութեան նկատմամբ վստահութեան քուէարկութեան նիստին ներկայ 84 երեսփոխաններէն 63-ը կառավարութեան նկատմամբ վստահութեան հարցով «այո՛» քուէարկեցին, 20-ը` «ո՛չ», իսկ մէկ երեսփոխան մնաց ձեռնպահ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։