Հա

Ազգային

21/12/2019 - 14:20

Ընկեր Աբոյի Պուրճ Համուտը

Դաշնակցական հրապարակագիր եւ հրապարակախօս Սեդօ Պոյաճեանն իր ֆէյսբուքեան էջում անդրադարձել է Լիբանանի քաղացիական պատերազմի տարիներին լիբանանահայութեան պաշտպանութեան գործում դաշնակցական ականաւոր գործիչ ընկ. Աբօ Աշճեանի առանցքային դերակատարութեանը, ինչպէս նաեւ՝ Բուրջ Համուդի նշանակութեանը:

«alikonline.ir» - Դաշնակցական հրապարակագիր եւ հրապարակախօս Սեդօ Պոյաճեանն իր ֆէյսբուքեան էջում անդրադարձել է Լիբանանի քաղացիական պատերազմի տարիներին լիբանանահայութեան պաշտպանութեան գործում դաշնակցական ականաւոր գործիչ ընկ. Աբօ Աշճեանի առանցքային դերակատարութեանը, ինչպէս նաեւ՝ Բուրջ Համուդի նշանակութեանը:

«Քաղաքացիական երկարամեայ կռիւներու ընթացքին, Լիբանանի հայութեան պաշտպանութեան վէմն էր Աբօ Աշճեան։ Այդ պաշտպանութեան մարտկոցը Պուրճ Համուտն էր։ Այդ մարտկոցին ռազմավարական միտքն ու արիութեան ոգին ընկ. Աբոն էր։

Արդարացիօրէն պէտք է ըսել որ ասիկա ընկեր Աբոյի Պուրճ Համուտն էր։ Պուրճ Համուտը գրեթէ մեր նոր Կարսն էր։ Ան մեր արդի մարտականացման հնոցն էր, մեր քաղաքականացման քուրան էր, արդարութեան մարտիկին դարբնոցն էր։ Այս բոլորի մէջ ֆիզիկապէս տեսանելի չէր եւ չէր ուզեր ըլլալ մեր մեծ ընկերը, սակայն ողջ ժողովուրդը գիտէր ու կը զգար անոր կամքին ներկայութիւնը։

Ա՛յո, ասիկա ընկ. Աբոյի Պուրճ Համուտն էր։ Այստեղ, Դաշնակցութիւնը կը պաշտպանէր բովանդակ հայութեան շահերը՝ առանց դասակարգային կամ կուսակցական խտրութեան։ Նաեւ այստեղ, Դաշնակցութիւնը կը ծառայէր Հայաստանի եւ հայութեան դատին՝ իր բոլոր ուժերով եւ երբ հարկ է՝ իր արդարութեան մարտիկին կեանքով։

Այս բոլորն էր ընկ. Աբոյի Պուրճ Համուտը։ Բանակի համազօր կազմակերպ ուժեր, թաղերու պաշտպանութիւն՝ գրոհներու դէմ, հայկական հաստատութիւններու ապահովութիւն, ժողովուրդին պարէնաւորում, առողջապահութեան հոգատարութիւն... գրեթէ կառավարութեան համազօր կառոյց եւ աշխատանք։ Բառերը անբաւարար են նկարագրելու համար գործը - այն մեծ գործը, որ կատարուեցաւ ընկ. Աբոյի Պուրճ Համուտին մէջ։

Ընկ. Աբոյի Պուրճ Համուտը կը մնայ կանգուն։ Մեր ընկերոջ ներկայութիւնը տակաւին կը սաւառնի անոր վերեւ, որպէսզի շարունակէ իր ծոցէն ծնիլ նոր Աբոներ, Խաչիկներ, Անդոներ, Ղամպուրներ..., միշտ ի սպաս մեր ժողովուրդի պաշտպանութեան եւ Հայ Դատի պահանջատիրութեան պայքարին»,- գրել է նա:

Յարակից լուրեր

  • Հայաստանը՝ անտիրապետելին
    Հայաստանը՝ անտիրապետելին

    «Փրկիչ» անուանեցին մարդու մը, որ փաստեց թէ դրածոյ է արտաքին ուժերու։ Ան կատարեց իրեն տրուած պատուէրը՝ յանձնեց Արցախը։ Հիմա կարգը հասաւ ներկայ Հայաստանի սահմաններու քննարկման՝ պատրուակելով աղբաման նետուած հին քարտէզներ։ Պէտք է համբերել կռուելով, պէտք է շարունակել պայքարը՝ ի սպաս Հայաստան աշխարհի ամբողջականութեան։ Այս ոջիլանման մարդն ալ կ՚անցնի՝ իր հետ տանելով ներկայ խորշակը։

  • Նիկոլ Փաշինեան տապալեց սահմանադրութիւնը
    Նիկոլ Փաշինեան տապալեց սահմանադրութիւնը

    Վարչապետ Նիկոլ Փաշինեան կը շարունակէ պնդել, թէ իր ստորագրութիւնը կրող «զինադադարի» փաստաթուղթը պարզապէս յայտարարութիւն մըն է։

    Նոյնիսկ հարեւանցի ընթերցանութեամբ ակնյայտ է, թէ այս փաստաթուղթը «յայտարարութիւն» չէ, այլ՝ «կապիտուլացիայի» (անձնատրութեան) համաձայնագիր է, ուր սեւով ճերմակի վրայ արձանագրուած են Հայաստանի եւ Արցախի հանրապետութիւններու անձնատրութեան բաղադրիչ տարրերն ու պայմանները։

  • Արցախեան ինքնապաշտպանութեան նժարին վրայ
    Արցախեան ինքնապաշտպանութեան նժարին վրայ

    Տակաւին երեք տարի առաջ կը զգուշացնէինք Հայաստանի մէջ տեղի ունեցող զարգացումներուն ներկայացուցած հաւանական վտանգը յատկապէս Արցախին եւ ընդհանրապէս Հայաստանին ու հայութեան։ Ներկայ պատերազմը այսօր կը հաստատէ այդ վտանգին համար հնչեցուած ահազանգին իրականացումը։

  • Մեր միակ վախը վախնալն է
    Մեր միակ վախը վախնալն է

    Արցախի դէմ շղթայազերծուած շարունակուող յարձակումը Թուրքիոյ համընդհանուր պատերազմն է հայութեան դէմ։ Այս պատերազմի ճամբով Թուրքիա կը հետապնդէ եռեակ թիրախներ.

  • Յեղափոխութեան մէջ կրկին յեղափոխութիւն ըլլալու հրամայականը
    Յեղափոխութեան մէջ կրկին յեղափոխութիւն ըլլալու հրամայականը

    Ժամանակի թաւալումով բաւարարուածութեան բարդոյթ մը կը զարգանայ ազգային կեանքին մէջ։ Բարդոյթը, սակայն, լոկ պատրուակ է հեռու մնալու նախաձեռնութենէ։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։