Հա

Ազգային

22/12/2019 - 14:50

«Ատելութիւնն ու թշնամանքը ուրախացնում է արտաքին թշնամիներին եւ տկարացնում՝ բոլորիս». Վիգէն Բաղումեան

«Ըստ երեւոյթին, այս օրերին օտարամոլներն ու լրտեսները, աւելի ձայնաւոր են գտնւել՝ որոնց միացել է կողքի ապազգային տարրը»,- այս մասին «Ալիք»-ին ասաց ՀՅԴ Բիւրոյի անդամ ճրտգ. Վիգէն Բաղումեանը, ով նաեւ խօսեց մի շարք այլ հարցերի մասին:

«ԱԼԻՔ», Ա. Է. - «Ըստ երեւոյթին, այս օրերին օտարամոլներն ու լրտեսները, աւելի ձայնաւոր են գտնւել՝ որոնց միացել է կողքի ապազգային տարրը»,- այս մասին «Ալիք»-ին ասաց ՀՅԴ Բիւրոյի անդամ ճրտգ. Վիգէն Բաղումեանը, ով նաեւ խօսեց մի շարք այլ հարցերի մասին:

 

Հ.- Պրն. Բաղումեան, Համահայկական մասշտաբով նոյեմբեր-դեկտեմբեր ամիսները պսակւեցին հայութեան յաղթանակներով՝ կապւած ԱՄՆ երկպալատ Կոնգրեսի հայանպաստ երկու բանաձեւերի հաստատմամբ:

Խնդրում եմ Ձեր գնահատականը:

Պ.- Անկասկած դա շատ մեծ յաղթանակ էր, որը ձեռք բերւեց Ամերիկայի մեր Հայ Դատի յանձնախմբերի եւ ամերիկահայութեան երկար տարիների տքնաջան աշխատանքի շնորհիւ:

Իհարկէ, այս յաջողութեան մէջ վճռական դեր ունեցաւ նաեւ ԱՄՆ-Թուրքիա ոչ-բարեկամական ներկայ իրավիճակը:

Այս յաղթանակը երկու ուղղութեամբ գործունէութեան նոր ծրագրեր է պահանջում մեզանից՝

ա- Առաւել քան անցեալում կենտրոնանալ պահանջատիրութեան ու հատուցման հարցի վրայ՝ նկատի ունենալով բոլոր գործական մանրամասնութիւններն ու առնւելիք առաջնահերթ քայլերը: Եւ հեռու մնալ անիրատեսական ու հեռահար բանաձեւումներից:

բ- Հաշւի առնելով Թուրքիայի ազգայնամոլ շրջանակների ու ներկայ իշխանութիւնների ջղագրգիռ եւ վայրագ հակազդեցութիւնները՝ նախապատրաստւել բոլոր բնագաւառներում, յատկապէս քարոզչական հարթակի վրայ չէզոքացնելու նրանց ծրագրերը:

Ի վերջոյ, ես էլ այն կարծիքին եմ, որ մեր աշխատանքների խոշորագոյն մասը այժմ պիտի կենտրոնանայ թուրք հասարակութեան վրայ՝ մտաւորական, քաղաքական եւ գիտակից տարրերին համոզել, որ պատմական ճշմարտութիւնը ընդունեն այնպէս որ է: Պիտի համոզել, որ սա բխում է երկու ժողովուրդների շահերից եւ նպաստելու է տարածաշրջանի խաղաղութեանն ու զարգացմանը:

 

Հ.- Նոյեմբերին Իրանն եւս տագնապային պայմաններ դիմագրաւեց, որն էլ խնդրոյ առարկայ դարձրեց երկրի ազգային-պետական շահերը:

Ըստ Ձեզ՝ որքանո՞վ են շարունակւելու վտանգւած մնալ սոյն շահերը՝ արտաքին եւ մասնաւորապէս ԱՄՆ-ի սաստկացող սանկցիաների առկայութեամբ:

Պ.- Մատնանշւած տագնապը, արդիւնք է առարկայական իրադրութեան, կարող է շարունակւել այնքան ժամանակ, որքան այդ իրադրութիւնը շարունակում է մնալ անփոփոխ: Իսկ բոլոր երեւոյթները առայժմ թոյլ են տալիս ենթադրել, որ դա անփոփոխ է: Իրավիճակը բոլոր առումներով վտանգաւոր է, եւ պիտի յոյս ունենալ, որ Իրանի իշխանութիւնները կը ցուցաբերեն անհրաժեշտ քաղաքական հմտութիւնն ու իմաստութիւնը եւ կը չէզոքացնեն այս ահաւոր վտանգը: Իսկ դրան հասնելու համար կարիք կը լինի նոր մօտեցումների կիրառման՝ յատկապէս արտաքին քաղաքականութեան ասպարէզում, իհարկէ, նաեւ ներքին սոցիալ-տնտեսական ոլորտներում:

 

Հ.- Պրն. Բաղումեան. հայաստանեան ներքաղաքական կեանքում դարձեալ ականատեսն ենք հակադաշնակցական խմորումների: Նորից արծարծւում ու գործի են դրւում հին-նոր, ներսի թէ՛ դրսի Դաշնակցութիւն այսպէս ասած մարտավարական հնարքները:

Ո՞րն է, Ձեր կարծիքով, ՀՀ իշխանութիւնների հակադաշնակցական նոր կուրսի հեռահար նպատակը:

Պ.- Ես իշխանութիւններին միատարր չեմ տեսնում: Այն մի ամբողջ խառնարան է՝ գրեթէ պատահականօրէն համախմբւած պետական համակարգում: Կան ազգային գիտակցութեամբ պետականամէտ լուրջ շրջանակներ, կան պատեհապաշտներ կամ անփորձ ոչ-պիտանի մարդիկ, կան կոսմոպոլիտներ, որոնց համար հայրենիք չկայ, այլ կայ մի հանրապետութիւն, որը դիպւածով գտնւում է Հայաստանի տարածքում, եւ վերջապէս, ու դժբախտաբար, կան գիտակցաբար կամ ոչ՝ օտարին ծառայող տարրեր:

Անցնող մէկուկէս տարւայ ընթացքում իշխանութիւնների վերաբերմունքը ՀՅԴ-ի նկատմամբ փոփոխական է եղել՝ դրականից մինչեւ խիստ բացասական, նայած, թէ վերոնշեալ տարրերից որն է իշխանութեան մէջ գերիշխող ձայն ունեցել:

Ըստ երեւոյթին, այս օրերին օտարամոլներն ու լրտեսները, աւելի ձայնաւոր են գտնւել՝ որոնց միացել է կողքի ապազգային տարրը: Ինչ վերաբերում է վարչապետին, նա դժբախտաբար, բացի մէկ-երկու կարեւոր եւ անկարեւոր հարցերի պարագային, հանդէս չի գալիս խորքային վճռականութեամբ: Տատանւում է, տրւում է կրքերի՝ ազդւելով սրանից կամ նրանից: Սա պետական առաջին դէմքի համար ոչ-ցանկալի եւ անհեռանկար վարքագիծ է, իր բոլոր բացասական հետեւանքներով՝ բոլորի՝ երկրի, իր իշխանութեան, այդ թւում ՀՅԴ-ի համար:

Այս ատելութեան ու թշնամանքի մթնոլորտը ուրախացնում է միայն մեր արտաքին թշնամիներին եւ տկարացնում բոլորիս միասին:

Յարակից լուրեր

  • Ասիայի եկեղեցիների խորհուրդը ճանաչում է Հայոց Ցեղասպանութիւնը
    Ասիայի եկեղեցիների խորհուրդը ճանաչում է Հայոց Ցեղասպանութիւնը

    Ասիայի եկեղեցիների խորհուրդը (կազմւած Ասիայի ողջ տարածքում գտնւող երկրների քրիստոնեայ եկեղեցիներից, ներառեալ Հայաստանեայց եկեղեցին), զօրակցելով հայ եկեղեցուն եւ ժողովրդին, իր գոհունակութիւնն է յայտնում ԱՄՆ նախագահ Ջօ Բայդէնի Հայոց Ցեղասպանութեան ճանաչման առիթով, եւ իր հերթին միանում է աշխարհի խաղաղասէր մարդկութեանը, դատապարտելով ամէն տեսակի բռնութիւն, պատերազմ ու ժողովուրդների խաղաղ կեանքը խանգարող որեւէ արարք։

  • Մոլեգնած Անգարան
    Մոլեգնած Անգարան

    Սպասելի էր Անգարայի մերժողական կեցուածքն ու կայծակնային հակազդեցութիւնը՝ Ցեղասպանութեան պատմական փաստը ճանչնալու Ա․Մ․Ն․-ի նախագահ Ճօ Պայտընի Ապրիլ 24-ի յանդուգն յայտարարութենէն ետք։ Պայտըն, առանց բառերը ծամծմելու, նոյնիսկ երկու անգամ գործածեց տարիներ շարունակ հպարգելք (taboo) հանդիսացած ՑԵՂԱՍՊԱՆՈՒԹԻՒՆ բառը։

  • ««Բայդէնի խօսքը եւ Էրդողանի թուլութիւնը». Թուրքիան կորցրել է նշանակութիւնը Միացեալ Նահանգների համար». Al-Monitor
    ««Բայդէնի խօսքը եւ Էրդողանի թուլութիւնը». Թուրքիան կորցրել է նշանակութիւնը Միացեալ Նահանգների համար». Al-Monitor

    Գաղտնիք չէ, որ յունւարի 20-ին Ջօ Բայդէնի երդմնակալութիւնից ի վեր Թուրքիայի նախագահ Ռեջեփ Թայիփ Էրդողանը «նեարդայնօրէն սպասում էր» իր ամերիկացի գործընկերոջ զանգին: Անկարայի ընկալմամբ, Վաշինգտոնից ստացւած զանգը պէտք է հաստատէր, որ երկու երկրների յարաբերութիւնները կը շարունակւեն սովորականի պէս, չնայած դեռեւս 2020 թւականին Բայդէնի նախընտրական արշաւի ընթացքում առկայ յայտնի կանխատեսումներին, որ դեմոկրատ նախագահի օրօք Թուրքիային ծանր ժամանակներ են սպասւում: 

  • Խմբագրական. Ցեղասպանութեան ճանաչում, տարածքային ամբողջականութիւն եւ գերիշխանութիւն
    Խմբագրական. Ցեղասպանութեան ճանաչում, տարածքային ամբողջականութիւն եւ գերիշխանութիւն

    Միացեալ Նահանգներու վարչակարգին կողմէ Հայոց Ցեղասպանութեան ճանաչումը ճիշդ է, որ նախագահ Պայտընի օրով եղաւ, այդուհանդերձ ենթահողի ձեւաւորման առումով որոշ հոլովոյթ ապրած էր: Ուշագրաւ ձեւակերպում բերաւ նախագահ Օպաման «Մեծ Եղեռն» ըսելաձեւը օգտագործելով: Օպամայի բնութագրումը ըստ էութեան 1915-ի իրադարձութիւնները ցեղասպանութիւն նկատել էր` խուսափելով միջազգային պատասխանատուութիւն ենթադրող եզրոյթը օգտագործելէ: Նախագահ Թրամփ շարունակեց ըստ էութեան իր նախորդին բնութագրումը տալու-խուսափելու քաղաքականութիւնը:

  • Փոխհատուցումը եղել է եւ շարունակելու է մնալ միակ ընդունելի արդիւնքը. Հ.Յ.Դ. Հ.Ե.Դ. ԱՄՆ-ի Արեւմտեան շրջանի Կենտրոնական վարչութիւն
    Փոխհատուցումը եղել է եւ շարունակելու է մնալ միակ ընդունելի արդիւնքը. Հ.Յ.Դ. Հ.Ե.Դ. ԱՄՆ-ի Արեւմտեան շրջանի Կենտրոնական վարչութիւն

    Ապրիլի 24-ին նախագահ Ժոզէֆ Ռ. Բայդէնը յայտարարութիւն է հրապարակել, որով վերջապէս Միացեալ Նահանգների պաշտօնական քաղաքականութիւնն է դառնում` ճանաչել Հայոց Ցեղասպանութիւնը, ինչպէս այն կայ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։