Հա

Ազգային

29/12/2019 - 10:20

«Գրառման ամբողջ վտանգաւոր մեսիջը հէնց սա էր. վարչապետը դրանով արդարացնում է իր այսօրւայ հետապնդումները». Իշխան Սաղաթելեան

ՀՀ վարչապետ Նիկոլ Փաշինեանը ֆէյսբուքեան իր էջում 2008 թւականին արւած տեսանիւթ էր տեղադրել եւ կից գրել, որ այդ ժամանակ ինքը գտնւել է ընդյատակում, իսկ երբ Աննա Յակոբեանը ոչ զանգւածային երթ էր կազմակերպել Երեւանի մայթերով՝ ի պաշտպանութիւն քաղբանտարկեալների, իշխանութիւնները խոչընդոտել են:

«alikonline.ir» - ՀՀ վարչապետ Նիկոլ Փաշինեանը ֆէյսբուքեան իր էջում 2008 թւականին արւած տեսանիւթ էր տեղադրել եւ կից գրել, որ այդ ժամանակ ինքը գտնւել է ընդյատակում, իսկ երբ Աննա Յակոբեանը ոչ զանգւածային երթ էր կազմակերպել Երեւանի մայթերով՝ ի պաշտպանութիւն քաղբանտարկեալների, իշխանութիւնները խոչընդոտել են:

«Այսպէս խոչընդոտում էին բոլոր քաղաքացիների ազատ հաւաքների իրաւունքը: Աննան այս ակցիաներն անում էր, որովհետեւ արտակարգ դրութիւնից, սպանութիւններից ու բանտարկութիւններից յետոյ քչերն էին համարձակւում օգտւել իրենց քաղաքացիական իրաւունքներից, որովհետեւ կարող էին բանտարկւել, ծեծւել, սպանւել:

Եւ այս իրականութիւնը կերտածները՝ սկսած նոտարական գրասենեակներ գողացածներից, աւարտած երկիրը թալանած սերժիկներով՝ դեռ վնգստում են քաղաքական հետապնդումների մասին: Դուք դեռ պէտք է մոմ վառէք առաւօտ ու իրիկուն, որ դեռեւս ազատութեան մէջ էք: Սերմացու գողացող մկներ»,- գրել էր վարչապետը:

168.am-ը ՀՅԴ Գերագոյն մարմնի անդամ Իշխան Սաղաթելեանից հետաքրքրւեց՝ որպէս նախկին իշխանութեան անդամ՝  ինչպէ՞ս է վերաբերւում վարչապետի այդ յայտարարութեանը, արդեօ՞ք իրենց «այսօրւայ ազատութեան համար մոմ վառում են»։

«Չեմ կարծում, որ վարչապետի այս յայտարարութիւնը վերաբերում է Դաշնակցութեանը։ Վարչապետի այդ գրառման մէջ մէկ ուրիշ վտանգաւոր բան կար։ Նա իր հրապարակած տեսանիւթով ցանկանում էր ասել, որ 2008 թւականին իր ընտանիքի անդամների նկատմամբ ոստիկանները բռնութիւն են գործադրել։

Ըստ այդմ, եթէ վարչապետն այսօր իր քայլերն արդարացնում է նրանով, որ նախկինում հետապնդումներ են եղել, ուստի այսօր ինքը նոյնպէս պէտք է անի, ապա ամէն ինչ շատ վտանգաւոր է։ Այսինքն, եթէ նախկինում սխալ բան են արել, այսօր վարչապետն իր սխալները դրանո՞վ է բացատրում»,- նշեց Իշխան Սաղաթելեանը։

Նրա բնորոշմամբ՝ այս համատեքստում Հայաստանում փոփոխութիւնների մասին խօսք լինել չի կարող.

«Այդ գրառման ամբողջ վտանգաւոր մեսիջը հէնց սա էր, որ վարչապետը դրանով արդարացնում է իր այսօրւայ հետապնդումները»,- եզրափակեց Իշխան Սաղաթելեանը։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։