Հա

Ազգային

18/01/2020 - 10:40

Հայ ազգագրագէտի ամօթալի գրառումն ու դեսպան Բալայեանի հաւանութիւնը

«Ուրեմն ձեան սպասումով մտնում ես ֆէյս ու բախւում հայկական մեդիայի փայլուն վերնագրերին. ՍԱՍՈՒՆԻ ԲԱԶՄԱԹԻՒ ԳԱՂՏՆԻՔՆԵՐԻՑ ՄԷԿԸ. ԱՐԱԲԱԽՕՍ ՀԱՅԵՐ; ՌՈՒՍԱՍՏԱՆԻ ՆՈՐ ՎԱՐՉԱՊԵՏԸ ԿԻՍՈՎ ՉԱՓ ՀԱՅ Է: Նաւթալինի հոտը սպանում ա: Աշխարհն աշխարհով, մենք ենք մեր սարերը». սա ՀՀ հնագիտութեան եւ ազգագրութեան ինստիտուտի գիտաշխատող տիկին Լուսինէ Խառատեանի որակում-գրառումն է՝ ֆէյսբուքեան էջին:

ՎԱՀԷ ՍԱՐԳՍԵԱՆ

 

«Ուրեմն ձեան սպասումով մտնում ես ֆէյս ու բախւում հայկական մեդիայի փայլուն վերնագրերին. ՍԱՍՈՒՆԻ ԲԱԶՄԱԹԻՒ ԳԱՂՏՆԻՔՆԵՐԻՑ ՄԷԿԸ. ԱՐԱԲԱԽՕՍ ՀԱՅԵՐ; ՌՈՒՍԱՍՏԱՆԻ ՆՈՐ ՎԱՐՉԱՊԵՏԸ ԿԻՍՈՎ ՉԱՓ ՀԱՅ Է: Նաւթալինի հոտը սպանում ա: Աշխարհն աշխարհով, մենք ենք մեր սարերը». սա ՀՀ հնագիտութեան եւ ազգագրութեան ինստիտուտի գիտաշխատող տիկին Լուսինէ Խառատեանի որակում-գրառումն է՝ ֆէյսբուքեան էջին:

Նշենք, որ Yerkir.am-ը եւս արտատպել էր Կանադայի համայնքային թերթի կայքից (horizonweekly.ca) Սոֆեա Յակոբեանի «Սասունի բազմաթիւ գաղտնիքներից մէկը` արաբախօս հայեր» ուսումնասիրութիւնը, որի կարեւորութեան եւ հետաքրքրականութեան մասին, կարծում ենք, կարիք չկայ մեկնաբանելու:

Իհարկէ, ցաւալի է տիկին Խառատեանի այս հեգնական, ցինիկ ոճը նման թեմաների հանդէպ (խօսքը հայութեան կորցրած հայրենիքի, այնտեղ՝ Սասունի լեռներում ապրող հայութեան բեկորների, խեղւած, արաբախօս դարձած հայութեան ճակատագրի մասին է): Առաւել ցաւալի է, որ այսպիսի մօտեցում է ցուցաբերում ոչ աւել, ոչ պակաս՝ Գիտութիւնների ազգային ակադեմիայի անչափ կարեւոր մի հաստատութեան՝ Հնագիտությեան եւ ազգագրութեան ինստիտուտի գիտաշխատողը: Հիմնարկութիւն, որի ներկայացուցիչները նման թեմաները ծաղրելու, իսկ ուսումնասիրութիւնները տարածող լրատւամիջոցներին անւանարկելու, յետամնաց եւ «նաւթալինոտ» կոչելու փոխարէն հէնց իրե՛նք են պարտաւոր ուսումնասիրելու Արեւմտեան Հայաստանում ապրող թաքուն, ձուլւած, օտարախօս եւ այլ հայութեան ճակատագրերը:

Փաստօրէն՝ մենք, հարկատուներս, վճարում ենք այս տեսակին, որ նրանք համազգային հետաքրքրութեան թեմաներն ուսումնասիրելու փոխարէն անխնայ ծաղրեն դրանք:

Բնականաբար, Լուսինէ Խառատեանին եւ նրա ընտանիքը ճանաչողները չեն զարմանա նրա  այսպիսի մօտեցումներից: Նրա մայրը հանրայայտ Հրանուշ Խառատեանն է, եղբայրը՝ կրկին ոչ անյայտ Արսէն Խառատեանը, որոնց՝ օտարերկրեայ (արեւմտեան) քայքայիչ ծրագրերի հետ սերտ առնչութիւնները բոլորին են յայտնի:

Այստեղ մեզ մտահոգողը Նիդերլանդներում Հայաստանի արտակարգ եւ լիազօր դեսպան Տիգրան Բալայեանի արցունքախառն հաւանութիւնն էր այդ ծաղրաւիրաւորական ցինիզմի տակ:

Այս պարագայում եւս, ինչպէս վերեւում նշեցինք, օտար պետութեան մէջ գործող ՀՀ դեսպանն ու դեսպանութիւնը պէտք է խրախուսեն Սփիւռքում կատարւող նման ուսումնասիրութիւնների ի յայտ գալը եւ ամէն կերպ օժանդակեն այդպիսի նիւթերի տարածմանը: Ցեղասպանութիւն, հայ որբեր, հայրենազրկում, օտարախօսութեան պարտադրանքներ, պահանջատիրութիւն... թեմաներ, որոնց հետ ամենանուրբ թելերով կապւած է Կանադայի հայկական համայնքի ամէն հայ: 

Այնինչ՝ ճիշտ հակառակը, ՀՀ դեսպանը, փաստօրէն, խրախուսում է աշխարհաքաղաքացիութիւն դաւանող ու քարոզող ոմն անհայրենիք տեսակի (ընտանիքի) կողմից այդպիսի նիւթերի պախարակումն ու ծաղրումը:

Բնականաբար, պետութիւն ներկայացնող դեսպանի նման քայլը չի կարող համարւել անձնական կարծիք:

Հետեւաբար, ցաւալի է, որ հազարաւոր խնդիրներով լեցուն մեր արտաքին քաղաքական կորպուսի ներկայացուցիչները՝ դեսպանի մակարդակով, բան ու գործերը թողած, աշխատանքի թէժ ժամերին արցունքախառը աչքերով ողբում են այն լրատւամիջոցների վիճակը, որոնք տարածում են համազգային ողբերգութեան արգասիք Հայոց Ցեղասպանութեան, հայությեան հայրենազրկման եւ սեփական հայրենիքում պարտադրանքի ուժով օտարախօս դարձած հայութեան մասին յոյժ կարեւոր («նաւթալինոտ») ուսումնասիրութիւնները՝ այդ ողբին զուգահեռ հաւանելով այդ թեմաները ծաղրող, իսկ դրանք տարածող լրատվւամիջոցների վրայ ցինիկավարի հռհռացող ոմն արկածախդիր տիկնոջ (հայ գիտնական-ազգագրագէտի՞) գրառումները:

Ամօ՛թ:

Yerkir.am

Յարակից լուրեր

  • Արցախի դէմ Ադրբեջանի սանձազերծած պատերազմը եւ Վրաստանը
    Արցախի դէմ Ադրբեջանի սանձազերծած պատերազմը եւ Վրաստանը

    2020 թ. սեպտեմբերի 27-ին Թուրքիայի լայն աջակցութեամբ Ադրբեջանի կողմից Արցախի դէմ սանձազերծւած արիունալի պատերազմին Վրաստանի «մասնակցութիւնը» (խօսքը, իհարկէ, դիրքորոշման, չէզոքութեան պահպանման կամ կողմերից որեւէ մէկին այս կամ այն կերպ աջակցելու մասին է) տեղիք տւեց հայ եւ օտար շրջանակներում բազմաթիւ քննարկումների, մեկնաբանութիւնների, անգամորոշ մեղադրանքների: 

  • Անլրջութի՞ւն, թէ՞ դիտաւորութիւն. ինչո՞ւ չեն լսել ԳՇ պետին
    Անլրջութի՞ւն, թէ՞ դիտաւորութիւն. ինչո՞ւ չեն լսել ԳՇ պետին

    ՀՀ ԶՈՒ ԳՇ պետ, գեներալ-գնդապետ Օնիկ Գասպարեանի տարածած յայտարարութեան մէջ նշւում է, որ պատերազմի չորրորդ օրը անվտանգութեան խորհրդի նիստում ինքը ներկայացրել է մեր կորուստները եւ ստեղծւած իրադրութեան վերաբերեալ զինւած ուժերի գնահատականը:

  • Պռօշեանի ոգին. Երէկ՝ օգոստոսի 23-ին Հրաչ Մուրադեանի ծննդեան տարեդարձն էր
    Պռօշեանի ոգին. Երէկ՝ օգոստոսի 23-ին Հրաչ Մուրադեանի ծննդեան տարեդարձն էր

    Հայաստանի անկախութեան հռչակագրի ընդունման օրը՝ օգոստոսի 23-ին, ազատամարտիկ, Պռօշեանի կամաւորական ջոկատի հիմնադիրներից, նոյն գիւղի երկարամեայ ղեկավար, «Մարտական խաչ» երկրորդ աստիճանի շքանանշանակիր, ՀՅԴ անդամ Հրաչ Մուրադեանի ծննդեան օրն է նաեւ: Օգոստոսի 23-ին նա կը դառնար 57 տարեկան:

  • Նոր դաւադիր չափորոշիչնե՞ր, ո՞րն էր կնքահօր ասելիքը
    Նոր դաւադիր չափորոշիչնե՞ր, ո՞րն էր կնքահօր ասելիքը

    Օրերս մամուլում յայտնւեց ՀՀ առաջին նախագահ Լեւոն Տէր-Պետրոսեանի անդրադարձը կրթական չափորոշիչների շուրջ ընթացող բանավէճի վերաբերեալ, որտեղ շօշափւել էր նաեւ պատմագիտութեանն առնչւող հարցը: Լեւոն Տէր-Պետրոսեանը նշել էր հետեւեալը. «Բանավէճից տպաւորութիւն է ստեղծւում, որ խորհրդային տարիների գռեհիկ-մատերիալիստական պատմագիտութեանը Հայաստանի անկախութիւնից ի վեր փոխարինելու է գալիս աւելի գաւառական, չափազանց վտանգաւոր, հայդատական պատմագիտութիւնը։

  • Մի ուրւական է շրջում, ազգային պետութեան ուրւականը...
    Մի ուրւական է շրջում, ազգային պետութեան ուրւականը...

    Նիկոլ Փաշինեանի՝ մի ժամ առաջ կատարած գրառումից իմացանք, որ Լիբանանի կառավարութիւնը կարիքների գնահատում է անում, եւ, դրանց արդիւնքում ՀՀ կառավարութիւնն ըստ անհրաժեշտութեան կը կայացնի որոշումներ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։