Հա

Ազգային

26/01/2020 - 11:50

«Փաշինեանին եւ Դաշնակցութեանն իրարից բաժանում են ոչ թէ անձնաւորւած հարցերը, այլ այն մեծ երեւոյթը, որ կոչւում է պատասխանատւութիւն երկրի, ժողովրդի ու պետականութեան հանդէպ». Արտաշէս Շահբազեան

ՀՅԴ անդամ Արտաշէս Շահբազեանը ֆէյսբուքեան գրառմամբ արձագանքել է Նիկոլ Փաշինեանի յայտարարութեանը Դաշնակցութեան մասին:

«alikonline.ir» - ՀՅԴ անդամ Արտաշէս Շահբազեանը ֆէյսբուքեան գրառմամբ արձագանքել է Նիկոլ Փաշինեանի յայտարարութեանը Դաշնակցութեան մասին.

«Երբ Փաշինեանն ասում է, թէ Դաշնակցութեան ապագան մշուշոտ է պէտք չէ վրդովւել, իսկապէս, ով գիտէ թէ վաղն ու միւս օրը, 20-տարի յետոյ ինչ գործի մէջ է լինելու Դաշնակցութիւնը: Փոխարէնը լաւ յայտնի է Փաշինեանի ապագան, նա այսօր բահն առած եռանդով փորում է ոտքերի տակի հողը եւ եթէ ինքը չի տեսնում իրականութիւնը մեղաւորը ուրիշները չեն, այլ վերեւներում յայտնւողների այն հիւանդութիւնը, որ այդքան շուտ պատուհասեց թաւշեայ առաջնորդին: Հիւանդութիւնը այնպէս կտրեց նրան իրականութիւնից, որ կարծում է դեռ աստեղային ժամը չի անցել ու անդադար կը կարողանայ ֆռռացնել բոլորին՝ երկրում ու երկրից դուրս: Էսօր էլ մանր խորամանկութեաբ եւս մի փորձ արեց ներքին հակադրութիւններ հրահրելու Դաշնակցութեան մէջ՝ հայաստացիներին մեղադրելով նախկինների հետ մեղսակցութեան մէջ: Իհարկէ ինքը կուզէր, որ Դաշնակցութիւնն իր թեւի տակ լինի, այդ դէպքում գուցէ թոյլ տար, որ մի քիչ էլ ՀՅԴ-ն օգտւի էն լափամանից, ինչին այսօրւայ արկածախնդիրները վերածել են պետական բիւջէն: Բայց նա այդպէս էլ չի հասկանայ, որ իրեն ու Դաշնակցութեանն իրարից բաժանում են ոչ թէ անձնաւորւած հարցերը, այլ այն մեծ երեւոյթը, որ կոչւում է պատասխանատւութիւն երկրի, ժողովրդի ու պետականութեան հանդէպ: Իսկ ինքը ասւածի հետ ոչ մի կապ չունի, որովհետեւ ընդամենը հայոց պատմութեան մեծագոյն թիւրիմացոթիւնն է: Թող թիւրիմացաբար էլ շարունակի իր խաղերը Դաշնակցութեան ու ժողովրդի շուրջը եւ չմոռանայ խորացնել փորել»,- գրել է նա։

Յիշեցնենք, որ Փաշինեանն ասել էր՝ ես կարծում եմ իրականութիւնն այն է, որ ՀՀ կառավարութեան եւ Դաշնակցութեան միջեւ հակադրութիւն չկայ, եթէ կայ հակադրութիւն, ապա Դաշնակցութեան այն հատւածի եւ կառավարութեան միջեւ է, կամ, աւելի ճիշտ, ԿԳՄՍ նախարարութեան, որոնք նախկին իշխանութիւնների եւ նախկին կոռումպացւած համակարգի հետ ունեցել են որոշակի առնչութիւներ։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։