Հա

Ազգային

22/02/2020 - 12:00

«Ապառաժ»-ի խմբագրական. ՀՅԴ-ն՝ պետականութեան կերտման ու բարգաւաճման ակունքներում

Յաճախ ենք լսում այն մասին, որ հայկական իրականութեան մէջ վերջին 130 տարում իւրաքանչիւր յիշարժան, պատմական իրադարձութեան մէջ Դաշնակցութիւնն ունեցել է իր դերն ու նշանակութիւնը: Առաջին հայեացքից այս արտայայտութիւնը կարող է չափազանցութիւն թւալ: Սակայն, հպանցիկ ակնարկով անգամ նայելով հայոց նորօրեայ պատմութեանը, ցայտուն է դառնում Դաշնակցութեան նշանակութիւնը:

Յաճախ ենք լսում այն մասին, որ հայկական իրականութեան մէջ վերջին 130 տարում իւրաքանչիւր յիշարժան, պատմական իրադարձութեան մէջ Դաշնակցութիւնն ունեցել է իր դերն ու նշանակութիւնը: Առաջին հայեացքից այս արտայայտութիւնը կարող է չափազանցութիւն թւալ: Սակայն, հպանցիկ ակնարկով անգամ նայելով հայոց նորօրեայ պատմութեանը, ցայտուն է դառնում Դաշնակցութեան նշանակութիւնը:

130 տարի առաջ, երբ հիմնադրւեց ՀՅԴ-ն, հայ ժողովուրդն ապրում էր ազգային զարթօնքի օրեր: Դաշնակցութիւնը կարողացաւ համախմբել ազգային, յեղափոխական ուժերին թէ՛ Արեւմտեան, թէ՛ Արեւելեան Հայաստանում, իսկ դրա արդիւնքում Դաշնակցութիւնը 20-րդ դարի քսանամեակի շեմին կարողացաւ հիմնադրել Հայաստանի անկախ պետականութիւն, ապա մայր հայրենիքից վտարում, վտարանդի կեանք եւ հայ ազգի հայրենազրկման բեռը կրող Սփիւռքի հատւածներում հայապահպանութեան եւ Հայ Դատի ուղղութեամբ անխոնջ պայքար: Իսկ միւս կողմից, խորհրդային իշխանութիւնները հայ ժողովրդի թշնամի թուրքից առաւել համարում էին Դաշնակցութեանը եւ բոլոր հնարաւոր միջոցներով պայքարում Դաշնակցութեան եւ նրա գաղափարախօսութեան դէմ:

Իսկ մերօրեայ պատմութեան մէջ չի կարելի ուրանալ Դաշնակցութեան դերը Արցախի ազատագրական պայքարի եւ պետութեան կերտման ընթացքում:

Նոյնիսկ պետական համակարգով օժտւած շատ կազմակերպութիւնների գործունէութիւնը համեմատելի չէ Դաշնակցութեան կողմից իրականացւող աշխատանքների ծաւալին եւ տարողութեանը: Սփիւռքում մշակութային օջախների, հայեցի ազգային դաստիարակութեան, ինքնապաշտպանութեան, իսկ հայրենիքում պետական համակարգում աշխատող կուսակցութեան սահմանւած դերը ստանձնելով՝ Դաշնակցութիւնն իր ուսերի վրայ է առնում հայկական իրականութեան մէջ այնպիսի դերակատարում, որը չի կարող անտեսւել հայութեան հետ առնչութիւն ունեցող որեւէ մէկի կողմից:

Հակառակ այն բանի, որ Դաշնակցութիւնը Հայաստանի Ազգային ժողովում չյաջողեց ներկայութիւն ապահովել, չի պակասում Դաշնակցութեան դերը յատկապէս Սփիւռքի եւ արտաքին յարաբերութիւնների ոլորտներում:

Արցախի Հանրապետութեան եւ Ցեղասպանութեան միջազգային ճանաչման ուղղութեամբ Դաշնակցութեան Հայ Դատի յանձնախմբերի դերակատարութիւնն անուրանալի փաստ է: Հայ Դատի գրասենեակներն ու այդ ուղղութեամբ աշխատանք տանող իւրաքանչիւր դաշնակցական Արցախի արտաքին դիւանագիտութեան աշխարհասփիւռ ներկայացուցիչներ են, ովքեր անխոնջ, մարմանդ աշխատանքով հայկական ազգային պահանջատիրութիւնն են ներկայացնում Եւրոպայի սրտից մինչեւ հեռաւոր Աւստրալիա, Միջին Արեւելքից մինչեւ Միացեալ Նահանգներ: Դաշնակցութիւնն իր համահայկական ներուժով զօրավիգ է կանգնում Արցախի Դատին եւ իր մասնակցութիւնը բերում պետականութեան կերտմանն ու բարգաւաճմանը:

 

«Ապառաժ»-ի խմբագրական,

13 փետրւարի, 2020 թ.

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։