Print this page
01/03/2020 - 10:20

ՀՅԴ Գանատայի Կեդրոնական կոմիտէն կեանքի կը կոչէ «Արցախի օժանդակութեան յանձնախումբ»

ՀՅԴ Գանատայի Կեդրոնական կոմիտէն, մշտապէս պատրաստակամ ըլլալով իր բոլոր կարելիութիւններով արձագանգելու ազատ եւ անկախ Արցախի հզօրացման ջանքերուն, կը շարունակէ ունենալ իր ներդրումը Արցախի պետականութեան ամրապնդման առաքելութեան մէջ։

ՀՅԴ Գանատայի Կեդրոնական կոմիտէն, մշտապէս պատրաստակամ ըլլալով իր բոլոր կարելիութիւններով արձագանգելու ազատ եւ անկախ Արցախի հզօրացման ջանքերուն, կը շարունակէ ունենալ իր ներդրումը Արցախի պետականութեան ամրապնդման առաքելութեան մէջ։

Կեդրոնական Կոմիտէն՝ խիստ կարեւորելով Արցախի Հանրապետութեան ինքնաբաւութեան հասնիլը, ընկերային, տնտեսական զարգացման համար բարենպաստ միջավայրի ձեւաւորումը, բնական աճի խթանումը, սահմանամերձ շրջաններու ամրապնդման ու վերաբնակեցման հիմնախնդիրները, ի օժանդակութիւն վերոգրեալներու՝ կեանքի կը կոչէ «Արցախի օժանդակութեան յանձնախումբ»։

Յանձնախումբը արդէն իսկ մեկնարկած է իր աշխատանքները եւ յանձնառու է, յանուն Արցախի բարգաւաճման, օգտագործելու իր ամբողջ ներուժը՝ Արցախի Հանրապետութեան մէջ իրականացնելու ընկերային-տնտեսական աջակցութեան եւ զարգացման տարբեր ծրագիրներ։

Միասին՝ յանուն Արցախի։

ՀՅԴ Գանատայի Կեդրոնական կոմիտէ

Յարակից լուրեր