Հա

Ազգային

03/03/2020 - 12:20

«Գանձասար»-ի խմբագրական. Մշտանորոգ յանձնառութիւն

24 փետրուարին Երեւանի մէջ բացումը կատարուեցաւ Հայ Յեղափոխական Դաշնակցութեան Հայ Դատի յանձնախումբերու եւ գրասենեակներու խորհրդաժողովին, որուն կը մասնակցէին աշխարհի տարբեր անկիւններու մէջ գործող Հայ Դատի աւելի քան 20 յանձնախումբերէ եւ գրասենեակներէ, ինչպէս նաեւ ՀՅԴ կուսակցական մարմիններէ շուրջ 50 ներկայացուցիչներ: Խորհրդաժողովը յաջորդ օրը իր աշխատանքը շարունակեց Արցախի մայրաքաղաք Ստեփանակերտի մէջ:

24 փետրուարին Երեւանի մէջ բացումը կատարուեցաւ Հայ Յեղափոխական Դաշնակցութեան Հայ Դատի յանձնախումբերու եւ գրասենեակներու խորհրդաժողովին, որուն կը մասնակցէին աշխարհի տարբեր անկիւններու մէջ գործող Հայ Դատի աւելի քան 20 յանձնախումբերէ եւ գրասենեակներէ, ինչպէս նաեւ ՀՅԴ կուսակցական մարմիններէ շուրջ 50 ներկայացուցիչներ: Խորհրդաժողովը յաջորդ օրը իր աշխատանքը շարունակեց Արցախի մայրաքաղաք Ստեփանակերտի մէջ:

Համաժողովին օրակարգը Հայ Դատի յանձնախումբերու եւ գրասենեակներու աշխատանքային բոլոր ոլորտները կ’ընդգրկէր Արցախի տագնապէն մինչեւ Հայոց ցեղասպանութեան միջազգային ճանաչում, հատուցում, Թուրքիա-Ազրպէյճան հակահայ պայքար, սփիւռքի մէջ հայապահպանում եւ այլն:

Հայ Դատի գրասենեակներն ու յանձնախումբերը զանազան երկիրներու մէջ տարիներ շարունակ ծառայած են Հայաստանի ու Արցախի շահերուն` յանուն հայ ժողովուրդի պատմական իրաւունքներու ձեռքբերման տարուող տարաբնոյթ աշխատանքներուն, յատկապէս իրազեկ դարձնելով տարբեր ժողովուրդներ, ատեաններ ու քաղաքական շրջանակներ Հայ Դատի էութեան:

Վայելելով մեր ժողովուրդի լայն շրջանակներուն վստահութիւնն ու աջակցութիւնը` անոնք դիւանագիտական ու քաղաքական աշխատանքի հսկայ փորձառութիւն կուտակած են եւ այդ փորձառութիւնը փոխանցած սերունդէ-սերունդ` ամէն ժամանակներու մէջ քաղաքականացած երիտասարդ մարդուժ ունենալու եւ զայն մասնագիտացման ուղղելով ծառայեցնելու Հայ Դատին, Հայաստանին ու Արցախին:

Հայ Դատի 20 յանձնախումբերուն քաղաքական-քարոզչական աշխատանքը համադրուած է մէկ ընդհանուր ռազմավարութեան շրջագիծին մէջ, զոր կը սահմանէ ՀՅԴ Ընդհանուր ժողովը: Հայ Դատի յանձնախումբերուն աշխատանքային ծրագիրները մերթ ընդ մերթ քննարկելու, նոր ժամանակներու մարտահրաւէրներուն, քաղաքական զարգացումներուն հետ քայլ պահելու եւ տարբեր շրջաններու աշխատանքային փորձառութիւնը փոխանակելու համար կը գումարուին նման խորհրդաժողովներ, որոնք սերտողութիւններու, քննարկումներու օրակարգերով յագեցած կ’ըլլան ու նոր առաջարկներով կը հարստացնեն Հայ Դատի գրասենեակներուն եւ յանձնախումբերուն աշխատանքը:

Այս խորհրդաժողովները փորձառութիւններու փոխանակման կողքին, Հայ Դատի զինուորագրեալներուն յանձնառութիւնը շեշտադրելու եւ մարտավարութիւնը ուրուագծելու կոչուած հանդիպումներ են, որոնք ներկայ ժամանակներուն համապատասխանող աշխատելաձեւեր կը ճշդեն ու նոր փորձառութեամբ ու գիտելիքներով կ’օժտեն հայրենիքէն ու սփիւռքի զանազան շրջաններէն միեւնոյն նպատակին համար տագնապող մասնակիցները:

Այս յանձնառութեան կ’ակնարկէր ՀՅԴ Բիւրոյի ներկայացուցիչ, Հայ Դատի Կեդրոնական խորհուրդի նախագահ Յակոբ Տէր-Խաչատուրեան, երբ բացման իր խօսքով կը շեշտէր. «Արցախը սերունդները պիտի ներշնչէ այն հաստատ հաւատքով, որ կամքի առկայութեան պարագային, նպատակը տկարութիւն չի ճանչնար»:

Միջազգային, քաղաքական սրընթաց զարգացումներուն լոյսին տակ Հայ Դատը այսօր աւելի ծանրակշիռ տարողութիւն կը ստանայ աշխարհի մը մէջ, ուր Թուրքիան եւ Ազրպէյճանը շրջապատող արտաքին ուժերու հաւասարակշռութիւնը յարափոփոխ հեռանկարներ կը պարզէ:

 

«Գանձասար»

Յարակից լուրեր

  • Դրսի խրամատը պիտի պահէք, մինչեւ ներսում հակահայկական տարրերից ազատւենք
    Դրսի խրամատը պիտի պահէք, մինչեւ ներսում հակահայկական տարրերից ազատւենք

    Ձեր գործը կրկնակի, եռակի դժւարացել է, որովհետեւ եթէ առաջ թէ ՀՀ, թէ ԱՀ արտգործնախարարութիւնները եւ Հայ Դատի յանձնախմբերն աշխատում էին միասին ձեռք-ձեռքի տւած, ապա հիմա դուք պէտք է աշխատէք եւ Հայ Դատի, եւ իրենց փոխարէն: Այս մասին ՀՅԴ Հայ Դատի յանձնախմբերի եւ գրասենեակների խորհրդաժողովի ժամանակ նշել է ՀՅԴ Արցախի ԿԿ ներկայացուցիչ Արթուր Մոսիեանը՝ ուղջունելով խորհրդաժողովի գումարումն Արցախում:

  • Երբ հարցը Արցախին է վերաբերում, միւս խնդիրները կարծես մոռացւում են
    Երբ հարցը Արցախին է վերաբերում, միւս խնդիրները կարծես մոռացւում են

    Պատերազմից յետոյ աւելի են շեշտւել Արցախի հարցով մեր աշխատանքները, հիմնական օրակարգերը նոյնն են մնացել՝ Արցախի անկախութեան ճանաչում, ինքնորոշման իրաւունքի պատշպանութիւն: Սակայն դրանց վրայ ուրիշ հարցեր էլ են աւելացել՝ պատերազմական գերիների, մշակութային Ցեղասպանութեան, եւ, ընդհանրապէս, մարդասիրական օժանդակութիւնների հարցը: 

  • Իրանի դիւանագիտութիւնը բազմաշերտ է
    Իրանի դիւանագիտութիւնը բազմաշերտ է

    Մեզ համար շատ կարեւոր էր Արցախ այցելելը, յատկապէս յետպատերազմեան շրջանում: Այս մասին «Ապառաժ»-ի հետ զրոյցում նշել է Թեհրանի Հայ Դատի գրասենեակի ներկայացուցիչ Սարինէ Թորոսեանը: Նրա խօսքով՝ այս ծանրագոյն շրջանը յաղթահարելու համար պէտք է որոշել մեր առաջնահերթութիւնները, իսկ Արցախի հարցը պէտք է առաջին տեղում լինի:

  • Հայ Դատի հաւատամքով
    Հայ Դատի հաւատամքով

    Պարտութիւն չկայ Հայ Դատին համար։ Նոյնիսկ ամենադաժան պայմաններուն մէջ, պայքարողներուն անսպառ գործ կայ: Վերյիշենք. ցայտուն օրինակ մըն է դեռ անցեալ Սեպտեմբերին, Հ․Յ․Դ․ Բիւրոյի այն որոշումը, որ հաշուի առնելով 44-օրեայ պատերազմէն ետք Արցախի մէջ ստեղծուած մարդասիրական, անվտանգային եւ բարոյահոգեբանական մարտահրաւէրները, Հայ Դատի համաշխարհային ցանցի կազմին մէջ գործի լծեց Հ․Յ․Դ․ Արցախի Հայ Դատի գրասենեակը:

  • ՀՅԴ Հայ Դատի յանձնախմբերի եւ գրասենեակների խորհրդաժողովն Արցախում
    ՀՅԴ Հայ Դատի յանձնախմբերի եւ գրասենեակների խորհրդաժողովն Արցախում

    Երեւանում նոյեմբերի 29-ին մեկնարկած ՀՅԴ Հայ Դատի յանձնախմբերի եւ գրասենեակների խորհրդաժողովը դեկտեմբերի 2-3-ին իր աշխատանքները շարունակեց Ստեփանակերտում: Խորհրդաժողովի աշխատանքները մինչ այդ գումարւել էին նաեւ Գորիսում:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։