Հա

Ազգային

22/03/2020 - 09:10

Նկատումներ ինքնամեկուսացնող ժահրի մասին

Աշխարհի համաշխարհայնացուած ներկայ համակարգը մեծապէս նպաստեց այդ ժահրին տարածումին, մանաւանդ Եւրոպայի մէջ, ուր «անտեսանելի թշնամի»-ին տարածման կշռոյթը շատ արագ է: Արդարեւ, բաց սահմաններու եւ արագ հաղորդակցութեան բարիքը վերածուեցաւ չարիքի. ժահրը անարգել ու դիւրութեամբ տարածուեցաւ, ուստի բոլոր երկիրներն ալ դիմեցին իրենց սահմաններու փակման` ինքնամեկուսացման: 

ՎԱՀՐԱՄ ԷՄՄԻԵԱՆ

 

Նոր տիպի «Քորոնա» ժահրը վերածուած է պատուհասի` ամբողջ մարդկութեան համար: Առողջապահութեան միջազգային կազմակերպութեան ընդհանուր տնօրէն տոքթ. Թետրոս Ատհանոմ Կեպրէիէսուս զայն կոչեց «մարդկութեան թշնամի», Գերմանիոյ վարչապետ Անկելա Մերքել ստեղծուած կացութիւնը որակեց «Համաշխարհային Բ. պատերազմէն ի վեր մեծագոյն մարտահրաւէր», Իտալիոյ վարչապետ Ճիուզեփէ Քոնթին` «Ծովաշարժ», Ֆրանսայի ելեւմուտքի նախարար Պրիւնօ Լը Մերը` «Տնտեսական եւ ելեւմտական պատերազմ», իսկ Ֆրանսայի նախագահ Էմանուէլ Մաքրոնը` «Առողջապահական վտանգաւոր պատերազմ»: Բոլորին մատնանշումներն ալ ճշգրիտ են, որովհետեւ իրականութեան մէջ կացութիւնը այդ բոլորն է հաւասարապէս:

Աշխարհի համաշխարհայնացուած ներկայ համակարգը մեծապէս նպաստեց այդ ժահրին տարածումին, մանաւանդ Եւրոպայի մէջ, ուր «անտեսանելի թշնամի»-ին տարածման կշռոյթը շատ արագ է: Արդարեւ, բաց սահմաններու եւ արագ հաղորդակցութեան բարիքը վերածուեցաւ չարիքի. ժահրը անարգել ու դիւրութեամբ տարածուեցաւ, ուստի բոլոր երկիրներն ալ դիմեցին իրենց սահմաններու փակման` ինքնամեկուսացման: Չքացան անդրազգային տարածքի բացարձակ բարիք մը ըլլալուն պատրանքները եւ վերականգնուեցան ազգ-պետութիւններու սահմանները:

Արաբական երկիրներ Քաթար, Քուէյթ եւ Արաբական Միացեալ Էմիրութիւններ օժանդակութեան ձեռք երկարեցին տակաւին երէկ «թշնամի» եւ «սպառնալիք» նկատուող Իրանին:

Ամէնուրեք առաւել շեշտուեցաւ ու համատարած դարձաւ անգործութեան սթրեսը եւ փոխարինեց իր երկուորեակը` գործի սթրեսը, որ դարձաւ երանելի:

Ֆրանսայի ելեւմուտքի նախարար Պրիւնօ Լը Մեր յայտարարեց, որ ֆրանսական կառավարութիւնը պատրաստ է «Քորոնա» ժահրին պատճառով նեղութեան մատնուած ֆրանսական մեծ ընկերութիւններուն տրամադրելու աջակցութեան ամէն միջոց, ներառեալ անհրաժեշտութեան պարագային պետականացումը` աջակողմեան կառավարութեան մը կողմէ դրամատիրութեան սրբազան սկզբունքէն յստակ շեղում մը, «հայհոյալից խօսք» մը եւ դէպի ձախ թեքում մը:

Ինքնամեկուսացնող ժահրին ազդեցութիւնը ժամանակաւո՞ր պիտի ըլլայ, թէ ՞ տագնապի աւարտին մուտք պիտի գործենք տարբեր ժամանակաշրջան մը: «Ամէն չարիքի մէջ բարիք մը կայ», կ՛ըսէ ասացուածքը: Յուսանք այդպէս կ՛ըլլայ:

 

«Ազդակ»

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։