Հա

Ազգային

29/03/2020 - 10:40

«Պէտք է ամէն ինչ անել, որպէսզի տնտեսութիւնը նւազ կորուստներով դուրս գայ այս իրավիճակից». Իշխան Սաղաթելեան

ՀՅԴ Հայաստանի Գերագոյն մարմինը հակաճգնաժամային կառավարման վերաբերեալ առաջարկութիւնների փաթեթ է պատրաստել եւ ուղարկել գործադիրին՝ նշելով, թէ ինչ քայլեր կարող են ձեռնարկել, որպէսզի Հայաստանում արտակարգ դրութեան պայմաններում իրավիճակը վերահսկելի լինի:

 «Ժողովուրդ» օրաթերթը այս հարցերի շուրջ զրուցել է ՀՅԴ Գերագոյն մարմնի ներկայացուցիչ Իշխան Սաղաթելեանի հետ՝ պարզելու համար, թէ իրենց առաջարկութիւնների որ հատւածն է կառավարութիւնը ընդունել եւ որը մերժել։

«alikonline.ir» - ՀՅԴ Հայաստանի Գերագոյն մարմինը հակաճգնաժամային կառավարման վերաբերեալ առաջարկութիւնների փաթեթ է պատրաստել եւ ուղարկել գործադիրին՝ նշելով, թէ ինչ քայլեր կարող են ձեռնարկել, որպէսզի Հայաստանում արտակարգ դրութեան պայմաններում իրավիճակը վերահսկելի լինի: 

«Ժողովուրդ» օրաթերթը այս հարցերի շուրջ զրուցել է ՀՅԴ Գերագոյն մարմնի ներկայացուցիչ Իշխան Սաղաթելեանի հետ՝ պարզելու համար, թէ իրենց առաջարկութիւնների որ հատւածն է կառավարութիւնը ընդունել եւ որը մերժել։

- Ստեղծւած իրավիճակում Դաշնակցութեան քաղաքական եւ տնտեսական տեսլականն է այդ փաթեթը, թէ ինչ քայլեր պէտք է ձեռնարկել հակաճգնաժամային իրավիճակից ելնելու համար: Ինքը համապարփակ ծրագիր է, որ յիսուն քայլ է նախատեսւած՝ արտակարգ ռեժիմից բխող քայլերի, տնտեսութեան եւ հանրային տարբեր ոլորտների հետ կապւած՝ կրթութիւն, առողջապահութիւն, բանակ: Մենք այդ ամէնը ներկայացրել ենք կառավարութեանը եւ հրապարակային հանդէս ենք եկել, թէ ստեղծւած իրավիճակում «Դաշնակցութեան» կողմից առաջարկւող լուծումներն ու պատկերացումները որոնք են:

 


- Բայց արձագանքո՞ւմ է կառավարութիւնը ձեր ներկայացրած առաջարկութիւններին, արդեօք ներկայացւած փաստաթղթից յետոյ նկատո՞ւմ էք քայլեր գործադիրի կողմից, որն արւել է ձեր առաջարկութեամբ:

- Պաշտօնական արձագանք չունենք, բայց իրենց գործողութիւնների մէջ տեսնում ենք, որ որոշներն արդէն կիրառւում են, բայց մի քիչ կիսատ-պռատ, թերի: Մենք ինչո՞ւ ենք դիմել կառավարութեանը. որովհետեւ գործադրողը կառավարութիւնն է, այդ գործիքակազմը իրենցն է, մենք նման գործիքակազմ չունենք, ինչի համար դիմել ենք իրենց:

 

- Խնդրում եմ նշէք՝ առաջարկութեան ձեր այն հատւածը, որը ներկայացրել էք կառավարութեանը, ու ինչ-որ չափով այն իրագործել են գործադիրի ներկայացուցիչները:

- Օրինակ՝ առաջին երկու կէտերը՝ արտակարգ դրութիւնից բխող, որ անհրաժեշտ է անմիջական դադարեցնել ձեռնարկատիրական գործունէութեամբ զբաղւող կազմակերպութիւնների գործունէութիւնը՝ բացառութեամբ կենսաապահովմանն ուղղւած ընկերութիւնները ու տրանսպորտի հետ կապւած, որը ասել էինք այն ժամանակ, քանի դեռ այդ որոշումները չէր կայացւել: Ընդհանուր առմամբ, երկրում յայտարարւած էր արտակարգ դրութիւն, բայց, կարծես թէ, այդ հիմնական խստութիւնը վերաբերում էր ԶԼՄ-ների աշխատանքներին: Դա պէտք է վերաբերէր կեանքի մնացած ոլորտներին եւս: Ակնյայտ է, որ ի սկզբանէ իշխանութեան կողմից կար անլուրջ մօտեցում, վերաբերմունք:

 

- Ըստ Ձեզ՝ հիմա այդ անլուրջ մօտեցումը փոխւե՞լ է, իշխանութիւններն աւելի լո՞ւրջ են վերաբերւում ստեղծւած իրավիճակին:

- Կարծում եմ՝ արդէն հասկացել են, որ սա կատակ չէ, բայց քայլներն ու գործողութիւնները պէտք է լինեն հաւասարակշռւած, թիրախային, ու այս մեր ծրագիրը, որը կազմել էինք, հիմնականում թիրախային ենք համարել, որ պէտք է ամէն ինչ անել համաճարակի, համավարակի տարածումը կանխելու ուղղութեամբ եւ դրան զուգահեռ անդրադառնալ տնտեսութեանը, թիրախային քայլերը ձեռնարկել, նկատի ունենալ մեր սոցիալական անապահով խաւին, որն այս օրերին հացի խնդիր է ունենալու: Պէտք է ամէն ինչ անել, որպէսզի տնտեսութիւնը նւազ կորուստներով դուրս գայ այս իրավիճակից:

 


- Կարծում էք՝ արտակարգ դրութիւնը երկարացնելու որոշում կը կայացնի՞ ՀՀ կառավարութիւնը:

- Չեմ կարող ասել, քանի որ դա կորոշի կառավարութիւնը երկրում ստեղծւած իրավիճակի իրական պատկերը ամփոփելուց յետոյ: Այն ինֆորմացիան, որ իրենք ունեն, դա իրենք պէտք է որոշեն, այսինքն՝ իրենք ունեն իսկական տեղեկատւութիւնը, թէ իրականում ինչ է կատարւում ՀՀ-ում:

 

- Աւելի է խստացւել վիճակը, ու, կարծես թէ, հանրութիւնն էլ ինքնամեկուսացել է, դա չի՞ նշանակում, որ ապրիլի կէսին արդէն իրավիճակը աւելի պարզ կը դառնայ: Դուք ի՞նչ տեղեկութիւն ունէք այդ մասին:

- Այս քայլերը պէտք էր շուտ անել, իրենք անընդհատ մի բան յայտարարել են, բայց անլրջացրել են իրավիճակը, դրա համար մարդիկ սկսեցին այս վիճակին անլուրջ վերաբերւել, մինչեւ տեսան, որ այլ երկրներում ինչ է կատարւում: Այստեղ արդէն հասկացան, որ կարող է իրավիճակը վերահսկողութիւնից դուրս գալ, հիմա սա գիտակցելով՝ կարծես թէ, խստացնում են, քանի որ իսկապէս այն լուրջ է. դա կապւած է մարդկանց առողջութեան հետ: Այս մեր ծրագիրը, որը ներկայացրել ենք, կոնկրետ երկու ամսւայ քայլերի ծրագիր է. եթէ լինեն այլ բաներ, մենք կրկին հանդէս կը գանք առաջարկութիւններով:

 

- ՀՅԴ-ն մշտապէս քննադատել է իշխանութիւնների վարած քաղաքականութիւնը, արդեօք կարծո՞ւմ էք, որ այդ առաջարկութիւնները կառավարութիւնը ընդունելու է ու մեկնած ձեռքը սեղմի:

- Մեր որոշ քննադատողներին՝ թէ ընդդիմադիր կուսակցութիւն ենք, ի՞նչ համագործակցութեան խնդիր կայ, ես ուզում եմ եւս մէկ անգամ յստակեցնել, որ մեր ընդդիմադիր կեցւածքներում, մեր գործունէութեան, մեր գնահատականների մէջ ոչինչ չի փոխւել, բայց երկիրն ունի մարտահրաւէր, ունի դժւարութիւն, որտեղ քաղաքական դիւիդենտներ հաւաքելու, իշխանութիւն-ընդդիմութիւն խաղալու ժամանակը չի, այլ իւրաքանչիւր անհատ պէտք է իր մասնակցութիւնն ունենայ այս իրավիճակը յաղթահարելու համար: Սա վերաբերում է նաեւ իշխանութիւններին, որպէսզի իրենք էլ իրենց գործողութիւններով, ելոյթներով այդ մթնոլորտին չնպաստեն. այս իրավիճակը սեւեր եւ սպիտակներ չի ճանաչում:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։