Հա

Ազգային

30/03/2020 - 10:10

Հաստատէք պետութիւնն ամրապնդելու եւ զարգացնելու համաժողովրդական կամքը

Սիրելի արցախցիներ,

Նախընտրական քարոզարշաւը մօտենում է իր եզրագծին: Քարոզարշաւին հանրութեանն ենք ներկայացրել Դաշնակցութեան տեսակէտները իրավիճակի եւ առկայ խնդիրների վերաբերեալ:

Սիրելի արցախցիներ,

Նախընտրական քարոզարշաւը մօտենում է իր եզրագծին: Քարոզարշաւին հանրութեանն ենք ներկայացրել Դաշնակցութեան տեսակէտները իրավիճակի եւ առկայ խնդիրների վերաբերեալ:

Աւաղ, յայտնի պատճառներով չենք հասցրել այցելել բոլոր բնակավայրերը: Հայցում եմ մեր ընտրողների ներողամտութիւնը: Նրանց հետ կը հանդիպենք այլ առիթներով:

Իմ հիմնական ասելիքը հակիրճ ամփոփելու համար հարկ եմ համարում ընդգծել, որ արցախեան նորօրեայ պայքարում բոլոր հիմնախնդիրները մենք յաղթահարել ենք միասնաբար՝ քայլ առ քայլ կերտելով մեր պետականութիւնը շարունակւող հակամարտութեան, քաղաքական բարդ գործընթացների եւ վտանգաւոր միտումների պայմաններում:

Այս հանգրւանում մեր առջեւ ծառացած մարտահրաւէրները յաղթահարելու եւ երկրի զարգացմանը նոր շունչ հաղորդելու առանցքային նախադրեալը համազգային ներուժի համախմբումն է եւ առաջնահերթութիւնների շուրջ քաղաքական համախոհութեան ձեւաւորումը, որին եւ հետամուտ ենք:

Մեր երկրում անհրաժեշտ են այնպիսի փոփոխութիւններ, որոնք մեզ կօգնեն բնականոն զարգանալ՝ ապահովելով կայունութիւն եւ առկայ բազմաբնոյթ խնդիրներին խելամիտ լուծումներ տալ՝ զերծ մնալով ցնցումներից:

Ժողովրդին յուզող հարցերին հանգամանօրէն անդրադարձել ենք ՀՅԴ նախընտրական ծրագրում, որն ունի ընդգծւած սոցիալական ուղղւածութիւն: Անելիքները շատ են անվտանգութեան եւ պաշտպանութեան, կրթութեան եւ գիտութեան, մշակոյթի, երիտասարդութեան եւ սպորտի, առողջապահութեան եւ բնապահպանութեան, պետական կառավարման համակարգի, տնտեսական, հարկաբիւջետային եւ վերաբնակեցման, արտաքին եւ ներքին յարաբերութիւնների, զբօսաշրջութեան եւ այլ ուղղութիւններում:

2017 թւականին, երբ ընդունւում էր նոր Սահմանադրութիւն, մենք դէմ ենք արտայայտւել կառավարման ներկայ համակարգին, եւ համոզւած ենք, որ մեր երկրում արդիւնաւէտ է խորհրդարանական կառավարման համակարգը: Սահմանադրական փոփոխութիւններով պէտք է ապահովւի օրէնսդիր, գործադիր եւ դատական իշխանութեան տարանջատումը, հակակշիռների եւ զսպումների կառուցակարգերի ներդրումը եւ հանրային վերահսկողութեան ընդլայնումը: Այսպիսի բարեփոխումները խթանիչ ազդակ կը դառնան պատասխանատւութեան բարձրացման, հասարակական առաջընթացի եւ պետականութեան ամրապնդման համար:

Տնտեսական զարգացման ընթացքն արագացնելու, ներդրումային իրավիճակը բարելաւելու եւ ներքին համերաշխութիւնն ամրացնելու գործում հանգուցային նշանակութիւն ունի ապօրինութիւնների, մենատիրութեան երեւոյթների, կոռուպցիայի եւ հովանաւորչութեան դէմ պայքարի արդիւնաւէտ մեխանիզմների որդեգրումը, ինչը կընդլայնի նաեւ սոցիալական խնդիրների լուծման հնարաւորութիւնները;

Կարեւոր է վերահսկողական գործառոյթ իրականացնող պետական մարմիններում ընդդիմութեան ազդեցիկ դերակատարութեան ապահովումը:

Սիրելի՛ հայրենակիցներ,

Անհրաժեշտ եմ համարում ուշադրութիւն հրաւիրել հետեւեալ դիտարկումների եւ նկատառումների վրայ.

Համապետական այս ընտրութիւններին մասնակցում են աննախադէպ շատ թեկնածուներ եւ քաղաքական ուժեր, այդ թւում՝ նաեւ նոր ձեւաւորւած, նորայայտ կուսակցութիւններ: Շատ հարցերում մենք կարող ենք տարակարծիք լինել, սակայն ընտրապայքարը չպէտք է մթագնի կենսական հարցերում համերաշխութեան գիտակցութիւնը, եւ բոլորս պէտք է ջանանք, որպէսզի քարոզարշաւն աւարտւի օրինականութեան, միմեանց եւ ընտրողների հանդէպ յարգանքի, առողջ բանավէճի եւ մրցակցութեան պայմաններում:

Մեր հասարակութեան ստւար մասն ապրում է հանապազօրեայ հոգսերը մի կերպ հոգալու մաշող պայքարում, ինչը լուրջ խնդիրների, բացթողումների եւ անելիքների մասին է խօսում: Պատահական չէ, որ նախագահի թեկնածուները եւ կուսակցութիւնները յատկապէս սոցիալ-տնտեսական իրավիճակի կտրուկ բարելավման խոստումներ են շռայլում, սակայն լոկ խոստումներով այդ հարցերը չեն լուծւում, իսկ երբեմն դրանք պարզապէս մնում են որպէս գայթակղութեան միջոց:

Մինչդեռ, համախոհութեան եւ ջանքերի համախմբման ճանապարհով հնարաւոր է իրական գործ կատարել՝ մեր երկրում աղքատութիւնը յաղթահարելու, ընդհանուր բարեկեցութիւնը բարձրացնելու, արդարութեան եւ միասնութեան հիմքերն ամրապնդելու եւ արդիւնքում՝ էական առաջընթաց ապահովելու ուղղութեամբ:

ՀՅԴ նախընտրական ծրագրում ներկայացրել ենք իրատես մօտեցումներ, որոնք ժողովրդի հաւանութեանն արժանանալու պարագայում պատրաստ ենք կեանքի կոչել՝ այդ գործընթացում ձեւաւորելով հնարաւոր լայն համախոհութիւն:

Յարգելի հայրենակիցներ,

Արցախ աշխարհի ներկայի եւ ապագայի համար պատասխանատու ենք բոլորս՝ անկախ մեր քաղաքական համոզմունքներից, տեսակէտներից, սոցիալական վիճակից, զբաղմունքից եւ այլ հանգամանքներից:

Շատ կարեւոր է, որ ազատ ու անկաշկանդ կամարտայայտութեամբ իրացնենք օրինական իշխանութիւնների ձեւաւորման երաշխաւորի մեր իրաւունքներն ու պարտականութիւնները՝ վերահաստատելով մեր ինքնիշխան պետութիւնն ամրապնդելու եւ զարգացնելու համաժողովրդական կամքը, միաժամանակ ընտրելով նախագահ եւ որոշելով քաղաքական ուժերի պատասխանատւութեան չափաբաժինը առաջիկայ տարիների համար:

Ընտրութիւնը քոնն է, հայրենակից:

 

ԱՀ նախագահի թեկնածու Դաւիթ Իշխանեան

Յարակից լուրեր

  • Մայր Աթոռ Սուրբ Էջմիածնում կը գործի Արցախի հոգեւոր-մշակութային ժառանգութեան հարցերով գրասենեակ
    Մայր Աթոռ Սուրբ Էջմիածնում կը գործի Արցախի հոգեւոր-մշակութային ժառանգութեան հարցերով գրասենեակ

    Ն.Ս.Օ.Տ.Տ. Գարեգին Երկրորդ Ծայրագոն Պատրիարք եւ Ամենայն Հայոց կաթողիկոսի հայրապետական տնօրինութեամբ Մայր Աթոռ Սուրբ Էջմիածնում հաստատւել է Արցախի հոգեւոր-մշակութային ժառանգութեան հարցերով գրասենեակ։

  • Միջին Արեւելքի Եկեղեցիներու Խորհուրդի յայտարարութիւնը արդարութիւն՝ Արցախի համար
    Միջին Արեւելքի Եկեղեցիներու Խորհուրդի յայտարարութիւնը արդարութիւն՝ Արցախի համար

    Արցախի մէջ տեղի ունեցած վեցշաբաթեայ արիւնարբու պատերազմը դադրեցաւ զինադուլով մը, ինչպէս նաեւ համաձայնութիւնով մը, որ տարածաշրջանը կը դնէ անորոշ, անկայուն եւ կարճաժամկէտ խաղաղութեան մը մէջ։ Համաձայնութիւնը այնքան թոյլ է, որ լարուած վիճակ մը կը ստեղծէ՝ առանց կայուն խաղաղութեան յստակ հիմքի։

  • Երբ պետականութեան անկիւնաքարերն ես տեղաշարժել
    Երբ պետականութեան անկիւնաքարերն ես տեղաշարժել

    Մարդկութեան պատմութիւնը բազմաթիւ օրինակներ ունի տապալւած կառավարութիւնների եւ առաջնորդների վաղաժամկէտ, եթէ չասեմ էքստրեմալ հեռացման: Դա նորմալ երեւոյթ է, որովհետեւ ժողովուրդ եւ պետականութիւն հասկացութիւնները անհամեմատելիօրէն վեր են իշխանութիւն եւ առաջնորդ հասկացութիւններից: Աննորմալը հակառակն է՝ երբ տապալւած կառավարութիւններն ու դուսպրծուկ առաջնորդները փորձում են իրենց վեր դասել պետութիւնից ու ժողովրդից եւ նոյնիսկ ամենախայտառակ պարտութիւնից ու կապիտուլեացիայից յետոյ էլ չեն ցանկանում թողնել իշխանական աթոռները:

  • Վարդան Ոսկանեան. «Արցախում սահմանազատման գործընթացում ամէն մի բլուրն ու ձորակը, ամէն մի քարն ու թուփը»
    Վարդան Ոսկանեան. «Արցախում սահմանազատման գործընթացում ամէն մի բլուրն ու ձորակը, ամէն մի քարն ու թուփը»

    Իրանագէտ Վարդան Ոսկանեանը ֆէյսբուքեան իր էջում գրում է.

  • Դաշնակցականի ճանապարհը
    Դաշնակցականի ճանապարհը

    Հայ ժողովուրդն անցաւ դժոխքի միջով: Արցախին ու ողջ հայութեանը պարտադրւած պատերազմի հրդեհի մէջ այրւեց ազգի ծաղիկը, նրա սերուցքի մի մասը: Բազմաթիւ են անկրկնելի սխրանքների եւ անձնազոհ վարքի օրինակները, որոնք ակնառու վկայութիւններն են հայ ժողովրդի հերոսական ոգու, որ հպարտութիւն է ներշնչում նման որդիներ ծնող ժողովրդին պատկանելուդ համար:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։