Հա

Ազգային

07/05/2020 - 11:55

Լոյս է տեսել ՀՅԴ պաշտօնաթերթ «Դրօշակ»-ի հինգերորդ համարը

Այսօրւանից համացանցի վրայ է ՀՅԴ Բիւրոյի պաշտօնաթերթ «Դրօշակ»-ի 5-րդ համարը: Մայիսեան այս թիւը գլխաւորաբար անդրադարձ է այս ամսին հայութեան ունեցած յաղթական եւ հպարտալի ձեռքբերումներին: Պաշտօնաթերթի լուսաբանութեան առանցքում են յատկապէս 1918 թւականին անկախութեան նւաճման իրադարձութիւններն ու դրանց հերոսները, ինչպէս եւ Շուշիի ազատագրումը, որպէս Արցախի անկախացման ճանապարհի շրջադարձային հանգրւան:

Այսօրւանից համացանցի վրայ է ՀՅԴ Բիւրոյի պաշտօնաթերթ «Դրօշակ»-ի 5-րդ համարը: Մայիսեան այս թիւը գլխաւորաբար անդրադարձ է այս ամսին հայութեան ունեցած յաղթական եւ հպարտալի ձեռքբերումներին: Պաշտօնաթերթի լուսաբանութեան առանցքում են յատկապէս 1918 թւականին անկախութեան նւաճման իրադարձութիւններն ու դրանց հերոսները, ինչպէս եւ Շուշիի ազատագրումը, որպէս Արցախի անկախացման ճանապարհի շրջադարձային հանգրւան: «Դրօշակ»-ում տեղ գտած յօդւածներում, դրանց հեղինակները նշանաւոր իրադարձութիւններին աւելի շատ անդրադառնում են քաղաքական նշանակութեան գնահատման տեսանկիւնից եւ ապա պատմական իրողութիւնների մեկնաբանութեանն ի խնդիր: Վաչէ Բրուտեանի հեղինակած առաջնորդողով, նոյն տրամաբանութեամբ էլ սկսւում է «Դրօշակ»-ի մայիսեան համարը: Անկախ պետականութեան վերականգնման փաստը դիտարկելով որպէս հայ ժողովրդի եւ հայոց երկրի համար ճակատագրական իրադարձութիւն վերջինիս զարգացման տրամաբանական շարունակութիւնն է դիտարկւում Առաջին հանրապետութեան իշխանութեան կողմից Ազատ Անկախ եւ Միացեալ Հայաստանի նպատակի հռչակումը, ինչպէս եւ Սեւրի ու Վիլսոնեան իրաւարար վճռի ի յայտ գալը:

Առաջին Հանրապետութեան ծնունդը համարելով մայիսեան հերոսամարտերի ուղղակի արդիւնքը ՀՀ Ակադեմիայի պատմութեան ինստիտուտի տնօրէն Աշոտ Մելքոնեանը հարցազրւյցում անդրադառնում է նաեւ հայութեան առջեւ ներկայումս ծառացած մարտահրաւէրներին:

Արարատ Յակոբեանը անդրադառնալով Առաջին Հանրապետութիւնում իրականացւած պետականաշինութեան խնդիրներին ուշագրաւ զուգահեռներ է անցկացնում առաջին ու ներկայիս հանրապետութիւնների միջեւ, բացայայտելով դրանց օրգանական կապը:

Արմէն Ասրյեանի եւ Վարդան Պետրոսեանի յօդւածները նւիրւած են Առաջին Հանրապետութեան ծանր երկունքի շրջանի եւ առհասարակ ազատագրական պայքարի երկու առանցքային գործիչների՝ Արամ Մանուկեանի եւ Դրաստամատ Կանայեանի կերպարներին եւ դերակատարութեանը:

Ինչպէս վերեւում նշւեց «Դրօշակ»-ի մայիսեան այս հրատարակութիւնը հաւասարապէս արժեւորել է նաեւ Շուշիի ազատագրման թեման: Կարծում ենք ընթերցողը հետաքրքրութեամբ կընթերցի Արցախեան ազատագրական պայքարի շրջանում Դաշնակցութեան մարտական գործունէութեան կազմակերպիչ եւ պատասխանատու Հրանտ Մարգարեանի հետ պաշտօնաթերթի հարցազրոյցը: Այս հարցազրոյցից կարելի է ուշագրաւ մանրամասներ իմանալ ազատագրական պայքարի կազմակերպման պատմական պահի, ինչպէս եւ տւեալ գործընթացներում Դաշնակցութեան ունեցած դերակատարութեան մասին:

Շուշիի ազատագրման գործողութեան նախապատրաստման եւ իրականացման վաւերագրութիւնն է ներկայացւած Միքայէլ Հաջեանի յօդւածում:

Պաշտօնաթերթը չի սահմանափակւում միայն պատմական նւաճումների թեմայով, համարում կարելի է գտնել նաեւ Սեդօ Պոյաճեանի յօդւածը, նորանկախ Հայաստանում օրւայ ղեկավարների առաջնորդութեամբ, ի սկզբանէ ծաւալւած ու ներկայումս շարունակւող պետութեան ներկայի ու ապագայի համար մտահոգիչ գործընթացներին:

Ցանկացած պետութեան համար անհրաժեշտ քաղաքական ընտրախաւի թեման է քննութեան առել երիտասարդ քաղաքագէտ Տիգրան Չանդոյեանը:

«Դրօշակ»-ը շարունակում է ներկայացնել Մկրտիչ Մկրտիչեանի հետաքրքրական յօդւածաշարը նւիրւած հայոց նորանկախ պետականութեան զարգացման ընթացքին, պետութեան եւ սփիւռքի փոխյարաբերութիւններին, այդ փոխյարաբերութիւնների շրջագծում անդրադառնալով ՀՅ Դաշնակցութեան քաղաքական ներկայութեանը:

Սուզան Խարդալեանն անդրադառնում է այսօրւայ աշխարհը տակնուվրայ արած համաճարակին, վերջինիս ունեցած ազդեցութեանը մարդկային հաւաքականութեան վրայ եւ մարդկութեան հեռանկարին հետ համավարակային հեռանկարում:
«Դրօշակ»-ը շարունակում է հրապարակել հէնց «Դրօշակ»-ի կենսագրութիւնը հանրագիտարանային մանրամասնութեամբ լուսաբանող Աւօ Գաթրջեանի յօդւածը:

«Դրօշակ»-ի այս համարում ամփոփւում է Վրէժ Նահատակեանի «Ջաւախքի հիմնահարցերը» ծաւալուն ու հետաքրքրական յօդւածը, ուր, խնդիրները ներսից ճանաչողի իրազեկութեամբ, համակողմանիօրէն քննութեան են առնւում Ջաւախքի ու ջաւախահայութեան առջեւ ներկայումս ծառացած բազմաթիւ հիմնահարցերը:

Խմբագրակազմը «Դրօշակ»-ի այս համարը մատուցում է իր ընթերցողին, որպէս համեստ նւէր մայիսեան փառապանծ տօների առիթով:

«Դրօշակ»-ի համարը համացանցում կարող էք գտնել droshak.am հասցէի ներքոյ:

Ներբեռնել համարը Դրօշակ թիւ 5, 2020

Յարակից լուրեր

  • Օրւայ հրամայականն է՝ առաջնորդւել նրանց կերտած արժէքներով. ՀՅԴ-ն նշում է Մայիսի 28-ը
    Օրւայ հրամայականն է՝ առաջնորդւել նրանց կերտած արժէքներով. ՀՅԴ-ն նշում է Մայիսի 28-ը

    1918-ի մայիսի 28-ին Հայոց ազգային խորհուրդը Թիֆլիսում «իրեն յայտարարեց Անդրկովկասի հայկական գաւառների գերագոյն եւ միակ իշխանութիւն»: Արեւելեան Հայաստանի վերջին կտորների վրայ ապրող հայութեանը ոչնչացնելու եւ, դրանով իսկ, հայոց քաղաքակրթութիւնը սեփական հայրենիքում բնաջնջելու եկած թուրքական կանոնաւոր բանակին յետ մղելով, հայ ժողովուրդը հնարաւորութիւն ունեցաւ հայրենիքի մի փոքրիկ բեկորի վրայ ստեղծելու պետականութիւն:

  • Հայ Յեղափոխական Դաշնակցութիւնը պատնէշի վրայ է
    Հայ Յեղափոխական Դաշնակցութիւնը պատնէշի վրայ է

    Տեսակապով «Երկիրն այսօր»-ը զրուցել է ՀՅԴ Բիւրոյի ներկայացուցիչ Յակոբ Տէր-Խաչատուրեանի հետ։

  • Հրանտ Մարգարեան. «Հայոց ազատամարտի դրօշը շատ վաղուց այդքան հպարտ չէր ծածանւել»
    Հրանտ Մարգարեան. «Հայոց ազատամարտի դրօշը շատ վաղուց այդքան հպարտ չէր ծածանւել»

    Հարցազրոյց Արցախեան ազատագրական պայքարում Հ.Յ. Դաշնակցութեան մարտական գործունէութեան կազմակերպիչ եւ պատասխանատու Հրանտ Մարգարեանի հետ:

  • Հզօրանալ է պէտք
    Հզօրանալ է պէտք

    ՀՅԴ 33-րդ Ընդհանուր ժողովի յայտարարութեամբ ասւած է, որ Արցախի հանրապետութեան անկախ պետականութեան կարգավիճակը եւ տարածքային ամբողջականութիւնն անսակարկելի են։

  • ՀՅ Դաշնակցութեան հիմումքները
    ՀՅ Դաշնակցութեան հիմումքները

    «Դաշնակցութեան ծրագրի հիմը կը կազմեն հայ ժողովրդի ցանկութիւնները եւ այդ ժողովրդի յարատեւումին կապուած բաղձանքները: Ու քանի որ փոփոխական են հայ ժողովրդի ցանկութիւնները, ապա փոփոխական է նաեւ Դաշնակցութեան ծրագիրը: Բայց կան ոչ միայն փոփոխելի, այլ եւ անփոփոխելի արժէքներ: Եւ ինչպէս անփոփխելի են հայ ժողովրդի որոշ ցանկութիւնները, ճիշտ նոյն ձեւով անփոփոխելի են նաեւ Դաշնակցութեան ծրագրների որոշ հիմունքները.- այդ անփոփխելի հիմունքներն են՝

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։