Հա

Ազգային

03/06/2020 - 19:00

«Այս ընթացքը կարող է բերել համընդհանուր աղէտի եւ անդառնալի կորուստների». ՀՅԴ-ն պահանջում է ՀՀ ԱԺ յատուկ նիստ

ՀՅԴ Հայաստանի Գերագոյն մարմնի ներկայացուցիչ Իշխան Սաղաթելեանը ներկայացնում է ՀՀ Ազգային ժողովի արտահերթ նիստ հրաւիրելու մասին ՀՅԴ յայտարարութիւնը.

ՀՅԴ Հայաստանի Գերագոյն մարմնի ներկայացուցիչ Իշխան Սաղաթելեանը ներկայացնում է ՀՀ Ազգային ժողովի արտահերթ նիստ հրաւիրելու մասին ՀՅԴ յայտարարութիւնը.

«Երկիրը կանգնած է դժւարին մարտահրաւէրների առջեւ: Համավարակը, տնտեսական խորացող ճգնաժամը, ահագնացող սոցիալական հիմնախնդիրները լրջագոյն սպառնալիք են պետութեան ու ժողովրդի, ներքին ու արտաքին անվտանգութեան համար: Կառավարութեան քայլերը կա՛մ անարդիւնաւէտ են, կա՛մ ուշացած, իսկ յաճախ՝ նաեւ սխալ: Բոլոր ուղղութիւններով առկայ է ճգնաժամ: Այս ընթացքը կարող է յանգեցնել համընդհանուր աղէտի ու անդառնալի կորուստների:

Իբրեւ առաջնային մանդատ ունեցող քաղաքական մարմին` Ազգային ժողովն անմիջական պատասխանատւութիւն է կրում երկրում ստեղծւած վիճակի համար, ուստի պէտք է այս ծանր պահին զերծ մնայ անօգուտ, ժամանակավրէպ օրակարգերից եւ զբաղւի երկրի համար թիւ մէկ հարցով։

Հաշւի առնելով ստեղծւած իրավիճակը, փաստելով կառավարութեան ձախողումն ու անկարողութիւնը՝ պահանջում ենք մինչեւ ներկայիս արտակարգ դրութեան ժամկէտի աւարտը գումարել Ազգային ժողովի յատուկ նիստ` հետեւեալ օրակարգով

1. քննարկել եւ ամբողջական գնահատական տալ առկայ իրավիճակին,

2. սկսած թիւ մէկ պատասխանատու վարչապետից՝ պատասխանատւութեան կանչել ձախողած բոլոր պաշտօնատար անձանց,

3. գտնել ճգնաժամից դուրս գալու լուծումներ, որոնք արագ եւ արդիւնաւէտ ձեւով կը կասեցնեն համավարակի տարածումը եւ կը կանգնեցնեն տնտեսութեան փլուզումը:

Երկրի եւ ժողովրդի շահը վեր է ամէն ինչից։ Պահի լրջութիւնը պարտադրում է բոլոր ջանքերը նպատակաուղղել աղէտի կանխմանը: 

Իշխանութեանը եւս մէկ անգամ կոչ ենք անում սթափւել եւ առաջնորդւել համազգային շահերով։

Դուք էք իրավիճակի հետագայ վատթարացման միակ մեղաւորն ու պատասխանատուն՝ բոլոր հնարաւոր հետեւանքներով:

 

 

ՀՅ ԴԱՇՆԱԿՑՈՒԹԵԱՆ

ՀԱՅԱՍՏԱՆԻ ԳԵՐԱԳՈՅՆ ՄԱՐՄԻՆ

03.06.2020 թ.»:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։