Հա

Ազգային

11/07/2020 - 11:40

Արտակարգ դրութեան երկարաձգումը քաղաքական մոտիւացիա ունի

Պարտադիր չէ արտակարգ դրութիւն սահմանել, որ մարդկանց պարտադրեն դիմակ դնել: Որեւէ արտակարգ քայլ չենք տեսնում, միայն դիմակ դնելու պարտադրանքն է, ինչը շատ քիչ է: Այս մասին Tert.am-ի հետ զրոյցում ասաց ՀՅԴ ԳՄ անդամ Արթուր Խաչատրեանը՝ անդրադառնալով արտակարգ դրութեան հնարաւոր երկարաձգմանը:

«alikonline.ir» - Պարտադիր չէ արտակարգ դրութիւն սահմանել, որ մարդկանց պարտադրեն դիմակ դնել: Որեւէ արտակարգ քայլ չենք տեսնում, միայն դիմակ դնելու պարտադրանքն է, ինչը շատ քիչ է: Այս մասին Tert.am-ի հետ զրոյցում ասաց ՀՅԴ ԳՄ անդամ Արթուր Խաչատրեանը՝ անդրադառնալով արտակարգ դրութեան հնարաւոր երկարաձգմանը:

«Արտակարգ դրութեան ընթացքում կորոնավիրուսի տարածման տեմպերը չեն նւազում, մնացել են այնպէս, ինչպէս կային, եւ պատճառն այն է, որ Կառավարութիւնը որեւէ քայլ չի ձեռնարկում, որ համավարակի դէմ արդիւնաւէտ պայքարի: Ժամը 10-12-ը տարեցների՝ խանութից օգտւելը եւս կարող էին կազմակերպել՝ առանց արտակարգ դրութեան: Միայն դիմակ դնելու պարտադրանքը շատ քիչ է, պէտք է կարողանան մշակել նոր նորմալի կանոնները: Համավարակի դէմ պայքարելուն զուգընթաց՝ կազմակերպեն արդիւնաբերութիւնը, հանրային ծառայութիւնները, մշակոյթը, կրթութիւնը»,- ասաց Խաչատրեանը:

Նա ընդգծեց՝ քանի որ համավարակի տեմպերը ցոյց են տալիս, որ միայն դիմակ դնելու պարտադրանքը բացարձակապէս արդիւնաւէտ չէ, հետեւաբար արտակարգ դրութիւնը երկարաձգելու մոտիւացիան պէտք է այլ տեղ փնտրել:

«Ակներեւաբար քաղաքական մոտիւացիա է, որ ժողովուրդը չկարողանայ իր դժգոհութիւններն արտայայտել, քանի որ արտակարգ դրութիւնն իրենից որոշակի սահմանափակումներ է ենթադրում: Օրինակ՝ իրաւապաշտպան Ռուբէն Մելիքեանի մէկ հոգանոց ակցիան, որը հանրային առողջութեան տեսանկիւնից որեւէ վտանգ չէր ներկայացնում, կանխւեց՝ նրան բերման ենթարկելով»,- նշեց նա:

Խաչատրեանի խօսքով՝ համավարակի, արտակարգ դրութեան պայմաններում իշխանութիւնները շատ արագ, արտահերթ նիստերի ռեժիմով կարեւոր, կենսական նշանակության փոփոխութիւններ իրականացրին՝ առանց հանրային լայն քննարկումների:

«Արտակարգ դրութեան պայմաններում արագօրէն որոշակի կարեւոր օրէնսդրական փոփոխութիւններ տեղի ունեցան՝ Սահմանադրութեան փոփոխութիւն, Լանզարոտէի կոնւենցիայի ընդունում, գոյքահարկի փոփոխութիւնները: Պէտք էր հանրային լայն քննարկումներ կազմակերպել, յետոյ միայն որոշում կայացնել: Օրինակ՝ գոյքահարկի բարձրացումը հերթական անգամ սոցիալական բեւեռացման է տանելու, իսկ մեր տնտեսութեան խոցելիութիւնը բեւեռացումն է, ոչ ներառականութիւնը»,- ասաց նա:

Նա ընդգծեց՝ պէտք էր դեռ մարտ ամսից ուժեղ կարանտինային ռեժիմ հաստատել, որ վարակը չտարածւէր: «Բազմաթիւ փորձագէտներ, տնտեսագէտներ, առողջապահութեան ոլորտի մասնագէտներ, քաղաքական ուժեր կոչ էին անում խիստ կարանտին ռեժիմ սահմանել, չարեցին, այժմ այդ սխալն ուղղել չենք կարող: Այժմ արդէն պէտք է կարողանալ սահմանել նոր նորմալի պայմաններն ու ապահովել դրանց իրականացումը: Մեզ մօտ ե՛ւ տնտեսութեանը վնաս հասցրին, ե՛ւ համավարակի տարածումը չկարողացան կանխել»,- ասաց Արթուր Խաչատրեանը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։