Հա

Ազգային

26/07/2020 - 11:25

«Փաշինեանը փորձում է «ֆռռացնել» հայ հասարակութեանն ու ռուսական քաղաքական ղեկավարութեանը, յայտարարելով՝ «թաւշեան» չունէր Հայաստանի աշխարհաքաղաքական ուղղութիւնը փոխելու խնդիր»․ Բ․ Եսայեան

Ուզո՞ւմ էք հասկանալ նիկոլական քարոզչութեան էութիւնը, համեմատէք Մարգարիտա Սիմոնեանի ու Ալեքսէյ Նաւալնու նկատմամբ Հ1-ազատութիւն-ֆէյքազոմբիական բանակի վերաբերմունքը։

«alikonline.ir» - Ուզո՞ւմ էք հասկանալ նիկոլական քարոզչութեան էութիւնը, համեմատէք Մարգարիտա Սիմոնեանի ու Ալեքսէյ Նաւալնու նկատմամբ Հ1-ազատութիւն-ֆէյքազոմբիական բանակի վերաբերմունքը։ Այս մասին ըստ Tert.am-ի՝ իր ֆէյսբուքեան էջում գրել է ՀՅԴ գործիչ Բագրատ Եսայեանը:

Նա մասնաւորապէս նշել է․

«Ռուսաստանում յուլիսին կայացած սահմանադրական փոփոխութիւնների քւէարկութեան մեկնաբանութեան ժամանակ Հ1-ն առաջին անգամ, որպէս «հաւասարակշռող» կողմ հարցազրոյց վերցրեց Նաւալնուց։ Հիմա հարց. ո՞վ է Նաւալնին, ո՞վ է նրան «նշանակել» Պուտինի «օպոնենտ»։

Նրանք, ովքեր հետեւում են արեւմտեան լրատւամիջոցներին (որոնք վաղուց վերածւել են քարոզչական ու պրոպագանդիստական միասնական մեքենայի՝ Ազատութիւն, Եւրոնիւզ, CNN) յստակ տեսնում են, որ արեւմտեան գրանտներով սնւող, Ռուսաստանում հակապուտինեան շարժում հիմնադրել փորձող, բայց ռուսական հասարակութեան մէջ, բացի Մոսկւայի ու Պետերբուրգի պատանիների, երիտասարդների ու աւանդաբար արեւմտեան կողմնորոշում ունեցող ընդդիմադիր շրջանակներից դուրս որեւէ ճանաչում չունեցող Նաւալնին հետեւողականօրէն ներկայացւում է որպէս ընդդիմութեան Առաջին դէմք։

Իրենից ոչինչ չներկայացնող մի խեղկատակի Արեւմուտքն ու Եւրոպան հետեւողականօրէն փորձում են դարձնել Դէմք։ Ու Հ1-ը ընդամենը 20 օր առաջ՝ առաջին անգամ միացաւ արեւմտեան շահեր սպասարկող եւ մի կենտրոնից ղեկավարւող ագիտպրոպի մեքենային։ Եւ սա արւեց՝ լրագրութեան մէջ 2 կողմի «կարծիքը» ներկայացնելու «ազնիւ մղումով»՝ թքած, որ երկրորդ կողմը «նշանակւել է» անդրովկիանոսեան հակառուսական կենտրոնի կողմից։

Իսկ ինչ կատարւեց ռուսական պաշտօնական տեղեկատւութեան ու քարոզչամեքենայի «համակարգող», մեր ազգակից Մարգարիտա Սիմոնեանի նկատմամբ՝ նիկոլական քարոզչամեքենայի ու ֆէյքազոմբիական բանակի կողմից, բոլորս տեսանք։

Այնպէս որ, քիչ թէ շատ ուղեղ ունեցող ու մտածելու ունակութիւնը չկորցրած անձանց համար ակնյայտ է մի բան. Նիկոլը հերթական սուտն է ասում ու փորձում է «ֆռռացնել» հայկական հասարակութեանն ու ռուսական քաղաքական ղեկավարութեանը, յայտարարելով, իբր «թաւշեան» չունէր Հայաստանի աշխարհաքաղաքական ուղղութիւնը փոխելու խնդիր։ Իրականում այդ խնդիրը Նիկոլի կողմից դրւել է եւ հետեւողականօրէն իրականացւում է։ Բայց այս գաւառական «ճարպկութիւնը» ախր շատ ցածրորակ է Կրեմլեան փորձառու ղեկավարութեանը մոլորեցնելու համար։ Ուրեմն, հարցը նրանում է՝ կը յաջողւի՞ Նիկոլին հայ հասարակութեանը խաբել, թէ՞ մեր հասարակութիւնը կը մնայ իր աւանդական կողմնորոշմանը»։

Յարակից լուրեր

  • «Պետութեան աւարտը սկսում է բանակի ապալեգիտիմացումից». Անդրանիկ Թեւանեան
    «Պետութեան աւարտը սկսում է բանակի ապալեգիտիմացումից». Անդրանիկ Թեւանեան

    Անդրանիկ Թեւանեանը ֆէյսբուքեան իր էջում գրում է.

    44-օրեայ պատերազմը ոչ միայն պետական ու մարդկային ողբերգութիւն էր, այլ նաեւ 44-օրեայ ինտենսիւ ստերի մատուցման դիւերսիոն գործընթաց։

  • «Վերելակից՝ Սեւ լիճ. Ալիեւ-Փաշինեան կապի գաղտնիքները». «168 ժամ»
    «Վերելակից՝ Սեւ լիճ. Ալիեւ-Փաշինեան կապի գաղտնիքները». «168 ժամ»

    «Նիկոլ Փաշինեանը որպէս «թաւշեայ յեղափոխութեան» ու Դուշանբէում Ալիեւի հետ վերելակային գաղտնազրոյցի ամենամեծ ձեռքբերում՝ ներկայացրեց Ադրբեջանի հետ ուղիղ կապի հաստատումը։ Թէ ինչ մտքեր ու ոչ միայն մտքեր փոխանակւեցին այդ կապուղու միջոցով, տակաւին անյայտ է։ Ինչպէս որ չկան ստոյգ տեղեկութիւններ այն մասին՝ արդեօք այդ կապը դադարե՞ց պատերազմի ընթացքում եւ դրանից յետոյ, թէ՞ շարունակում էր ու է՛ գործել այնքան գաղտնիօրէն, որքան այն ծնած վերելակային գեալաջին։ 

  • Ո՞ւր է սահմանագիծը
    Ո՞ւր է սահմանագիծը

    Այսօր, աւելորդ անգամ մը եւս, հաստատուեցաւ, որ ՀՀ իշխանութեան գերագոյն դիրքը զբաղեցնող անձնաւորութիւնը եւ իր վարչախումբը վերջնականօրէն սնանկացած են թէ՛որպէս կառավարութիւն եւ թէ՛որպէս քաղաքական ուժ եւ պէտք է անյապաղ դուրս գան հայ անկախ պետականութեան քաղաքական բեմէն։

  • «Նիկոլ՝ նշանակում է անդադար պատերազմ, #antinikol՝ հնարաւոր խաղաղութիւն». Միքայէլ Մինասեան
    «Նիկոլ՝ նշանակում է անդադար պատերազմ, #antinikol՝ հնարաւոր խաղաղութիւն». Միքայէլ Մինասեան

    Նիկոլ՝ նշանակում է անդադար պատերազմ, #antinikol՝ հնարաւոր խաղաղութիւն։ Ահա այս պարզ բանաձեւի մէջ է Հայաստանի ընտրութիւնը։ Այդ մասին ֆէյսբուքեան իր էջում գրել է Սուրբ Աթոռում ՀՀ նախկին դեսպան Միքայէլ Մինասեանը։

  • «Եթէ ՀՀ կառավարութիւնը չուզենար որ ընդունուի…», կամ՝ Հայ Դատի պահանջատիրութեան սպառնալիքը
    «Եթէ ՀՀ կառավարութիւնը չուզենար որ ընդունուի…», կամ՝ Հայ Դատի պահանջատիրութեան սպառնալիքը

    Լենա Նազարեանի Թուրքիոյ հետ «չթշնամանք»ի սոփեստութենէն յետոյ, Նիկոլ Փաշինեանը 10 Մայիս 2021-ին, Խորհրդարանի նիստի իր ելոյթին մէջ, ահաւասիկ, հռետորական հարց կու տայ՝ «թուրքը մեր թշնամին ա, թէ մեր թշնամին չի», եւ ինքնիրեն կը պատասխանէ. «այո, դա որեւէ մէկի յայտարարութեամբ չի որոշւում, դա պատմական իրողութիւն ա: Մենք ուրիշ բան ենք ասում, ասում ենք այդ թշնամանքը պէտք է կա-ռա-վար-ուի:»

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։