Հա

Ազգային

01/08/2020 - 11:55

Լոյս է տեսել ՀՅԴ պաշտօնաթերթ «Դրօշակ»-ի ութերորդ համարը

Օգոստոսի 1-ից համացանցի վրայ է ՀՅԴ Բիւրոյի պաշտօնաթերթ «Դրօշակ»-ի 8-րդ համարը: Ամսագիրը թերթելով նկատելի է, որ վերջինիս էջերում հիմնականում ներկայացւած են Սեւրի պայմանագրի թեման եւ երիտասարդութեանը նւիրւած հրապարակումներ:

Օգոստոսի 1-ից համացանցի վրայ է ՀՅԴ Բիւրոյի պաշտօնաթերթ «Դրօշակ»-ի 8-րդ համարը: Ամսագիրը թերթելով նկատելի է, որ վերջինիս էջերում հիմնականում ներկայացւած են Սեւրի պայմանագրի թեման եւ երիտասարդութեանը նւիրւած հրապարակումներ:

Երիտասարդութեան թեման է տեղ գտել նաեւ Վաչէ Բրուտեանի հեղինակած առաջնորդողում, որն ուշագրաւ անդրադարձ է 1970-ականներին Սփիւռքում տեղի ունեցած վերազարթօնքի շարժմանը եւ ազգային իրաւունքների համար պահանջատիրական նորօրեայ պայքարին, որի առանցքում, մասնաւորապէս, քաղաքականացւած երիտասարդութեան ներգրաւումն էր հին պայքարի նոր ասպարէզ: Գաղափարական այս կազմակերպւած շարժման փուլից սկսելով Վ. Բրուտեանը անցում է կատարում ժամանակակից աշխարհի հիմնահարցերին եւ այն մարտահրաւէրներին, որոնք ծառացած են այսօրւայ հայ երիտասարդութեան առջեւ: Ոչ պատահականօրէն «Դրօշակ»-ի ներկայ թւի հեղինակների մի մասը նոյնպէս երիտասարդներ են:

Սեւրի դաշնագրի հարիւրամեակը, որը լրանում է սոյն թւականի օգոստոսի 10-ին, «Դրօշակ»-ը կարեւորել է մի քանի հետաքրքրական յօդւածներով, որոնց խորագրերը արդէն իսկ պատկերացում կը ստեղծեն տւեալ հրապարակումների ասելիքի վերաբերեալ. Սեդօ Պոյաճեան. «Սեւրի դաշնագիրը Հայոց ազգային ուխտին պատուանդանն է», Արամ Սայիեան. «Սեւրը եւ քրդերը», Մելինէ Անումեան. «Թուրքիայի մղձաւանջը. Սեւրի պայմանագրի շուրջ թուրքական «գիտական» շրջանակների նոր մօտեցումները» եւ ՎՐԷԺ-ԱՐՄԷՆ. «Սեւրէն մինչեւ Տաւուշ»:

«Դրօշակ»-ը չէր կարող չանդրադառնալ նախորդ ամսւայ ընթացքում Տաւուշի սահմանագծում տեղի ունեցած ռազմական բախմանը: Տւեալ իրադարձութիւնները ներկայացրել ու մեկնաբանել է ռազմական վերլուծաբան Արթուր Եղիազարեանը:

Օգոստոսեան համարում տեղ է գտել նաեւ 124 տարի առաջ այս նոյն ամսին տեղի ունեցած պատմական կարեւորագոյն իրադարձութեանը արձագանքող. «Բանկ Օտոմանի գրաւումը եւ «զուգակցւած հարւածների» մարտավարութիւնը Հայկական Հարցի եւ ազատագրական պայքարի համատեքստում» հետաքրքրական յօդւածը, որի հեղինակը «Դրօշակ»-ի ընթերցողներին ծանօթ, պատմաբան, Անի Մելքոնեանն է:

Հերթական այս համարով «Դրօշակ»-ը փաստում է, որ կարեւորում է բնապահպանութեան թեման կենտրոնանալով իհարկէ Հայաստանի բնապահպանական խնդիրների վրայ: ՀՅ Դաշնակցութեան Հայաստանի Գերագոյն մարմնի շրջակայ միջավայրի պահպանութեան եւ բնական ռեսուրսների յանձնախմբի նախագահ Արեգ Ղարաբեգեանը «Դրօշակ»-ի ընթերցողին այս անգամ ներկայացրել է «Կենսոլորտային պահպանավայր. էութիւնն ու կիրառման անհրաժեշտութիւնը Հայաստանում» յօդւածը:

«Տարածաշրջանային» խորագրի ներքոյ կարելի է կարդալ Միքայէլ Հաջեանի. «Բարեփոխումներ» Ադրբեջանում՝ ընտանեկան միապետութեան ամրապնդման հեռանկարով» յօդւածը, որում ուշագրաւ տեղեկութիւններ են ներկայացւած ադրբեջանական բռնապետական ընտանիքի եւ այս խոհանոցում հնարաւոր առաջիկայ փոփոխութիւնների վերաբերեալ:

«Դրօշակ»-ի համարը համացանցում կարող էք գտնել droshak.am հասցէի ներքոյ:

Ներբեռնել համարը Դրօշակ թիւ 8, 2020

 

Յարակից լուրեր

  • «Դրօշակ»-ի առաջնորդող․ Որպէս սկիզբ ազատւել ապազգային իշխանութիւնից
    «Դրօշակ»-ի առաջնորդող․ Որպէս սկիզբ ազատւել ապազգային իշխանութիւնից

    Ներկայ իրականութիւնը մերժում է այն պատմագիտական տեսակէտը, ըստ որի` անհատների դերը վճռորոշ չէ պատմական գործընթացներում: Եթէ այսօրւայ եւ 100-102 տարի առաջւայ հայաստանեան իրականութիւնը զուգահեռենք, ապա ակնյայտ կը դառնայ, որ մի դէպքում դարերով պետականազուրկ երկրի մի սերունդ, ցեղասպանւած ազգի մէջ ոգի ներարկելով, կարողացել է պետականութիւն կերտել, իսկ միւս դէպքում, հարիւրամեայ պետականութեան ու ինքնազարգացման ճանապարհ անցած նոյն ժողովրդի մի զգալի զանգւածի մէջ բացասական կրքեր գրգռելով, ապազգային եւ օտարասուն տարրը կարողացել է յաղթանակած ու կայուն պետութիւնը տանել կործանման: 

  • Լոյս է տեսել ՀՅԴ պաշտօնաթերթ «Դրօշակ»-ի 12-րդ համարը
    Լոյս է տեսել ՀՅԴ պաշտօնաթերթ «Դրօշակ»-ի 12-րդ համարը

    2020 թւականի յունւարից վերահրատարակւող ՀՅԴ Բիւրոյի պաշտօնաթերթ «Դրօշակ»-ը ընթերցողին է ներկայացնում տարեվերջեան թիւ 12-րդ համարը: Դժբախտաբար անցնող տարւայ ամփոփումն ու նորի դիմաւորումը հայ ժողովուրդը այս անգամ չի անում ընդունւած տրամադրութեամբ եւ «Դրօշակ»-ի խմբագրակազմն էլ պաշտօնաթերթի ներկայ թիւը նւիրել է գլխաւորաբար արցախին, արցախեան ողբերգական իրադարձութիւնների հետ կապւած ներքաղաքական եւ արտաքին քաղաքական խնդիրներին, Արցախեան հարցի զարգացման պատմական հոլովոյթին: 

  • Լոյս է տեսել ՀՅԴ պաշտօնաթերթ «Դրօշակ»-ի 11-րդ համարը
    Լոյս է տեսել ՀՅԴ պաշտօնաթերթ «Դրօշակ»-ի 11-րդ համարը

    Նոյեմբերի 19-ից համացանցի վրայ է ՀՅԴ Բիւրոյի պաշտօնաթերթ «Դրօշակ»-ի 11-րդ համարը: Բնականաբար համարի նիւթերի մեծ մասը նւիրւած է պատերազմին եւ վերջինիս հետ առնչւող իրադարձութիւններին: Համարի «Հարցազրոյց» խորագրի ներքոյ հրապարակւել է Բէյրութի «Վանայ ձայն» ձայնասփիւռի հարցազրոյցը ՀՅԴ Բիւրոյի անդամ Յակոբ Խաչերեանի հետ:

  • «Դրօշակ»-ի առաջնորդող. Նոր պատերազմ, հին դասեր
    «Դրօշակ»-ի առաջնորդող. Նոր պատերազմ, հին դասեր

    Սեպտեմբերի 27-ին Ադրբեջանը հերթական պատերազմը սանձազերծեց: Երբ դեռ թարմ են տաւուշեան դասերը, հարց է ծագում, թէ ինչու Ադրբեջանը նախաձեռնեց նոր արկածախնդրութիւն: Միւս կողմից` ադրբեջանական իշխանութիւնների` վերջին շաբաթների ագրեսիւ հռետորաբանութիւնը, ռազմական միջոցների եւ վարձկան ծայրայեղականների ակտիւ ներմուծումը երկիր իրական էին դարձնում հնարաւոր պատերազմի հաւանականութիւնը:

  • Լոյս է տեսել ՀՅԴ պաշտօնաթերթ «Դրօշակ»-ի տասներորդ համարը
    Լոյս է տեսել ՀՅԴ պաշտօնաթերթ «Դրօշակ»-ի տասներորդ համարը

    Հոկտեմբերի 1-ին լոյս է տեսել ՀՅԴ Բիւրոյի պաշտօնաթերթ «Դրօշակ»-ի տասներորդ համարը: Բնականաբար պաշտօնաթերթը չէր կարող շրջանցել այս օրերի «ամենատաք» իրադարձութիւնները, Արացախում ու Հայաստանի սահմանային գօտում ծաւալւող պատերազմի թեման: Այս թեմային է նւիրւած «Դրօշակ»-ի առաջնորդողը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։